Biblia Todo Logo
Bib sou entènèt

- Piblisite -




YESKIAL 33:28 - Susula Malalaok Hehelu Palak Ma Hehelu Beuk

28 Neukose Au tao nusak ndia, da'di moo solokaek fo, nee-nee lino-lino, boema neukose mopok sila koao-ndaeaon, hu kande sila be'i-balakain-na. Basa letek manai Israel-la, neukose nee-nee lino-lino, nalosa hataholi ta napalani la'ok tunga ndia fa.

Gade chapit la Kopi




YESKIAL 33:28
27 Referans Kwoze  

Neukose, Au fe leoina nasa-melu mangalauk-kala mai, fo ala ho'i-la emi umam-mala. Emi hataholi palani tatibatum-mala, neukose ala dele bengge'be, metema Au po'ilotak leoina sila-la, ala tao lakalulutuk emi mamana huhule-haladoim-mala.


Tehu neukose daebafak-ka da'di dae tokotiik, nanahu laun-na tatao-nono'i mangalaun-na.


anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.


Hei, neukose Au so'uk au limang-nga, fo Au tao akalulutuk sila nusan-na, mulai neme Mook Solokaek Kona, losa kota Ribla nai kii. Nai hataholi Israel-la mamana leleon-nala, neukose ta hapu hataholi maso'dak esa boen. Soona besak-ka basa hataholi-la, ala bubuluk lae Au nde Manetualain-na.”


Manetualainta nakatataak so'on Ana mete emi tunu-hotu tutunu-hohotukneu lamatua daebafak fe'ek-kala. Emi tatao-nono'im ndia mangalauk-ka ma sosoa-ndandaan ta. Emi masala-masingo basa neu Manetualain so, ma ta nau tunga neu paletan-nala fa. Hundia de besak ia emi nusa namom nakalulutuk so, de nalosa tapu leon fa, ma na'den-na nanapakek da'di leo soo-supak. Hataholi fo litan lame'da langgenggengo ao.”


Hundia de, Au po'a Au nasa-melung neu Yehuda kotan-nala, ma eno-enok manai Yerusalem. Au hotuheni la'iesak-kasa de nalosa da'di ai-batu madodouk, ma tokotik sama leo hata fo mana mitak besak ia.


Manetualain Fo Manakoasa, fo Israel Manetualain-na hala-haituan-na nde ia neu sila, “Emi sakasii matam susa-soe fo Au tuni-ndeni neu Yerusalem ma basa kota fe'ek manai Yehuda. De losa besak ia boe kota-kota sila bei nai nakalulutuk-ka dalek de ta hapu hataholi leo fan.


Ala ta lilineka neu Au fa, hu ndia de, Au tao dae ndia da'di moo solokaek. Au ManetualainFo Mademaina, nde manakokolak-ka.”


Kota-kota fo, besak ia henuk no laun-na, neukose nanatao nakalulutuk, ma tina-osin-nala, neukose ala da'di moo solokaek. Soona besak-ka ala bubuluk, lae Au nde Manetualain-na.”


Basa nusak ia lala'en-na neukose Au po'ilotak-kana nakalulutuk ma ana da'di nenee-lino-linok. Leoina manai boboa-kaisun-nala neukose ala sene-do'ok neu manek Babel teuk hituhulu dodoon-na.


Manetualain nafa'da nae, “Au sanga alo manadolu-dala ba'uk-ka soaneu ala ho'u-la hataholi-hataholi ia la. Basa soona neukose Au aloo-a manasopu-danga ba'uk-ka soaneu ala sapu-la sila nai basa letek-kala ma pupukuk-kala ma nai basa lea-luak-kala nai batu piak-kala.


Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”


Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,


Leondiak hata fo Manetualain nafa'dan tunga Yeremia, ana da'di nae neukose nusak ndia ana da'di dae tokotiik teuk hituhulu dalen-na da'di leo ngganggatik neu teu-teuk Sabat fo ala ta taoafik-kana fa.


Mete leona, te Au tao o da'di papa kee-keek, fo beuk, matane ma nisin dua, lakadadalak. Neukose o kee-kee letek-kala, ma o tao makalulutuk-kasa; o tao pupukuk-kala da'di sama leo ha'deuk-ka.


Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”


Nusak ia ala taon da'dik mamanak fo mangalau ina nan seli, ma ana da'di dede'a muu-dauk losa do doon-na. Basa mana la'ok tunga ndia neukose lakakale langa nau lame'da mangalauk-ka.


nai dae Hamat. Nai na ala fes doidoso ma ala tao lisas. Hataholi Yehuda-la nanafook leondiak neme sila nusan leo mamana ookak-ka neu;


Neukose, o da'di ai-batu manatapasasalak, ma leoina manai o boboa-kaisum-mala, neukose ala hakinonoli o; neukose basa hataholi manala'ok tunga ndia, ladook aoinan-nala neme o mai.


Nai lelek, Au huku leoina ndia, hu kande sala-singon-nala, ma Au tao nusak ndia, da'di nusak fo nee-nee lino-linok soona, besak-ka ala bubuluk, lae Au nde Manetualain-na.”


Manetualain nafa'da nae, “Neukose, Au tao amopo-amate basa hata manai daebafak-ka lala'en-na:


Emi koao-ndaeao manseli, tehu neukose, Au akadadaek emi. Neukose, u'dan-na ta mai fa, nalosa emi dae-ma namatuu ma natea sama leo besi-a.


Swiv nou:

Piblisite


Piblisite