YESKIAL 33:6 - Susula Malalaok Hehelu Palak Ma Hehelu Beuk

⁶ Nasafalinna, metema manamanea ndia nita musu-a mai, tehu ana ta fepa meko-a, fo ana fe nasanene'dak neu laun-na fa, boema musu-a taonisa hataholi masala-masingok sila-la soona, neukose Au oke manamanea ndia, ana fe natataak la'eneu hataholi sila-la mamaten-na.

YESKIAL 33:6 Referans Kwoze

2 SEMUEL 4:11

Neukose, au aketu huhuku nabelaina lena seluk, soaneu hataholi dale mangalauk, fo manataonisa hataholi sala taak-ka, bei sungu nai uman dale. Besak ia, nau do ta nau fa, au muse balas emi kanisam ndia, boema au tao amopo-amate emi neme daebafak ia poin-na mai!”

KEJADIAN 42:22

Ruben nae, “Makahulun-na au afa'da emi, fo daenga boso tao hata-hata neu ni'iana ndia. Tehu emi ta nau mamanene fa. De besak ia, mamaten-na nanabalas neu ita.”

YESKIAL 18:20

Neukose matek-ka nde, hataholi fo manatao sala-singok-ka. Anak-ka, ta nde muse lu'a-lepa, aman sala-singon, ma amak-ka, ta nde muse lu'a-lepa anan-na, sala-singon fa. Hataholi malole-a, neukose ana sipo baba'e-papala malole, nanahu tatao-nono'i malolen-na. Ma hataholi manatao mangalauk-ka, neukose ana doidoso, hu kande tatao-nono'i mangalaun-nala.

KEJADIAN 9:5

Ba'eneu hataholi, ma bana, metema ala taolisa hataholi soona, neukose Au hukuisan.

YESKIAL 34:10

Au Manetualain Fo Mademaina, afa'da emi, ae emi musum-ma nde Au ia. Neukose Au ho'i falik Au bi'ilopong-ngala leme emi mai, fo Au ta fe falik-kasa leo emi neu so'on; Au ta fe emi loak, soaneu emi dodoo-dudu'a emi paluu mesam-ma so'on. Neukose, Au soi-po'i Au bi'ilopong-ngala leme emi mai, fo ela emi boso boe do'do fo emi bai.’ ”

YESKIAL 18:24

Tehu metema, hataholi malole esa, ana ta tao tatao-nono'i malole so'on, boema ana mulai tao tatao-nono'i mangalauk, ma tatao-nono'i nanamaluak lala'en fo, hataholi mana tao tatao-nono'i mangalauk-kala biasa tao-no'in; ade, hataholi ndia, neukose naso'da nahele do? Ta! Neukose, lafandele heni basa tatao-nono'i malolen sila. Neukose maten, hu kande sala-singon, ma ana ta lilineka neu Au fa.

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

HATAHOLI 18:6

Tehu, hu ka nde hataholi la ka'da ala la'ban lakandoon ma lakamumulu-lakamamae kana boema, ana ngganggafuheni daesopuk manai bua-lo'a papake na, fo ana da'di neu ta'du-tana soaneu ana fe nasanene'dak neu hataholi sila sala-singo nala. Paulus nae, “Metema emi hapu susa-soe soona emi salam ndia! Te au po'i au lima nga! Mulai besak ia, au sanga u leo hataholi ta Yahudi la.”

YEREMIA 14:15

Ala kokolak pake Au na'deng-nga lae, neukose natee-natatik-ka ma la'a-ndoes-sa ta tuni-ndeni nusak ia fa, te sekona Au ta adenus ala kokolak dede'ak ndia fa. Au Manetualain, afa'da neu O, Yeremia, neukose hata fo Au tao-no'in neu nabi-nabi fo Au ta adenuk sila fa. Neukose Au tao isas nenik natee-natatik ma la'a-ndoes.