YESKIAL 34:24 - Susula Malalaok Hehelu Palak Ma Hehelu Beuk

²⁴ Au, Manetualain, neukose da'di sila Manetualain, ma manek fo, sama-na leo Au atang Dauk ndia, neukose ana da'di sila manakoasan-na. Au, Manetualain nde manakokolak-ka.

YESKIAL 34:24 Referans Kwoze

YESKIAL 36:28

Boema neukose, emi leo nusak fo, Au fen neu emi bei-ba'ikaim-mala. Neukose emi da'di Au anang, ma Au boeo, neukose da'di emi Manetualaim-ma.

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.

YESKIAL 37:27

Neukose, Au leo sama-sama os, fo Au da'di sila Manetualain, ma sila da'di Au anang.

MATEOS 28:18

Boema Yesus neu nangatuuk deka nos de nafa'das nae, “Basa koasa manai nusa so'da ka ma manai daebafa ka nanafe basak neu Au so.

YESKIAL 37:23

Neukose, ala ta tao langgenggeo seluk aoinan-nala, nenik ala tao sala-singok, ma sene-do'ok neu sosongo-tatangok fo, nanamaluak ndia so'on. Neukose, Au soi-po'is leme mamanak fo ala tao sala-singok-ka mai, nalosa ala mulai lalelesi Au. Neukose Au tao alalaos, fo ala da'di Au anang, ma Au da'di sila Manetualain.

1 KORINTUS 15:25

Kristus muse paleta nahele, losa Manetualain fe Kristus musu noon nala lakaluku-lakatele leun.

HATAHOLI 5:31

Boema Manetualain fen nangatutuu madema ma koasa matuaina da'dileo Mauli-Malangan ma Mana Soi-Tefa, fo ela hataholi Israe la hapu loak soaneu ala tukatei-saledale leme sala-singo nala mai, fo ala hapu do'o do ampon.

ZAKHARIA 13:9

Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

YESKIAL 39:22

Mulai neme hatematak ndia mai, neukose hataholi Israel-la, ala bubuluk, lae Au nde, sila Aman Manetualain-na.

YEREMIA 32:38

Neukose sila da'di Au anang, ma Au da'di sila Manetualain-na.

YEREMIA 31:1

Manetualain nafa'da nae, “Neukose losa fain-na te, Au da'di leon Israel-la Manetualain-na, ma sila da'di Au anang-ngala.

YEREMIA 30:9

Emi neukose sene-do'ok neu Au, fo emi Amam Manetualaim-ma, ma neu hataholi esa, fo tititi-nonosik neme Dauk mai neukose Au so'un da'di leo manek-ka.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

YESAYA 55:3

Mamanene leon, hai leoinak-kala lemin, mai leo Au mai, te neukose Au fe emi so'da matetuk-ka. No susue-lalaik ma lilinekak, fo Au helun neu Dauk-ka, Au pa'a hehelu-balataak, fo manaketu basa taak-ka no emi.

YESAYA 55:4

Te'e-te'e, Au taon da'di mauli-malangan, ma malanga solda'du matuaina sakasii neme Au koasang-nga mai, soaneu leoinak-kala.

YEREMIA 30:21

Manek fo ana paleta emi-a dada'din-na neme emi leoinam-ma mai. Neukose nanapo'i-lotak ana deka no Au metema Au aloon ana nasasale-matak no Au. Nana see kande ndia fo napalani nasasale matak no Au, nenik ndia hihi-nanaun mesan-na? Neukose emi da'di Au Anang-ngala ma Au da'di emi Manetualaim-ma. Au, Manetualain nde manamafa'dak ndia.”

YESKIAL 21:27

Neukose, Au tao akalulutuk la'iesak kota ia, nalosa ai-batu manatapasasalak-kala, lalefu-le'ak lai basa mamanak lala'en-na. Tehu, metema Au hele hataholi fo, ana huku kota ia, ana mai soona, besak-ka dede'ak ndia, ana da'di. Neukose Au fe kota ia, neu hataholi ndia dei.’ ”

YESKIAL 37:22

Neukose, Au taos da'di leoina esa nai dae ndia, fo nai letelepak Israel-la Neukose manek esa paletas, ma neukose ta heaba'en da'di leoina dua, do nusak dua so'on.

YESKIAL 37:24

Neukose ala da'di esa nai manek esa paletan-na dae, sama leo Mane Dauk-ka, fo ana paleta losa dodoon-na. Neukose, ala tunga Au hoholo-lalaneng no lilinekak. Sila, boema sila tititi-nonosin-nala, neukose ala leo dae ndia, dae fo Au fen neu Yakob, ma sila bei-ba'i kain-nala leon losa dodoon-na.

YESKIAL 44:3

Tehu manakoasa fo, manaho'u paleta-la, bole leu leo lelesuina ndia leu, fo la'a nana'a malalao-malalafuk-ka, nai Au matang. Sila muse masok tunga kama matuaina, ma ala fali tunga, enok ndia boe.”

YESKIAL 45:7

Muse sadia fe manapaleta, dae boe. Ba'e fes dae fo, natabaa neme Manetualain daen-na, too muli, losa Tasi Tala'dak, ma neme Manetualain daen-na too dulu, losa nusak ndia dae toon dulu. Da'di, dae ndia no leo-leo Israel-la dae baba'en-na, beke nanaluk.

YESKIAL 48:21

Dae hehelik fo, nanasadiak soaneu Manetualain Uman-na, soaneu basa imam-mala, soaneu hataholi Lewi-la, ma kota ndia boboan muli ma boboan dulu, nde been-na soaneu manapaleta. Nai dae ndia boboan dulu, namaloa losa leo, dae too dulu neu, ma nai boboan muli, losa Tasi Tala'dak, fo nai dae Yehuda ma dae Benyamin-na, tala'da.

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,

YESKIAL 20:5

Manduku-malosak hata fo Au afa'dan ia. Au hele basa Israel, de Au soo fes so. Au atu'du Au aoinang-nga neus, neme Masir, de Au afa'da ae, ‘Au nde Manetualain fo emi Manetualain-na.’

YESKIAL 20:7

Au adenus fo, ala tu'u-tapaheni, sila hii lanuu dodoki-dudulak fo nanamaluak sila-la, ma Au kena-ka'is, fo ala boso tao langgenggeo aoinan-nala nenik, ala sene-do'ok neu sosongo-tatangok maneme Masir sila mai, nana Au nde, sila Aman Manetualain-na.