YESKIAL 34:28 - Susula Malalaok Hehelu Palak Ma Hehelu Beuk

²⁸ Neukose leoina fo, ta lalelak Au fa, ta lamanako hata-heton-nala so'on, do bana makaak-kala, kaa fas. Neukose laso'da no tetu-temak, ma ta hapu hataholi nakabibiik-kasa so'on.

YESKIAL 34:28 Referans Kwoze

YEREMIA 46:27

“Au anang Israel-lala lemin, boso bii-mamata'u! Au atang Yakob, boso nggenge boik! Neukose emi ma emi tititi-nonosim-mala neukose Au soi po'is neme nusa dook, nai mamanak fo emi nanafoo nenik-ka. Neukose emi me'um-ma fo leo nai emi nusa namom-ma no nenee-lino-linok. Neukose emi maso'da no ta nggenge-boik fa; ta palu emi bii hata esa boen.

YEREMIA 30:10

Au anang Israel-la lemin, boso bii! Au atang Yakob, boso nggenge-boik! Neukose emi mo emi tititi-nonosim-mala Au soi-po'is neme nusa dok fo mamanak emi nanahukuk-ka. Neukose emi me'um-ma leo emi nusa-namom-ma fo leo no nene-lino-linok. Neukose emi leo no dale manatesa-tama; ta palu emi bii-mamata'u hata esa boen.

YESKIAL 39:26

Metema ala leo seluk no nee-nee lino-linok nai sila nusan-na, fo ta hapu hataholi nakabibiik-kasa fa, soona neukose lafandele heni, tao leo beek de ala hapu mamaek, hu kande lalelesi Au.

YESKIAL 36:15

Ta paluu dae ia namanene seluk hakinonolik neme leoina fe'ek-kala mai, do ana lu'a-lepa hataholi nakamumulu-nakamamaen so'on. Neukose dae ia, ta tao nakalulutuk leoina fo manaleo nai dalek-ka so'on. Au, Manetualain Fo Mademaina, nde manakokolak-ka.’ ”

YESKIAL 34:29

Neukose Au fe tinan-nala, labuna-laboa no malole, nalosa ta lamala'a-lamandoe lai nusak ndia so'on. Neukose leoina fe'ek-kala, ta lakamumulu-lakamamaek-kasa so'on.

YESKIAL 34:8

No Au, Manetualain fo maso'dak-ka na'den-na, taoafik leona! Bana fuik-kala, ala kaa-la Au bi'ilopong-ngala, de la'ahenis so, nanahu ta hapu hataholi foo fas. Au manafoong-ngala nde emi, tehu emi ta taoafik neu bi'ilopo sila-la fa. Emi dodoo ka'da emi aoinam-ma mesak-kana, te emi ta mete-makanae emi bi'ilopom-mala fa.

YESKIAL 34:25

Naukose, Au tao hehelu-balataak o sila, ma Au anea sila so'dan-na. Neukose, Au usiheni basa bana makaak-kala leme nusak-ka lala'en-na mai, nalosa Au bi'ilopong-ngala hapu leo no nee-nee lino-linok lai mook-kala, ma lai nula-la dalek.

YEREMIA 32:37

Neukose Au tao akabubua leoina ia, neme basa nusak fo Au tao tapasasalas nanahu Au nasa-melung neus. Neukose Au o falik-kasa lo mamanak ia, ma Au fes leo nai mamanak ia no nene-lino-linok.

YESKIAL 34:5

Hu kande bi'ilopo sila-la, manafoon ta, boema ala tapasasala, de bana fuik-kala la'ahenis.

HOSEA 11:11

Neukose, ala mai no lai-laik, sama leo manupui-a neme Masir mai, ma leme Asyur mai, sama leo manupui kalua bubuak-kala. Boema, neukose Au o falik-kasa, leo sila uman na leu. Au, fo Manetualain, nde manakokolak-ka.”

AMOS 9:15

Neukose Au fe Au anang-ngala, leo nai nusak fo Au fe basan neu sila so. Neukose, ala ta kalua leme naa mai so'on. Au Manetualain fo sila Manetualain-na nde manakokolak-ka.”

AYUB 11:19

Neukose, o ta bii-mamata'u neu musu nok-ka fa; neukose, hataholi ba'uk-ka, loke tutulu-fafalik neme o mai.

YESAYA 32:18

Manetualain anan-nala, neukose latapo'i leme toto'a-tataak-ka mai, ma laso'da lai mamanak fo nee-nee lino-linok, ma mole-dame

ZEFANYA 3:13

Hataholi Israel fo bei elak-kala, neukose ala ta tao mangalauk seluk neu su'di see-a so'on; neukose ta lasapepeko-lasandandali so'on, ma ala ta tipu-dai boen. Neukose tetu-temak, ma so'da la'dak, boema ta lame'da bibii-namata'uk neu su'di see fa.”

ZAKHARIA 8:12

Neukose ala sele-nggali bini-ngges no mole-dame. Sila ai angon-na laboa, neukose dae-a fe buna-boan, ma neukose u'dan-na ba'uk-ka. Au fe basa baba'e-papalak sila lala'en-na, neu leoina ia hataholin bei maso'dan-nala.