YESKIAL 36:2 - Susula Malalaok Hehelu Palak Ma Hehelu Beuk

^2-6 ‘Lelek leoina titia-tataik-kala, sapu-la emi, ma lamanako emi hata-hetom-mala, ala lakamumulu-lakamamaek basa Israel lala'en-na so. Ala kokolak no namahokok, lae pupukuk makahuluk sila-la, besak ia, da'di sila nuun so. Hu ndia de, hai letek-kala ma pupukuk-kala, lee anak-kala ma bafak-kala, hai kota-kota fo manada'di ai batu manatapasasalak-kala, ma kota fo hataholin-nala la'oelan so, boema leoina titia-tatain-nala, lamanako ma ala hakinonolin-na, mamanene hata fo, Manetualain Fo Mademaina nafa'dan neu emi nae: Nai Au nasa-melung fo manalua ponu-ponung-nga dalek, neukose Au fe nasanene'da mahelek neu leoina fo, manai emi titia-tataim-mala, lena-lenak neu Edom, nanahu no namahokok, sila lakamumulu-lakamamaek, ala loso-la Au daeng-nga, ma ala loso-la moo mana'un-nala. Besak ia, Au amanasa anseli, nanahu leoina sila-la, lakamumulu-lakamamaek, boema lakadadaek emi.

YESKIAL 36:2 Referans Kwoze

ULANGAN 32:13

Ana fes koasa letek-kala; ala la'a tina-la buna-boan ma linu fanioe neme pupuku batu mai. Ala hapu mina neme ai setun fo ala moli nai dae mabatuk-kala.

YESKIAL 35:10

Emi mafa'da, mae nau Yehuda do Israel no daen-na, esa-esak nde been-na, o hak ndia, ma o mae neukose emi manuu dae ndia, leomae Au, fo Manetualain nde been-na, sila Manetualain-na.

YESKIAL 25:3

Madenu leoina ndia, fo namanene hata fo Au, Manetualain Fo Mademaina, nafa'das: ‘Emi mamahoko, mete Au Umang-nga nanatao nanggenggeok, ma dae Israel-la nanatao nalutuk, boema leoina Yahudi-a, nanafook leo mamana tu'u-tapak neu.

HABAKUK 3:19

O fe au be'i-balakaik, O tao matea-mahele au eing-nga, sama leo nusa ein-na. Lelek au la'ok nai letelepak lain, O hela-nole au, fo ela au daleng-nga tesa-tama.

YESKIAL 26:2

“Hai hataholi daebafak fo, manasapu-manalalok-konei, Tirus laun-nala ala eki, boema lafa'da lae, ‘Yerusalem nakalulutuk so! Ana ta dangan so'on, nanahu ana tu'da so! Ana ta da'di musu nai ita dangan dale so'on!’ ”

YEREMIA 49:1

Manetualain nafa'da nae leo ia neu Amon, “Tao le'e de dae leo Gad ala loso lan ma hataholi manamamahele lamatua daebafak Milkom ala leo loon? Do ta hapu hataholi Israel fo nasala'e nggolok ndia?

YESAYA 58:14

Soona neukose emi mamahoko-setelee, nanahu emi makatele neu Au. Neukose Au tao-a emi da'di hataholi nananita-nalelak, nai basa daebafak-ka lala'en-na. Neukose emi maso'da no namahokok, nenik emi bei-ba'i kaim Yakob, dae pusakan-na, buna boan. Au, fo Manetualain nde manakokolak-ka.”

MAZMUR 78:69

Ana nafofo'a Uman-na, sama leo mamana leleon manai nusa so'dak-ka, ma sama leo daebafak-ka, fo matea-mahelek losa dodoon-na.

YESKIAL 35:12

Soona besak-ka emi bubuluk mae Au, fo Manetualain, amanene basa emi hakinonolim-ma, nai lelek emi mafa'da mae, Israel leten-nala louk so, ma nanafek leo ita mai, fo da'di ita nana'an.

YESKIAL 36:1

Manetualain nafa'da nae, “Hai hataholi daebafak fo, manasapu-manalalok-konei, mafa'da lete-letek Israel-la, ma madenus fo, lamanene Manetualain Fo Mademaina, paletan-na nae,

OBAJA 1:13

Ta nandaa, o masok leo Au anang-ngala kotan dale, fo eki matadale hataholi manadoi-dosok-ka, lena-lenak o mamanako meni hata-heton nai fai to'a-tan-na!

MAZMUR 83:13

nanahu lafa'da basa lae, “Mai fo tangatuu-ta dae fo, Manetualain mamana leleon-na.”