YESKIAL 33:17 - Susula Malalaok Hehelu Palak Ma Hehelu Beuk

¹⁷ Tehu leoina ndia nafa'da, nae Au tatao-nono'ing ndia, ta ndoos ma matetuk fa! Te se'kona, sila tatao-nono'in nde, ta ndoos ma matetuk fa.

YESKIAL 33:17 Referans Kwoze

YESKIAL 18:29

Ma emi, hai hataholi Israel-la lemin! Emi mafa'da mae Manetualain tatao-nono'in ndia, salan. Hai hataholi Israel-la lemin! Ade, Au tatao-nono'ing ndia, salan do? Ta! Emi nde sala dei!”

YESKIAL 18:25

Fafa'kama, nggelok lafa'da lae leo ia, ‘Manetualain tatao-nono'in ndia, salan.’ Mamanene leon, hai hataholi Israel-la lemin! Ade, Au tatao-nono'ing ndia, salan do? Emi nde sala dei.

YESKIAL 33:20

Leomae leondiak boe, leoina Israel-la lafa'da, lae Au tatao-nono'ing ndia, ta ndoos ma matetuk fa. Tete'ek-ka, neukose Au aketu-ala'dis, tunga sila esa-esak tatao-nono'in.”

AYUB 40:8

Ade, o sanga malelesi Au ndoong ma matetung-nga, fo o soa ndoon-na, ma o fe salan-na leo Au mai do?

YESKIAL 33:2

“Hai hataholi daebafak fo, manasapu-manalalok-konei, mafa'da o leoina, mae metema Au fe natee-natatik neu nusak esa soona, nusak ndia laun-na, hele sila hataholin esa, fo ana da'di manamanea.

YESKIAL 33:16

Neukose Au ta afandele, ana tao sala-singok-kala so'on, de neukose naso'da, hu kande ana tao hata fo ndoos ma malole.

YESKIAL 33:18

Au afa'da la'iesa seluk, ae metema hataholi manatao tatao-nono'i malole-a, ana mulai tao tatao-nono'i mangalauk soona, neukose maten, hu kande tatao-nono'in ndia.