YESKIAL 34:13 - Susula Malalaok Hehelu Palak Ma Hehelu Beuk

¹³ Neukose, Au kaluahenis leme leoina-kala tala'da, ma leme nusa dea-la mai, boema Au foo akabubuas fo Au foo falik-kasa leo, sila nusan-na neu. Neukose Au foos lai Israel letelepan-nala lain, ma nai bafak-kala dalek, ma Au hela-noles leo mook fo na'un-na momo'dok leu.

YESKIAL 34:13 Referans Kwoze

YESKIAL 11:17

Au, Fo Manetualain Mademaina afa'da, ae neukose Au tao akabubuas leme nusa-nusak fo nai bee, sila tapasasala, boema Au fe falik dae Israel-la leo sila neu.

MAZMUR 106:47

Soi-tefa-mala ami, ou ami Amam Manetualain, Tao makabubua ami nai leoina-la tala'da, fo ela ami hapu moke makasi, ma koa-kio O na'dem fo, malalao-malalafuk-ka.

YEREMIA 32:37

Neukose Au tao akabubua leoina ia, neme basa nusak fo Au tao tapasasalas nanahu Au nasa-melung neus. Neukose Au o falik-kasa lo mamanak ia, ma Au fes leo nai mamanak ia no nene-lino-linok.

AMOS 9:14

Neukose Au tao-a Au anang Israel, da'di namasu'i seluk. Neukose lafofo'a seluk sila kota nalutun-nala, fo ala leo nai naa. Neukose ala sele osi angol fo linu oe angol. Neukose ala tao tina osi, fo la'a-linu buna-boan.

YESKIAL 36:24

Neukose Au tao akabubua emi, neme basa leoina ma nusak-kala mai, fo Au o falik emi leo emi dae-ma meu.

YEREMIA 30:3

Nana neukose fain-na losa, Au tao ahii Au anan Israel no Yehuda heheo-hihilun-nala. Neukose Au o falik-kasa lo nusak fo Au fen neu sila bei ba'ikai manamaten-nala. Neukose ala hapu falik nusak ndia. Au, Manetualain, nde manakokolak-ka.”

YESKIAL 39:27

Neukose Au o falik-kasa leme sila musun-na, nusan-nala mai, fo neukose basa leoina-kala lita Au malalao-malalafung, hu kande Au tatao-nono'ing ndia.

YESKIAL 20:41

Metema, Au o basa emi kalua neme nusa-nusak fo, nai bee emi nanatao tapasasalak-ka soona, neukose Au tao akabubua emi, ma Au sipo la'iesak emi tutunu-hohotu nanatunum lala'en-na. Soona besak-ka, basa leoina-kala bubuluk, lae Au ia, Manetualain Fo Malalao-malalafuk nanseli.

YEREMIA 23:8

te ka'da neme Au-a mai Manetualain fo maso'dak-ka fo mananeni falik hataholi Israel-la kalua neme nusak esa nai dulu, ma neme basa nusak fe'ek-kala fo nai bee Au tao tapasasala sila. Sila neukose ala leo om sila dae oen-nala.”

YEREMIA 31:8

Au o falik-kasa neme kii mai; Au tao akabubuas neme daebafak-ka pe'dak leo pe'dak neu. Hataholi pokek-kala ma hataholi lu'uk-kala neukose ala tunga los, boema inak fo manabongi beuk-kala, ma inak kaiulis fo deka bobongik-kala boe. Sila basa-basas neukose ala fali ma'is te dede'un-nala mafandiknan lo nusak ia mai.

YEREMIA 30:18

Manetualain nafa'da seluk bai nae: “Neukose Au sue-lai emi fo Au anang-ngala ma Au tao matalolole emi heheo-hihilum-mala nai emi dae oem-mala. Yerusalem neukose nananafofo'a seluk, ma uma manen-na nanaao mahiik.

YESKIAL 38:8

Bei teuk de'ubee seluk bai soona, neukose Au paletan fo, neu sapu-na nusak esa no laun fo, nanatao nakabubua falik leme leoina makadotok tala'da mai, fo basa boema, ala leo lai nusak ndia, no nee-nee lino-linok. Neukose Gog nangatuu-na Israel leten-nala, fo nee-nee lino-linok dook-ka so, ma henuk no ai batu manatapasasalak-kala, tehu besak ia, laun fo bei maso'dak-kala, ala leon no nee-nee lino-linok.

