YESKIAL 33:19 - Susula Malalaok Hehelu Palak Ma Hehelu Beuk

¹⁹ Metema hataholi manatao tatao-nono'i mangalauk-ka, ana hahae tao sala-singok, fo ana mulai tao tatao-nono'i malole ma ndoos soona, neukose naso'da, hu kande tatao-nono'in ndia.

YESKIAL 33:19 Referans Kwoze

YESKIAL 33:14

Bole da'di, Au fe basa hataholi masala-masingok-ka nasanene'dak, ae neukose maten. Tehu metema, ana hahae tao sala-singok, fo ana mulai tao tatao-nono'i malole ma ndoos sama leo, ana fe falik hataholi bua nggangga'den-na, do namanako-na bua-lo'as-sala, boema ana tunga hoholo-lalanek fo maneni maso'dak-ka, soona neukose ta mate fan.

YESKIAL 18:21

Metema, hataholi mangalauk esa, ana ta tao sala-singok so'on, fo ana mulai tunga Au hoholo-lalaneng, boema ana tao tatao-nono'i malole ma tatao-nono'i ndoos soona, neukose ta mate fan.

YESKIAL 33:12

Nah, hai hataholi daebafak fo, manasapu-manalalok-konei, mafa'da hataholi Israel-la, mae metema hataholi malole-a, ana tao sala-singok, soona makahulun-na, ana tao tatao-nono'i malole-la, ta bisa tulu-fali fan. Metema hataholi masala-masingok esa, ana hahae tao sala-singok soona, neukose ana ta hapu huhukuk fa, ma metema hataholi malole-a, ana tao sala-singok soona, neukose ana ta hapu so'dak fa.

YESKIAL 33:18

Au afa'da la'iesa seluk, ae metema hataholi manatao tatao-nono'i malole-a, ana mulai tao tatao-nono'i mangalauk soona, neukose maten, hu kande tatao-nono'in ndia.

YESKIAL 33:20

Leomae leondiak boe, leoina Israel-la lafa'da, lae Au tatao-nono'ing ndia, ta ndoos ma matetuk fa. Tete'ek-ka, neukose Au aketu-ala'dis, tunga sila esa-esak tatao-nono'in.”