YESKIAL 34:6 - Susula Malalaok Hehelu Palak Ma Hehelu Beuk

⁶ Hu ndia de, Au bi'ilopong-ngala laleu-lalaak lai pupukuk-kala ma letek-kala poin-na. Ala tapasasala leo basa daebafak-ka lala'en-na leu, te ta hapu hataholi esa boen, fo ana nau taoafik do ana sanga fas.

YESKIAL 34:6 Referans Kwoze

1 PETRUS 2:25

Makahulu na, emi sama leo bi'ilopo mana mopo ka, tehu besak ia, Ana sanga emi de, no falik emi leo Manafoo ma Mana Makaboboi emi samane ma neu so.

MAZMUR 142:4

Lelek hihii nae ketu au namahehenang-nga, O bubuluk hata fo, au muse taon. No denge-dengek, musu-a lona hihi'ik ba'eneu au, nai enok fo, au muse tungak-ka.

YOHANIS 10:16

Boema Au bei anuu bi'ilopo fe'ek boe, tehu bi'i sila ta lakabubua lo bi'ilopo bubuak ia fa. Au muse u foo falik bi'i sila la boe, fo daenga lalelak Au hala nga. Neukose basa bi'i sila la, ala da'di ka'da bubuak esa, boema manafoo ka'da esa boe.

YESKIAL 7:16

Neukose, nggelok laladeak, fo lalai leo letelepak-kala leu. Nai ndia, neukose sila sama leo manupui kuu fo, nanausihenik neme bafak-kala mai; neukose basa-basas hoo-nggu'u, nanahu sala-singon-nala.

YEREMIA 13:16

Emi muse mamatua-mamadema emi Amam Manetualain-na, te ana beita fe makahatuk-ka mai fa, emi eim-ma makatunun nai letelepak-ka, te mangale'dok fo emi mamahehenak-ka beita tao nasafali fan da'dik makiu-makahatuk fa.

YEREMIA 5:1

Hei laun Yerusalem-mala lemin, la'ok ndolo-ndolo eno-enok manai emi kotam-ma! Sanga nai basa mamanak lala'en-na, fo mita matam. Palisak mook manai uma manek-ka so'dan-na, ade hapu hataholi manatao ndoos esa, ana sanga enok fo ana lilineka neu Manetualain do ta. Metema hapu, soona neukose Manetualain fe do'o do ampon neu Yerusalem.

YEREMIA 50:6

Au anang-ngala sama leo bi'ilopo manapo'ilotak, fo ala latofa-lasalak nai lete pe'dak-kala hu ka nde manafoo tak, ala laputak leme letek esa leo letek fe'ek leu, ma ala tabubuluk sila uman-na nai be.

YESKIAL 34:7

Nah, hai manafoo-la lemin, mamanene hata fo Manetualain Fo Mademaina nafa'dan neu emi:

HOSEA 7:13

Ala soe, nana ala-la'oela Au so. Neukose lakalulutuk, nanahu ala lena-la'ban basa Au so. Au ahiik soi-tefas, tehu sila makaluku-makatelen neu Au-a, ka'da pepekok mesan.

YOEL 3:2

Neukose Au tao akabubua basa leoina-la, fo Au os leo Bafa Naketu-nala'dik-ka neu. Boema nai ndia, Au aketu-ala'di sila tatao-nono'i mangalaun neu Au anang-ngala, nanahu ala baba'e dae Israel-la, ma ala tu'u heni Au anang-ngala leo nusa-nusak-kala leu.

MAZMUR 119:176

Au atofa-asalak leo bi'i lopo manamopokka, de mai fo sanga-ma O atam ia, Hukande au ta la'o ela O paleta ma fa.

YESAYA 51:18

Neme o laum-mala mai, ta hapu manahela-nole o, ma neme hataholi manaleo lo o-a, ta hapu manahela-nole o fa.

YEREMIA 10:21

Boema au ata ae, “Ita mauli-malangan sila-la nggoak-kala. Ala ta loke natutu'duk neme Manetualain mai fa, hu ndia de ala ta hapu hata esa boen, ma ita tapasasala su'di leo bee neu.