YESKIAL 33:2 - Susula Malalaok Hehelu Palak Ma Hehelu Beuk

² “Hai hataholi daebafak fo, manasapu-manalalok-konei, mafa'da o leoina, mae metema Au fe natee-natatik neu nusak esa soona, nusak ndia laun-na, hele sila hataholin esa, fo ana da'di manamanea.

YESKIAL 33:2 Referans Kwoze

YESKIAL 33:30

Manetualain nafa'da nae, “Hai hataholi daebafak fo, manasapu-manalalok-konei, hataholi fo emi leoina esa, ala kokolak o na'dem-ma, nai lelek latongo lai mamanak manadeka no papala nanadamak-kala, do langatuuk lai uma-la lelesun-nala bafan-na. Sila esa nafa'da esa nae, ‘Ayo, mai fo teu tamanene, Manetualain nafa'da beek nai faik ia.’

YESKIAL 33:17

Tehu leoina ndia nafa'da, nae Au tatao-nono'ing ndia, ta ndoos ma matetuk fa! Te se'kona, sila tatao-nono'in nde, ta ndoos ma matetuk fa.

YESKIAL 14:17

Bole da'di, Au fe natee-natatik-ka leo nusak ndia neu, ma Au haitua fes tafa-sisilo, soaneu tao lamate-lamopo, nau hataholi do bana-manu boe.

YESKIAL 3:11

Muu leo o leoina, fo manai mamana okak ndia, fo manduku-malosak hata fo Au, Manetualain Fo Mademaina, nafa'dan neu sila, su'di ala nau lamanene do ta.”

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,

YESKIAL 3:27

Mahani te, metema Au kokolak seluk o o, fo Au fe falik o be'i-balakaim, fo o hapu kokolak seluk soona, o muse manduku-malosak hata fo Au, Manetualain Fo Mademaina, afa'dan neu leoina ndia. Neukose, sila nggelok lamanene, tehu nggelok soona ta, nanahu memak sila, leoina malenalanga-masabasook.”

YESAYA 62:6

Au pe'da manamanea nai Yerusalem papala nanadaman-na; Lele'do le'odaen, ala ta bole denge-denge fa, tehu muse ala fe nasanene'dak nakandoo, neu Manetualain, soaneu hehelu-balataak, fo Ana tao basan so.

HOSEA 9:8

Manetualain nadenu au, da'dileo nabi, soaneu fe nasanene'dak neu emi, fo anan-nala, tehu au u leo bee u boe, emi sanga enok, fo makahihi'ik au sama leo manupui-a. Laun-na musu no ami fo Manetualain nabin-nala, nai Manetualain nusan-na.

YESKIAL 37:18

Metema, leoina Israel-la, latane sosoa-ndandaan soona,

YESKIAL 33:12

Nah, hai hataholi daebafak fo, manasapu-manalalok-konei, mafa'da hataholi Israel-la, mae metema hataholi malole-a, ana tao sala-singok, soona makahulun-na, ana tao tatao-nono'i malole-la, ta bisa tulu-fali fan. Metema hataholi masala-masingok esa, ana hahae tao sala-singok soona, neukose ana ta hapu huhukuk fa, ma metema hataholi malole-a, ana tao sala-singok soona, neukose ana ta hapu so'dak fa.

YESKIAL 33:7

Hai hataholi daebafak fo, manasapu-manalalok-konei, Au so'u o da'di leoina Israel-la, manamanean. Manduku-malosak nasanene'dak-ka nde ia neus:

YESKIAL 14:21

Manetualain Fo Mademaina nafa'da nae, “Neukose, Au huku Yerusalem nenik Au huhukung haa, belan-na seli, fo Au tao amate-amopo, nau hataholi do bana-manu boe. Huhuku ka haak sila-la nde: natee-natatik-ka, la'a-ndoes-sa, bana makaa-makisuk-ka, ma he'di-laus-sa.

YESKIAL 11:8

Ade, emi bii-mamata'u neu tafaina do ta? Neukose, Au adenu hataholi neni tafaina, fo ana sapu-na emi.

YESKIAL 6:3

Madenus, fo lamanene ma ala taoafik neu hata fo Au, Manetualain Fo Mademaina, nafa'dan neu letek sila-la, neu pupukuk-kala, bafak-kala, ma bafak-kala boe. Tete'ek-ka, neukose Au haitua tafaina ne'i, fo ana tao nakalulutuk mamana sosongo-tatangok-kala.

YEREMIA 51:12

Tao ta'du-tana neu papala-nanadamak Babel. Manea mahele. Pe'da manamanea. Nahani hohouk.!” Manetualain tao basa hata fo Ana sanga tao neu hataholi Babel.

YEREMIA 25:31

Halan-na nadodolo neme daebafak-ka pe'da leu pe'dak neu; Manetualain tao dede'ak ndia neu basa leoina la. Neukose basa hataholi lala'en-na sese'an-na nanapalisak fo ela manatao mangalauk-ka neukose nana huku nisak.’ ”

YEREMIA 12:12

Hataholimai lamanako nai moo-solokaek selik fo nai letelepak-ka. Au fe natee-natatik-ka neu, soaneu tao nalutu basa nusak-ka, de nalosa ta hapu hataholi naso'da nai mole-dame-a dalek fa.

IMAMAT 26:25

Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

YESKIAL 33:1

Manetualain kokolak seluk no au nae,