YESKIAL 34:14 - Susula Malalaok Hehelu Palak Ma Hehelu Beuk

¹⁴ Tete'ek-ka, neukose Au sadia fes mook mana'u momo'dok-kala lai dae Israel-la letelepan-nala, ma lai bafak-kala. Neukose ala lu'u lai naa, ma la'a na'u no nee-nee lino-linok.

YESKIAL 34:14 Referans Kwoze

YOHANIS 10:9

Au nde lelesu a. See masok tunga Au soona, neukose naso'da, boema neu leo dalek neu ma ana leo deak neu fo ana hapu na'a-ninu.

YEREMIA 31:25

Sila fo manasotak-kaneukose Au tao balakais, ma manamalek nanahu la'as-sa neukose Au to akabetes.

NINITAK 7:16

Neukose ala ta lame'da lamala'a so'on, do maa ma'da. Le'do, do le'dohaa ka boeo, neukose ta nahoi hataholi sila la so'on.

YESKIAL 34:27

Neukose ai-la laboa, tina-osi fe buna-boa malole, ma basa hataholi-la, neukose ala leo no nee-nee lino-linok nai sila daen dale. Metema, Au tao ketu namosina fo, manapa'a Au anang-ngala, ma Au soi-tefa alas leme hataholi fo, manataos da'di ata mai soona, besak-ka ala bubuluk, lae Au nde Manetualain-na.

YESAYA 40:11

Sama leo manafoo esa, Ana nakaboboi bana-manun; Ndia mesak-kana, nde tao nakabubuas-sala. Ana ko'o bi'ilopo ana-la, Ana nakalala'ok inan-nala, no dale mangana'uk.

YESAYA 25:6

Manetualain Fo Manakoasa, neukose Ana sadia feta soaneu basa leoina manai daebafak-ka, nai Pupuku Sion-na. Neukose Ana sadia nana'ak fo, mala'da hiik nanseli, ma angol nanahehelek.

MAZMUR 37:3

Mamahele neu Manetualain, ma tao-no'i hata fo malole-a, leo nai nusak ndia, ma makaboboi o aoinam-ma, no lilinekak.

YESKIAL 28:25

Manetualain Fo mademaina, nafa'da nae, “Neukose Au aloo akabubua basa hataholi Israel-la, leme leoina-kala tala'da mai, fo nai bee, Au tao tapasasalas-sala, fo ela basa leoina-kala bubuluk, lae Au malalao-malalafuk. Neukose leoina Israel-la, ala leo seluk lai sila daen dale, dae fo Au fe basan neu Au atang Yakob so.

YESKIAL 28:26

Neukose, ala laso'da no nee-nee-lino-linok lai ndia, fo lafofo'a sila uman-nala, boema ala tao osi angol. Neukose, Au huku basa sila nusa titia-tatain fo, lakamumulu-lakamamaek-kasa, nalosa Israel da'di nee-nee lino-linok. Soona besak-ka ala bubuluk, lae Au nde sila Manetualain-na.”

YESKIAL 34:2

“Hai hataholi daebafak fo, manasapu-manalalok-konei, fe mane-manek Israel-la, nasanene'da mahelek, ma manduku-malosak hata fo Au, Manetualain Fo Mademaina, nafa'das nae, ‘Soe ba'eneu emi, hai manafoo Israel-la lemin. Emi dudu'a-dodoo ka'da emi aoinam-ma mesak-kana, te emi ta dudu'a-dodoo, emi b'ilopom-mala fa.

YESKIAL 34:26

Neukose Au fes baba'e-papalak, ma Au fes loak, fo ala leo lai Au pupuku malalao-malalafung-nga, boboa-kaisun. Metema ala paluu u'dan soona, neukose Au fes.

YESKIAL 36:9

Hai Israel, Au ok o, de tao leo bee-o, o daem-ma nanafoi-falak seluk, fo sele-nggali bini-ngges neu.

YESKIAL 36:12

Neukose Au o falik Au anang Israel, fo ala leo seluk sila nusan-na. Neukose dae ndia, ana da'di sila nuu mesan, fo dae ndia ana fes buna-boak tataas esa, nalosa ta mate anan-nala no la'as-sa so'on.’

DANIAL 11:24

No ke'di-ndiuk, neu sapu-na nggolok maoe-maisik-kala, nai lelek laun-nala laso'da no nee-nee lino-linok nai ndia. Neukose ana tao-no'i hata fo bei-ba'i kain-nala beita tao-no'i lita fan. Boema neukose, ana baba'e fe basa manatia-toba-nana, bua-lo'as fo ana loso nenik-kala, ma su'i-betes fo ana hapus nai natee-natatik dale. Neukose ana sanga enok, fo neu sapun-na mamanak fo makota musuk-kala, tehu no lai-laik basa fain-na so.

BILANGAN 13:18

Palisak matalolole, nusak ndia leobeek, ade laun-na ba'uk-ka do lumanak, ade mabe'i-balakaik-kala do tapandoes-sala do ta.