ULANGAN 30:3

soona, neukose emi Manetualaim-ma sue-lai emi. Neukose, no falik emi neme leoina fo, nai bee emi nanatao tapasasalak-ka, ma Ana fe emi maso'da no tetu-temak seluk.

MAZMUR 37:3

Mamahele neu Manetualain, ma tao-no'i hata fo malole-a, leo nai nusak ndia, ma makaboboi o aoinam-ma, no lilinekak.

YESAYA 30:25

Nai faik fo, emi musum-ma kota musun-nala nananakahapik, ma hataholin-nala nanatao nisak-ka, lee anak-kala, neukose ala faa leme basa letek-kala ma pupukuk-kala mai.

YEREMIA 50:19

Neukose Au fe falik hataholi Israel-la leo sila nusan. Neukose sila la'a-linu leme dae Letek Karmel ma nusa Basan. Neukose sila lakabete leme dae Efraim ma Gilead isin-na mai.

YESKIAL 20:42

Metema, Au o falik emi leo dae Israel, dae fo Au helu basan neu emi bei-ba'i kaim-mala, soona besak-ka emi bubuluk, mae Au nde Manetualain-na.

YESKIAL 36:12

Neukose Au o falik Au anang Israel, fo ala leo seluk sila nusan-na. Neukose dae ndia, ana da'di sila nuu mesan, fo dae ndia ana fes buna-boak tataas esa, nalosa ta mate anan-nala no la'as-sa so'on.’

YESKIAL 36:29

Neukose Au soi-po'i emi, neme emi manggenggeom lala'en-na mai. Neukose Au paleta gandum-mala, fo ala moli no malole, nalosa emi ta mamala'a-mamandoe so'on.

YESKIAL 36:30

Neukose Au fe emi aim-mala, ma emi tinam-mala labuna-laboa no malole, nalosa emi ta hapu la'ola'di fai la'a-ndoes fo ana tao nanggenggeo emi na'dem-ma, nai leoina-kala tala'da so'on.

YESKIAL 39:25

Manetualain Fo Mademaina, nafa'da nae, “Tehu besak ia, neukose Au sue-lai hataholi Israel fo, Yakob tititi-nonosin-nala, boema Au fes laso'da no tetu-temak seluk. No enok ndia, Au anea Au na'deng-nga, fo ela nanafe ha'da-holomata nahele.

MIKHA 4:6

Manetualain nafa'da nae, “Neukose fain-na losa, Au tao akabubua Au huku hataholi-la, fo nde sila manadoi-dosok nai mamana tu'u-tapak.

MIKHA 5:4

ma neukose Ana fes mole-dame. Metema solda'du Asyur-ra sapu-la ita nusan-na, fo ala hona lakalulutuk ita kota musun-na soona, neukose ita tadenu ita mauli-malangan mabe'i-balakain-nala fo latee-lata'ti los. Ita mauli-malangan sila-la, neukose ala sengi Asyur no be'i-balakai tafa-sisilo, fo soi-tefa-na ita neme sila liman mai.

ZEFANYA 3:13

Hataholi Israel fo bei elak-kala, neukose ala ta tao mangalauk seluk neu su'di see-a so'on; neukose ta lasapepeko-lasandandali so'on, ma ala ta tipu-dai boen. Neukose tetu-temak, ma so'da la'dak, boema ta lame'da bibii-namata'uk neu su'di see fa.”

YESAYA 49:9

Au adenu hataholi nanahukuk-kala kalua; fo manai mamana makahatuk-ka, Au os leo mangale'dok-ka mai. Nakalena, manai pupuku na'u tak-ka, ala to'a-taa fa, nana'ak-ka, nanasadiak su'di enok-ka nanalun-na.

YEREMIA 33:12

Manetualain Fo Manakoasa nafa'da nae, “Nusak-ka no kotan-nala fo sama leo mook-solokaek-ka ia hataholi-la ma bana-manu ta leo fan. Tehu leomae leondiak boe, neukose neu fai makabuin-na te hapu seluk mook mana'uk-kala fo mamanak hataholi-la fo-loloo bi'ilopon-nala.

MIKHA 2:12

Manetualain nafa'da seluk nae, “Hai hataholi Israel fo bei elak-kala lemin! Neukose tao leo bee-o, Au tao akabubua emi, fo Au tao-a emi da'di esa, sama leo bi'ilopo-a fali leo lalaen-na neu. Sama leo mook fo henuk no bi'ilopo-a, leondiak boe emi nusam-ma, neukose henu seluk-kana no hataholi makadotok.