YESKIAL 33:25 - Susula Malalaok Hehelu Palak Ma Hehelu Beuk

²⁵ Hu ndia de Manetualain Fo Mademaina, nadenu au, fo au afa'das hala hehelun-na nde ia nae, “Emi mi'a paa matak; emi songo-tango, ma emi manisa. Tehu emi mapalani manseli, manaku emi daem dae ia.

YESKIAL 33:25 Referans Kwoze

ULANGAN 12:16

Ka'da emi ta bole mi'a daan-na fa, po'ahenin leo dae lain neu, sama leo oe-a.

KEJADIAN 9:4

Ka'da esa mesak-kana, nde o ta bole mu'a fan, fo nde paa bei madaak-ka, nana ani hahaek ndia, nai daak dale.

YESKIAL 22:27

Manapaletan-nala sama leo busa fuik-ka, ana sisii-lulu'i nana'an-na. Ala lanisa, ka'da soaneu sanga nanalak.

YESKIAL 22:6

Basa mauli-malangan Israel-la, lamahena be'i-balakain-nala, de ala tao tatao-nono'ikanisak.

YESKIAL 18:6

Ana ta sene-do'ok neu hataholi Israel-la, sosongo-tatangon fa, do na'a tutunu-hohotuk, fo nanatunu-hotuk nai mamana sene-do'ok neu lamatua daebafak-kala. Ana beita fufu'di-oodok nita, hataholi fe'ek saoinan fa, do ana sungu no inak fo, ana hapu he'di bulak.

IMAMAT 3:17

Hataholi Israel-la, ta bole la'a minak do daak makandondook fa. Nakanenetek ndia, nanapakek losa dodoon-na, de hataholi Israel-la muse tungan, leomae ana leo su'di nai bee boe.

HATAHOLI 21:25

Tehu la'eneu hataholi ta Yahudi kamahehele basa kala soona, ami haitua fes susula nakeketu ka nae, ta bole la'a nana'ak fo ala fen neu sosongo-tatangok, ta bole la'a paa daa, ta bole la'a bana nanafule nisak paa na; ma ala ta bole sosoa-piao fa.”

HATAHOLI 15:29

boso mi'a nana'ak fo ala fen neu sosongo-tatangok; boso mi'a paa daa, boso mi'a bana nanafule nisak paa na, ma madook ao ma neme sosoa-piao ka mai. Metema emi madook ao ma neme basa dede'ak sila la mai soona, emi tao-no'i tatao-nono'im malole ndia so. Ba'u ka'da ndia. So'da-molek ba'eneu emi!”

YESKIAL 22:9

Nai o laum-ma dalek, hapu hataholi manatui dede'a pe'dak, fo lakasasa'ek dede'ak neu hataholi fe'ek, fo ela hataholi ndia nanahukunisak. Hapu nggelok boe, ala hii la'a paa fo, nanatunu-hotu basak neu sosongo-tatangok-kala so. Hapu nggelok seluk bai, ala hii tao tatao-nono'i manggenggeok.

YESKIAL 18:15

Ni'iana ndia, ana ta nau sene-do'ok neu hataholi Israel-la sosongo-tatangon fa, do na'a tutunu-hohotuk fo, nanatunu-hotuk nai mamana sene-do'ok neu lamatua daebafak-kala. Ana beita fufu'di-oodok nita hataholi fe'ek saoinan fa,

YESKIAL 18:12

Ana hii ke'di-ndiu, hataholi nuu taa-hata taak-ka, namanako, ana besila-na, hataholi mahutak-kala bua pepe'dan soaneu hutan-nala. Neu leo hataholi dinitiu-la uma sosongon-na, ma ana sene-do'ok neu sosongo-tatangok fo nanamaluak-kala.

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

MAZMUR 24:4

Hataholi fo dudu'a-aafin ma tatao-nono'in fo ta nasala fa, ma ana ta soo-supa pepekok, ma ana ta sene-do'ok neu sosongo-tatangok fa.

ULANGAN 4:19

Boso tao sala-singok, nanahu sene-do'ok ma mamahele neu hata fo emi mitan nai lalai, sama leo: le'do-a, bulak-ka, ma nduuk-kala. Emi Manetualaim-ma po'ilotak leoina fe'ek-kala sene-do'ok neu basa sila-la.

IMAMAT 19:26

Boso mi'a paa daa. Boso pake mo'do-akidok, do da'di manasuangi.

ULANGAN 12:23

Tehu paa bee-la bei madaak soona, emi ta bole mi'a fan, nanahu bana ndia samanen-na, nai daan dale, de emi ta bole mi'a paan-na, sama-sama no samanen-na fa.

ULANGAN 15:23

Ta bole mi'a daan-na fa, tehu emi muse po'ahenin leo dae lain neu, sama leo oe-a.”

YEREMIA 7:21

Manetualain nafa'da nae, “Hai Au anang-ngala lemin, emi bubuluk, mae tunu-hotuk fo emi tunun nai mei tunu-hotuk lain-na, muse tunun losa, ha'i na'a henin, ma emi bole mi'a tunu-hotu fe'ek-kala. Tehu Au, fo Manetualain afa'da ae, mi'a heni la'iesak-kana!

IMAMAT 7:20

Metema, hataholi ndia bei nanggenggeo, te na'a paa ndia soona, hataholi ndia ta da'di Manetualain anan-nala so'on.

IMAMAT 7:21

Metema hataholi esa na'a paa tutunu-hohotuk ndia, te ana koila'e basa hata manggenggeok esa so, nau neme hataholi daebafak-ka mai, do neme bana-manu mai boe, hataholi ndia boeo, ta da'di Manetualain anan-nala so'on.

YEREMIA 7:15

Neukose Au usiheni emi, neme Au matang-nga mai, sama leo Au usiheni emi teidale-bobongim, fo hataholi Israel-la.”

YESKIAL 22:3

Manetualain Fo Mademaina, nadenu au fo, anduku-alosak hala heheluk ia, neu Yerusalem nae, “O masala, nanahu o taomisa o laum makadotok so, ma o tao manggenggeo o aoinam-ma, nenik o sene-do'ok neu sosongo-tatangok fo, o tao-kala. Hu ndia de, o fai naketu-nala'dim-ma, ana deka so, fo no lai-laik, mopo o na'dem-ma. Au po'ilotak leoina-kala, ma basa nusak-kala, ala hakinonoli ma ala hika o.

YESKIAL 36:18

Au amanasas, nanahu ala tao tatao-nono'ikanisak makadotok nai nusak ndia, ma ala tao langgenggeon nenik sila sosongo-tatangon-nala.