YESKIAL 31:16 - Susula Malalaok Hehelu Palak Ma Hehelu Beuk

¹⁶ Nai lelek fo, Au akonaheni ai ndia, leo hataholi manamatek-kala mamanan-nala neu soona, nafanduu, fo ana tao-na leoina-kala, ala dele. Basa ai manai Eden dalek-ka, ma basa ai nanahelek manai Libanon fo, ala hapu oe manafaa dolo-dolok-ka, ma manakona basak leo daebafak-ka buin-na leu, neukose lamahoko, hu kande ai ndia tutu'un-na.

YESKIAL 31:16 Referans Kwoze

YESAYA 14:15

Te se'kona, o nananakonak leo mamanak fo mademainan-nanseli, neme hataholi manamatek-kala daebafan-na mai.

YESKIAL 26:15

ManetualainFo Mademaina, nafa'da kota Tirus-sa nae, “Laun manai tasi su'uk-kala neukose ala dele bee-too hu kande bibii-namata'uk-ka, metema lamanene ala eki lae o kala, ma lamanene hataholi nanado'dok-kala hoo-nggu'un.

YESAYA 14:8

Ai eru ma ai kaiou Libanon-nala lamahoko-setelee, nanahu manek fo ha'da hataholi tak ndia, ana tu'da so. Ma ana la'o so boema, ta hapu manamadenu soaneu lo'o heni ai sila so'on!

HAGAI 2:7

Neukose Au tao anggengek basa leoina-la, fo neukose leni hata-heton-nala leo ia mai, nalosa Au Umang-nga, neukose henuk no sila su'i-beten-nala.

HABAKUK 2:17

O lo'o ai nai Libanon nulan dale, de besak ia neukose o nde nanalo'o henik. O taomisa banan-nala, de besak ia, bana-la lakatata'u o. Basa sila-la ala da'di, nanahu kanisak ma tatao-nono'i susue-lalai tak fo o tao basan soaneu nusa-nusak-kala, kota-kota-la ma laun-nala.

YESKIAL 31:9

Au tao-a ai ndia, te'e-te'e manahiik nenik ndana makahuhupun-nala. Basa ai manai osi Eden-na, fo Manetualain osin-na dalek, ala ta hii mete ai ndia fa.

YESKIAL 27:28

O hataholi tasi-mala, ala nggasi nanahu ala bii-lamata'u, hataholi tasi su'uk-kala, lamanene o hataholi tasi-mala lakadii-lakau.

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

NAHUM 2:3

Musu-a babaa fanan-na dula pila, ma bua papake musun-nala leo daak-ka. Musu-a naheheleaon basa soaneu ana sapu. Kaleta besin-na mangadilak sama leo ha'i-a. Basa ndalan-nala lakaboboku.

YESKIAL 31:18

Ai ndia, nakandandaan-na nde, mane Masir-ra no laun-nala. Ta hapu ai madema, ma ai nanakoa-nanakiok leondiak-ka, nai Eden dalek fa. Tehu besak ia, sama leo ai manai Eden-nala boe, de ai ndia boeo, neukose ana kona leo hataholi manamatek-kala mamanan-na, fo nakabubua no hataholi fo ta lalelak Manetualain-na, ma no hataholi fo ala mate nai natee-natatik dale. Au, Manetualain Fo Mademaina, nde manakokolak-ka.”

YESKIAL 31:14

Basa sila-la ala da'di, fo ela nai hatematak ia, neukose ta hapu seluk ai fo, ana moli dedemak ndia so'on; ta hapu seluk ai fo, pe'dan-na losa ko'as-sa, leomae ana moli nai oe-a tala'da boe. Basa-basas manamatek mesa-mesan, sama leo hataholi daebafak fo, manasapu-manalalok-ka, fo leu lakabubua loo hataholi manamatek-kala, nai hataholi manamatek-kala mamanan-nala.”

YESKIAL 26:10

Sila ndala-nala makadotok nanseli, nalosa ein-nala fofoti-la dae sopuk-ka ana lapu, de ana poti-na o. Solda'du manasa'e ndala fo, manahela kaleta manafua tua-lepa-la, ma kaleta musu-la ei ndu'un-nala, neukose ala tao-la o papala nanadamam-mala ala dele, nai lelek ala masok tunga o lelesuinam-mala leo kota fo, ana da'di ai-batu manatapasasalak ndia dalek leu.

YESKIAL 14:22

Leounik-ka, hapu nggelok laladeak, fo ala soi-tefa-la anan-nala, fo metema ala mai leo o mai soona, taoafik neus. Mete tatao-nono'i mangalaun-nala leo beek, soona neukose emi mamahele, mae Au nakeketung-nga nandaa, soaneu huku Yerusalem.

YEREMIA 50:46

Metema Babel tu'da, neukose lamanene makalupuk matua ina, fo basa daebafak-ka nanggengo; laun-nala lakadii fo hala-nala losa leoina fe'ek-kala.”

YESKIAL 14:23

Boema, neukose emi boeo, bubuluk mae Au tatao-nono'ing sila-la, nanuu ne'ek. Au, Manetualain Fo Mademaina, nde manakokolak-ka.”

YESKIAL 31:3

Mitak, Au akasasamak o, sama leo ai kaiou manai Libanon fo, henuk no ba'e mana'ahiik-kala, ma doon-na, makadotok nanseli; ana moli de deman-na seli, pe'dan-na losa lalai.

YESKIAL 31:8

Basa ai kaiou manai Manetualain osin dale-la, ta bisa nakasasamak-kasa loo fan. Boeo ai kaiou fe'ek-kala, ndanan-nala ta bisa nakasasamak-kasa loo ndia ndanan-nala fa, ma ba'en-nala ta bisa nakasasamak-kasa loo ba'en-nala fa. Basa ai manai Manetualain osin dale-la, ta bisa nakasasamak lole-napun loo ai ndia lole-napun fa.