YESKIAL 34:25 - Susula Malalaok Hehelu Palak Ma Hehelu Beuk

²⁵ Naukose, Au tao hehelu-balataak o sila, ma Au anea sila so'dan-na. Neukose, Au usiheni basa bana makaak-kala leme nusak-ka lala'en-na mai, nalosa Au bi'ilopong-ngala hapu leo no nee-nee lino-linok lai mook-kala, ma lai nula-la dalek.

YESKIAL 34:25 Referans Kwoze

YESKIAL 37:26

Neukose, Au tao hehelu-balataa mole-dame o sila, fo neukose ndia da'di hehelu-balataa manaketu basa tak no sila. Neukose, Au fes baba'e-papalak, ma Au fes boetai lamade'u. Neukose, Au afofo'a Au Umang-nga neu sila daen dale, fo nahele neme ndia, losa dodoon-na.

IMAMAT 26:6

Neukose, Au fe emi so'da-molek nai emi nusam ndia dalek, nalosa emi bisa sungu no nee-nee lino-linok, ma emi ta bii-mamata'u neu su'di see boen. Neukose Au tao amopo-amate bana makaa-makisuk-kala neme nusak ndia dalek mai, ma neukose ta hapu natee-natatik nai emi nusam-ma so'on.

YESKIAL 34:28

Neukose leoina fo, ta lalelak Au fa, ta lamanako hata-heton-nala so'on, do bana makaak-kala, kaa fas. Neukose laso'da no tetu-temak, ma ta hapu hataholi nakabibiik-kasa so'on.

YEREMIA 33:16

Hataholi Yehuda-la ma Yerusalem laun-nala neukose nanasoi-po'ik ma laso'da no nene-lino-linok. Kota Yerusalem-ma neukose nanafoik na'de ‘Manetualain Soi-po'i Ita’.

YEREMIA 23:6

Metema ana paleta soona, neukose hataholi Yehuda-la laso'da-lamole ma neukose hataholi Israel-la laso'da-lamole no nenee-lino-linok. Manek ndia neukose loken soona lae, ‘Manetualain Ita So'dan-na’.

YESAYA 35:9

Neukose ta hapu singa nai mamanak ndia fa, do bana makaa fe'ek fa. Hataholi fo, Manetualain soi-tefak-kala, neukose ana la'ok nai naa.

MAZMUR 4:8

O fe au, namahoko-seteleek, lena ba'uk-ka neme sila fo, nai lelek sila gandum-ma sasi kao-kao.

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

ZAKHARIA 6:13

Neukose, ndia nde nafofo'a falik Au Umang-nga ma ana sipo ha'da-holomata, sama leo manek esa, de neukose ana paleta laun-na. Neukose imam esa non, fo lalau-laoono leuesa no mole-dame.’

AYUB 5:22

Metema, naseti-nalakak, ma la'a-ndoes mai soona, neukose o matea-mahele, ma nakalenak o hika. O masasalematak moo bana makaa-makisu mangalauk-ka boeo, o ta mame'da bibii-namata'uk, do o tenem-ma hailua fa.

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

IMAMAT 26:5

Neukose emi dae-ma buna-boan sasi kao-kao, nalosa, metema losa fai ketu-seu angol-la boan-nala, te emi bei ke'di gandum. Ma metema, fain-na losa soaneu sele gandum-ma, te emi bei seu angol-la boan-nala. Neukose emi hapu nana'ak dai, ma emi maso'da no tetu-temak nai emi nusam-ma.

BILANGAN 25:12

Da'di, mafa'da Pinehas, mae Au tao hehelu-balataak esa on.

AYUB 5:23

O foi-fala tina, neukose batun ta; neukose bana fuik-ka, ta sapu-na o fa.

YEREMIA 32:37

Neukose Au tao akabubua leoina ia, neme basa nusak fo Au tao tapasasalas nanahu Au nasa-melung neus. Neukose Au o falik-kasa lo mamanak ia, ma Au fes leo nai mamanak ia no nene-lino-linok.

YESKIAL 16:60

Tehu, neukose Au afandele hehelu-balataak fo, Au taon no o, nai lelek o bei muli-solum-ma, ma Au tao hehelu-balataak no o, fo paken losa dodoon-na.

YESKIAL 16:62

Neukose, Au tao hehelu-balataa beuk no o. Soona besak-ka o bubuluk, mae Au nde Manetualain-na.

YESKIAL 20:37

Neukose, Au tao emi no balakaik, fo ela emi tunga Au hehelu-balataang.

YESKIAL 28:26

Neukose, ala laso'da no nee-nee-lino-linok lai ndia, fo lafofo'a sila uman-nala, boema ala tao osi angol. Neukose, Au huku basa sila nusa titia-tatain fo, lakamumulu-lakamamaek-kasa, nalosa Israel da'di nee-nee lino-linok. Soona besak-ka ala bubuluk, lae Au nde sila Manetualain-na.”

YESKIAL 34:27

Neukose ai-la laboa, tina-osi fe buna-boa malole, ma basa hataholi-la, neukose ala leo no nee-nee lino-linok nai sila daen dale. Metema, Au tao ketu namosina fo, manapa'a Au anang-ngala, ma Au soi-tefa alas leme hataholi fo, manataos da'di ata mai soona, besak-ka ala bubuluk, lae Au nde Manetualain-na.

YESKIAL 39:26

Metema ala leo seluk no nee-nee lino-linok nai sila nusan-na, fo ta hapu hataholi nakabibiik-kasa fa, soona neukose lafandele heni, tao leo beek de ala hapu mamaek, hu kande lalelesi Au.

ZAKHARIA 14:11

Neukose, hataholi-la leo no nee-nee lino-linok, nai kota ndia, no ala ta bii-lamata'u neu momopo-mamatek-ka fa.

IMAMAT 25:19

Nusak ndia daen-na, neukose ana fe buna-boan, nalosa emi hapu nana'ak dai, fo emi leo nai naa no tetu-temak.

AMSAL 3:24

Neukose o muu sungu no ta bii-mamata'u fa, de o sungu mamanee le'odae katemak esa dalen-na.

YESAYA 54:10

Leomae letek-kala, ma pupukuk-kala langgengo, tehu neukose Au ta hahae sue-lai o fa. Neukose Au ho'u ahele, Au hehelu-balataa mole-dameng-nga,” Manetualain fo, manasue-lai o-a, nafa'da nae leondia.

YESAYA 61:8

Manetualain nafa'da nae, “Au sue-lai ndoos ma matetuk-ka, ma akamuu-akadau tuni-ndenik, boema tatao-nono'i magalauk-ka. Neukose Au bae o ngga'dim-ma, no lilinekak, ma tao hehelu-balataa manaketu basa taak-ka o emi.

YEREMIA 23:4

Neukose Au so'u mauli-malangan soaneu nakaboboi sila. Au anang-ngala neukose ala ta bii do lamata'u fa; neukose neme sila esa mai boeo ta mopon fa. Au, Manetualain, nde manakokolak-ka.”

YESKIAL 38:8

Bei teuk de'ubee seluk bai soona, neukose Au paletan fo, neu sapu-na nusak esa no laun fo, nanatao nakabubua falik leme leoina makadotok tala'da mai, fo basa boema, ala leo lai nusak ndia, no nee-nee lino-linok. Neukose Gog nangatuu-na Israel leten-nala, fo nee-nee lino-linok dook-ka so, ma henuk no ai batu manatapasasalak-kala, tehu besak ia, laun fo bei maso'dak-kala, ala leon no nee-nee lino-linok.