YESKIAL 32:27 - Susula Malalaok Hehelu Palak Ma Hehelu Beuk

²⁷ Latoi-latonos, ta no ha'da-holomata, sama leo palani tatibatu nai tepo-lelek makahulun eli fa, fo ala kona leo hataholi manamatek-kala mamanan-na leu, no tafa-sisilo manadaik. Palani tatibatu sila-la, nanatoi-natonok, no tafainan-nala nai langan-nala, ma babaa fanan-nala, nai fanan-nala. Lelek bei laso'da, tee-tee sila palani tatibatu fo, lapalani lanseli, nalosa ala tao-la basa hataholi-la, ala bii-lamata'u.

YESKIAL 32:27 Referans Kwoze

YESKIAL 32:21

Palani tatibatu-la, loo basa hataholi fo, ala latee-latati look Masir-ra, no namahokok, ala sipok hataholi Masir-ra mamain leo, hataholi manamatek-kala mamanan-na leu. Ala eki lae leo ia, ‘Hataholi fo, ta lalelak Manetualain ndia, ala mate nai natee-natatik dale so. Besak ia, ala mai leo ia mai, de latois nde ia!’

MAZMUR 109:18

Ba'eneu ndia soona, supa-sook ndia, tatao-nono'i biasa ndia, sama leo ana pake papake-ngganggaon. Nemen-na fo, supa-sook ndia, sama leo oe-a, fo ana susi leo aon dale neu, ma sama leo mina, fo ana faa leo dui-nala dalek neu.

AYUB 20:11

Leomae ndia muli-soluk ma makadelek, ta doo be ana esa boen te ana da'dik dae sopuk so.

2 KORINTUS 10:4

Tee-tafa fo o ami paken nai ami ulepo'de ma dalek, ta tee-tafa fo neme daebafak ia mai fa, tehu Manetualain koasa na. No tee-tafa ndia de, ami tao makalulutuk kota musu la. Ami siliheni manamatui kala,

YOHANIS 8:24

Hu ndia de, Au afa'da emi te, neukose emi mate nai emi sala-singo mala dalek. Boema memak neukose emi mate nai emi sala-singo mala dalek, metema emi ta mamahele, ‘Au Nde Ndia, fo lafa'da lae, AU NDE NDIA.’ ”

YESKIAL 18:20

Neukose matek-ka nde, hataholi fo manatao sala-singok-ka. Anak-ka, ta nde muse lu'a-lepa, aman sala-singon, ma amak-ka, ta nde muse lu'a-lepa anan-na, sala-singon fa. Hataholi malole-a, neukose ana sipo baba'e-papala malole, nanahu tatao-nono'i malolen-na. Ma hataholi manatao mangalauk-ka, neukose ana doidoso, hu kande tatao-nono'i mangalaun-nala.

YESAYA 54:17

Tehu basa tafa-sisilo fo, nanatutuk soaneu la'ban Au-a, neukose buna-boan ta. Ma basa kalaak manai uma manakee-manafula dalek-ka, neukose o fe sala butin-na. Neukose, Au fe sesengik neu Au atang-ngala, da'di leo bua palsen.” Manetualain nafa'da nae leondia.

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

MAZMUR 92:9

nana O, Manetualain, koasa losa dodoon-na.

MAZMUR 92:7

Hataholi nggoak-ka, ta bubuluk fa, hataholi nggoak-panganaa, ta nalelak dede'ak ndia fa.

MAZMUR 49:14

Hataholi fo, nasalai dean-na neu aoinan-na, ua-nalen leondiak, ma hataholi fo name'da hala-kokolan dai soa, maso'dan nai fai manamaik-ka leondiak boe.

YESKIAL 32:28

Neukose hataholi Masir-ra, nananatoi-natonok leondiak, lai hataholi fo, ta lalelak Manetualain, ma hataholi manamatek nai natee-natatik-ka dalek, tala'da.

YESAYA 14:16

Hataholi manai ndia-la, neukose langanalo ma ala mete tee-tee o. Neukose latane lae, ‘Hataholi manatao-na daebafak-ka dele, ma nusak-kala langgengo-a nde ia do?

YESKIAL 26:17

Basa soona, neukose lakamee fe o, nakamee natoi-natonok-ka nde ia nae: Kota fo nanakoa-nanakiok-ka, nakalulutuk so! Ofan-nala lala'en-na, nanasapu balisik neme tasi maloaina mai. Makasososan-na, laun-nala koasa nai tasi-a, de ala tao-la hataholi tasi su'uk-kala, ala bii-lamata'u.