YESKIAL 36:11 - Susula Malalaok Hehelu Palak Ma Hehelu Beuk

¹¹ Neukose o laum-ma, ma o bana-manum, boetai lamade'uka, fo de'u lena makasososan-na, boema ala bongi fo, upu-anan-nala makadotok nanseli. Neukose laso'da sama leo makasososan-na nai naa, ma Au fes laso'da no tetu-temak, fo emi beita hapu maso'dak leondiak-ka fa. Soona besak-ka, emi bubuluk mae Au nde, Manetualain-na

YESKIAL 36:11 Referans Kwoze

YEREMIA 33:12

Manetualain Fo Manakoasa nafa'da nae, “Nusak-ka no kotan-nala fo sama leo mook-solokaek-ka ia hataholi-la ma bana-manu ta leo fan. Tehu leomae leondiak boe, neukose neu fai makabuin-na te hapu seluk mook mana'uk-kala fo mamanak hataholi-la fo-loloo bi'ilopon-nala.

MIKHA 7:14

Ou Manetualain, foo-lolo O anam, fo O hataholi hehelem-mala. Ala leo pasi fe'e lai lasi manggiok dale, nai dae maoe-maisik tala'da. Nemen-na fo ala hapu nana'a-nininuk nai mook Basan ma Gilead, sama leo nai tepo-lelek makahulun-na.

YESKIAL 37:13

Metema, Au tao basa sila-la soona, neukose Au anang-ngala, ala bubuluk lae Au, nde Manetualain-na.

YEREMIA 31:27

A, Manetualain, afa'da ae, neukose losa fain-na te, Au tao ahenu nusak Israel no Yehuda nenik hataholi daebafak ma bana-manu.

HOSEA 2:20

Nandaa no Au hehelu-balatang, de neukose Au ka'bing o, o. Neukose, o sipok Au da'di leo o Manetualaim Manakoasam-ma.

YESKIAL 16:55

Neukose sila ma sila nggolon-nala, da'di tetu-temak seluk, boema o ma o nggolom-mala da'di tetu-temak boe.

YEREMIA 30:18

Manetualain nafa'da seluk bai nae: “Neukose Au sue-lai emi fo Au anang-ngala ma Au tao matalolole emi heheo-hihilum-mala nai emi dae oem-mala. Yerusalem neukose nananafofo'a seluk, ma uma manen-na nanaao mahiik.

AYUB 42:12

Manetualain ba'e-pala Ayub, nenik baba'e-papalak fo manasasi kao-kaok-ka, nai bei ela fai maso'dan-na dalek, lena heni neme tepo-lelek ana beita la'o la'di susa-soe-a fa. Ayub bi'ihii bi'ilopon 14.000, onta 6.000, sapi 2.000, keledei 1.000.

IBRANI 11:40

nanahu Manetualain nanuu dale tutu'uk fo malole na lena soaneu ita. Dale tutu'u na nde nae, ka'da sama-sama no ita, neukose sila latetu-landaa.

AMOS 9:15

Neukose Au fe Au anang-ngala, leo nai nusak fo Au fe basan neu sila so. Neukose, ala ta kalua leme naa mai so'on. Au Manetualain fo sila Manetualain-na nde manakokolak-ka.”

YESKIAL 36:35

Soona neukose, basa hataholi-la ala nggenge, nanahu dae fo na'kasa dae tokotiik ndia, besak ia, nasafali da'di osi Eden-na so, ma kota-kota fo na'kasa, nee-nee lino-linok, ma lakalulutuk de ala da'di ai batu manatapasalak sila-la, besak ia, ala da'di kota musu matea-mahelek, ma laun-nala boeo, makadotok nanseli so.

YESAYA 30:26

Neukose bulak-ka mangale'don-na, sama leo le'do-a mangale'don-na, ma le'do-a namaneu la'i hitu neme biasan-na mai, ma le'do mangale'don-na, sama leo mangale'dok faik hitu dalen-na. Basa sila-la, neukose ala da'di nai lelek Manetualain popoti-papalu, ma nakahahaik anan-nala bisun fo, lakahinak-kala so.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

YESKIAL 35:9

Neukose Au tao nusam-ma, ana da'di moo maloaina, losa dodoon-na, ma hataholi ta leo lai o kotam-mala so'on. Soona besak-ka emi bubuluk, mae Au nde Manetualain-na.

YESKIAL 37:6

Au fe emi uak ma isik, boema Au potiketu emi nenik louk. Neukose Au fe emi ani hahaek, fo emi maso'da. Soona emi bubuluk, mae Au nde Manetualaim-ma.”

YESAYA 51:3

Yerusalem, neukose Au kokoe-nanasi o, ma basa manaleo manai o ai-batu mana tapasasalam-ma. Au tao o moo tokotim-mala, da'di osi, sama leo Eden, fo Au osing maoe-maising-nga. Nai ndia, neukose hataholi-a namahoko-setelee, ma noke makasi nenik nakameek-kala.

YESKIAL 37:26

Neukose, Au tao hehelu-balataa mole-dame o sila, fo neukose ndia da'di hehelu-balataa manaketu basa tak no sila. Neukose, Au fes baba'e-papalak, ma Au fes boetai lamade'u. Neukose, Au afofo'a Au Umang-nga neu sila daen dale, fo nahele neme ndia, losa dodoon-na.

ZAKHARIA 10:8

Neukose Au aloo Au anang-ngala, Au tao akabubuas da'di esa. Au soi-po'is, ma Au fes lamade'u leo makahulun-na.

ULANGAN 30:5

Boema, emi hapu falik dae fo makahulun-na, emi bei-ba'i kaim-mala leo-nana. Fo Ana fe emi maso'da no tetu-temak seluk, ma emi mamade'u lena heni emi bei-ba'i kaim-mala.

YEREMIA 23:3

Tehu Au anang bei elak neukose Au tao akabubuas neme nusa-nusak fo nai mamanak Au tu'u-tapa heni sila. Neukose Au uni falik lo sila dae-oen-na mai, ma sila tititi-nonosin neukose boetai lamaba'uk-ka.

YEREMIA 23:4

Neukose Au so'u mauli-malangan soaneu nakaboboi sila. Au anang-ngala neukose ala ta bii do lamata'u fa; neukose neme sila esa mai boeo ta mopon fa. Au, Manetualain, nde manakokolak-ka.”

HOSEA 2:1

Hu ndia de, maloo o nonoo hataholim-ma, nenik na'dek “Manetualain Anan” ma “Manetualain sue-lais.”

AMOS 9:11

Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

ZAKHARIA 2:8

See natee-nata'ti no emi soona, natee-natati no Au tei-ateng nde ndia.” Boema Manetualain Fo Manakoasa nadenu au fo anduku-alosak hala heheluk ia, neu leoina fo lamanako Au anang-ngala hata-heton.