YESKIAL 34:12 - Susula Malalaok Hehelu Palak Ma Hehelu Beuk

¹² sama leo manafoo esa, ana sanga bi'ilopon-nala, fo ana foo nakabubua manatapasasalak-kala, boema nakabobois. Neukose Au foo falik-kasa leme mamanak fo, nai bee ala tapasasala, nai faik fo nasakoko'a ma makahatuk ndia.

YESKIAL 34:12 Referans Kwoze

YESAYA 40:11

Sama leo manafoo esa, Ana nakaboboi bana-manun; Ndia mesak-kana, nde tao nakabubuas-sala. Ana ko'o bi'ilopo ana-la, Ana nakalala'ok inan-nala, no dale mangana'uk.

LUKAS 19:10

Ana Hataholi ka Ana mai soaneu sanga ma soi-tefa hataholi manala'ok sala eno ka.”

YEREMIA 31:10

Manetualain nafa'da n, “Mamanene leona hai leoina-la lemin! Manduku-malosak Au hala-haituang-nga lo tasi selik neu: neu Au anang-ngala fo Au tao tapasalak-kala neukose Au tao akabubuas ma Au akaboboi matalololes sama leo manafoo-a nanea bi'ilopon.

ZEFANYA 1:15

Faik ndia, fai nasa-meluk, to'a-sotak ma to'a-taak, fai manandefak, ma nakalulutuk, fai makahatuk, ma mata-pana makamamasuk, fai masakoko'ak ma makamamasuk.

YEREMIA 13:16

Emi muse mamatua-mamadema emi Amam Manetualain-na, te ana beita fe makahatuk-ka mai fa, emi eim-ma makatunun nai letelepak-ka, te mangale'dok fo emi mamahehenak-ka beita tao nasafali fan da'dik makiu-makahatuk fa.

YESAYA 50:10

Hai emi fo, manafe ha'da-holomata neu Manetualain, manamamanene atan-na, hala-kokolan-na, enok fo emi tungak-ka, fafa'kama makahatuk, de ta hapu mangale'dok, nasalaa ba'eneu emi fa; tehu, mamahele neu Manetualain leona; masala'da o deam-ma, neu o Manetualaim.

YOHANIS 10:16

Boema Au bei anuu bi'ilopo fe'ek boe, tehu bi'i sila ta lakabubua lo bi'ilopo bubuak ia fa. Au muse u foo falik bi'i sila la boe, fo daenga lalelak Au hala nga. Neukose basa bi'i sila la, ala da'di ka'da bubuak esa, boema manafoo ka'da esa boe.

AMSAL 27:23

Makaboboi matalolole o bana-manum,

YESAYA 56:8

Manetualain Fo Mademaina, fo no falik hataholi Israel-la, neme mamana ookak-ka mai, nafa'da nae leoia, “Neukose Au o hataholi fe'ek-kala mai, fo ala da'di esa lo sila fo, nanatao nakabubua basak-kala so.”

YEREMIA 23:3

Tehu Au anang bei elak neukose Au tao akabubuas neme nusa-nusak fo nai mamanak Au tu'u-tapa heni sila. Neukose Au uni falik lo sila dae-oen-na mai, ma sila tititi-nonosin neukose boetai lamaba'uk-ka.

YEREMIA 31:8

Au o falik-kasa neme kii mai; Au tao akabubuas neme daebafak-ka pe'dak leo pe'dak neu. Hataholi pokek-kala ma hataholi lu'uk-kala neukose ala tunga los, boema inak fo manabongi beuk-kala, ma inak kaiulis fo deka bobongik-kala boe. Sila basa-basas neukose ala fali ma'is te dede'un-nala mafandiknan lo nusak ia mai.

YEREMIA 33:12

Manetualain Fo Manakoasa nafa'da nae, “Nusak-ka no kotan-nala fo sama leo mook-solokaek-ka ia hataholi-la ma bana-manu ta leo fan. Tehu leomae leondiak boe, neukose neu fai makabuin-na te hapu seluk mook mana'uk-kala fo mamanak hataholi-la fo-loloo bi'ilopon-nala.

YESKIAL 32:7

Nai hatematak fo Au tao amate-amopo o, neukose Au potiketu lalai-a, ma Au fe ko'de ndenuk-ka, poti-na nduuk-kala. Neukose Au afuni le'do nai ko'as-sa selik, ma neukose bulak-ka ta nasalaa fa.

ZAKHARIA 10:3

Manetualain nafa'da nae, “Au amanasa anseli neu manakoasa fo ala paleta Au ana-ngala, de neukose Au hukus. Tehu laun Yehuda-la nde been-na, Au nuung, ma Au, Manetualain Fo Manakoasa, neukose akabobois. Neukose Au taos da'di ndala natee-nata'ti palani ba'eneu Au.

ZAKHARIA 9:16

Metema, faik ndia losa soona, neukose Manetualain soi-tefa anan-nala, sama leo manafoo-a, ana soi-tefa bi'ilopon-na neme soe dale mai. Neukose langale'do nai Manetualain daen-na, sama leo bulamolik poemata mangadilak-ka.

LUKAS 15:8

Basa boema Yesus tui nakandandaak fe'ek esa nae, “Leo uni ka inak esa doi isi lilofulan sanahulu, boema namopo esa. Neukose ana tao beek? Tao leo bee o neukose ana de'de napila banu ka fo ana sasapu uma na, boema ana sanga te'e-te'e no doik ndia losa ana hapu fali kana.