YESKIAL 35:9 - Susula Malalaok Hehelu Palak Ma Hehelu Beuk

⁹ Neukose Au tao nusam-ma, ana da'di moo maloaina, losa dodoon-na, ma hataholi ta leo lai o kotam-mala so'on. Soona besak-ka emi bubuluk, mae Au nde Manetualain-na.

YESKIAL 35:9 Referans Kwoze

YESKIAL 25:13

Hu ndia de, Au po'a-benga, ae neukose Au huku Edom, ma Au taoisa hataholi lala'en-na, ma basa bana-manu manai naa-la. Basa nusak ndia lala'en-na, mulai neme Teman losa leo kota Dedan-na neu, Au taon da'di nee-nee lino-linok; neukose mate laun-nala nai natee-natatik dale.

YESKIAL 6:7

Nai mamanak lala'en-na, hapu hataholi nanataonisak nai ndia, soona hataholi bei maso'dak-kala, neukose ala bubuluk, lae Au nde Manetualain-na.

ZEFANYA 2:9

No Au fo maso'dak, ma leoina Israel-la Manetualain-na na'den-na, neukose Au sapu balisi Moab ma Amon, sama leo Sodom ma Gomora. Neukose nusak sila-la henuk no oedolu oe masik-kala, ma henuk no ai-batu manatapasasalak fo manaketu-basa taak-ka, de na'u-aiana moli lai ndia. Bei ela Au anang fo lala huhukuk-ka deak-ka, neukose ala bonga laun-na uman-nala, ma latona-la daen-na.”

YESKIAL 36:11

Neukose o laum-ma, ma o bana-manum, boetai lamade'uka, fo de'u lena makasososan-na, boema ala bongi fo, upu-anan-nala makadotok nanseli. Neukose laso'da sama leo makasososan-na nai naa, ma Au fes laso'da no tetu-temak, fo emi beita hapu maso'dak leondiak-ka fa. Soona besak-ka, emi bubuluk mae Au nde, Manetualain-na

YESKIAL 7:9

Neukose, Au daleng-nga ta tu'da kasian neu emi, ma Au ta fe do'o do ampon neu emi fa. Neukose, Au huku emi, nandaa no emi tao, tatao-nono'i ta kandaak-kala. Soona besak-ka emi bubuluk, mae Au nde Manetualain ma Au nde huku emi.”

YESKIAL 7:4

Neukose, Au daleng-nga ta tu'da kasian neu o, do fe do'o do ampon neu o fa. Neukose Au huku o, nandaa no o tao tatao-nono'i ta kandaak lalaena. Soona besak-ka, o bubuluk mae Au nde Manetualain-na.”

YEREMIA 49:13

Au soo-supa emi nenik Au na'deng-nga mesak, neukose kota Bozra ana da'di mamana nakabibiik fo nana la'o elak. Neukose hataholi-la hika ma ala pake na'den-na da'di huhukuk. Basa nusa titia-tatain-nala da'di nakalulutuk losa dodoon-na. Au, Manetualain nde manakokolak-ka.”

MAZMUR 109:17

Ana nau ka'da supa-soo hataholi; nemen-na fo, supa-sook la'e seluk-kana! Ana ta hii fe hataholi baba'e-papalak fa, nemen-na fo, ana boso hapu baba'e-papalak.

YEREMIA 51:62

Basa ndia soona hule-haladoi mae leoia, ‘Manetualain, O kokolak basa mae neukose O tau makalulutuk kota ia fo hataholin-nala ma bana manun-nala mopo-mate la'iesak-kana, boema mamanak ia ana da'dik mook solokaek losa dodoon-na.’

YESKIAL 32:29

Edom no basa manen-nala, ma manapaletan-nala maten de latois nai naa. Makahulun-na, hataholi sila-la nde been-na, solda'du mabe'i-balakaik-kala, tehu besak ia, latois nai hataholi manamatek-kala mamanan-na, sama-sama loo hataholi manamate fe'ek fo, ta lalelak Manetualain fa.

YESKIAL 37:6

Au fe emi uak ma isik, boema Au potiketu emi nenik louk. Neukose Au fe emi ani hahaek, fo emi maso'da. Soona emi bubuluk, mae Au nde Manetualaim-ma.”

OBAJA 1:10

“O tao balakaik neu o tolanoom-mala, fo Yakob tititi-nonosin-nala so. Hu ndia de neukose mopo-mate o, ma hataholi nakamu-nakadau o losa dodoon-na.

YESKIAL 6:14

Hei, neukose Au so'uk au limang-nga, fo Au tao akalulutuk sila nusan-na, mulai neme Mook Solokaek Kona, losa kota Ribla nai kii. Nai hataholi Israel-la mamana leleon-nala, neukose ta hapu hataholi maso'dak esa boen. Soona besak-ka basa hataholi-la, ala bubuluk lae Au nde Manetualain-na.”