YESKIAL 33:14 - Susula Malalaok Hehelu Palak Ma Hehelu Beuk

^14-15 Bole da'di, Au fe basa hataholi masala-masingok-ka nasanene'dak, ae neukose maten. Tehu metema, ana hahae tao sala-singok, fo ana mulai tao tatao-nono'i malole ma ndoos sama leo, ana fe falik hataholi bua nggangga'den-na, do namanako-na bua-lo'as-sala, boema ana tunga hoholo-lalanek fo maneni maso'dak-ka, soona neukose ta mate fan.

YESKIAL 33:14 Referans Kwoze

YESKIAL 18:27

Tehu metema, hataholi manatao tatao-nono'i mangalauk-ka, ana ta tao sala-singok so'on, te ana mulai tao tatao-nono'i ndoos ma malole soona, neukose samanen-na naso'da.

HOSEA 14:1

Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

YESKIAL 33:8

Metema Au afa'da, ae neukose mate hataholi mangalauk esa, tehu o ta fen nasanene'dak fo ana tukatei-saledale, fo ela ana hapu so'dak, soona ana mate bei da'di leo hataholi masala-masingok. Tehu neukose, Au oke natataak neme o mai, la'eneu hataholi ndia mamaten-na.

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

MIKHA 6:8

Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

AMSAL 28:13

See nafuni sala-singon soona, neukose ana ta hapu nanalak fa. See manaku, ma ana tu'u-tapa heni sala-singon soona, neukose Manetualain sue-lain.

HATAHOLI 3:19

Hu ndia tolano-tolanoo ngala lemin, tukatei-saledale meme emi sala-singo mala mai leona, fo fali leo Manetualain mai, fo ela Ana kokaheni emi sala-singom sila la.

MATEOS 9:13

Palisak matalolole Susula Malalao ka lalane na nde ia nae: ‘Au hii ka nde susue-lalai ka, te ta nde bana-manu tutunu-hohotu ka fa.’ Nanahu Au ta mai alo hataholi fo nafa'da nae ndia hataholi malole so, te Au mai neu hataholi fo lafa'da lae, hataholi ta malole fa.”

YESKIAL 18:21

Metema, hataholi mangalauk esa, ana ta tao sala-singok so'on, fo ana mulai tunga Au hoholo-lalaneng, boema ana tao tatao-nono'i malole ma tatao-nono'i ndoos soona, neukose ta mate fan.

YEREMIA 4:1

Manetualain nafa'da nae, “Au anang Israel, metema emi nau fali ma'im-ma soona, fali ma'im-ma, leo Au mai leona. Tu'u-tapa heni sosongo-tatangok fo, makahulun-na Au ta ahiik-kasa ndia, fo lilineka neu Au leona.

YESAYA 3:11

Tehu soe ba'eneu hataholi mangalauk-ka! Neukose hataholi tao sila sama leo sila tao hataholi fe'ek-kala so.

YESKIAL 13:22

Hataholi malole fo, ala ta nau Au taos le'e esa boen-na, emi taom-ma, dalen-nala ba'ihana, nenik emi masapepeko-masandandalim-ma. Emi tao mamatua hataholi mangalauk-kala dalen-na, fo ela lasala-lasingo lahele, ma boso soi-tefas.

YESKIAL 33:19

Metema hataholi manatao tatao-nono'i mangalauk-ka, ana hahae tao sala-singok, fo ana mulai tao tatao-nono'i malole ma ndoos soona, neukose naso'da, hu kande tatao-nono'in ndia.

HOSEA 14:4

Neukose, Asyur ta soi-tefa-nala ami fa, ma ndala natee-natatik-kala, ta hapu tulu-fali ami fa. Neukose ami ta kokolak seluk moo dodoki-dudulak-kala mae, ami Manetualaim-ma nde sila. Ou Manetualain, O sue-lai hataholi fo, ta namahena neu hataholi esa boen.”