YESKIAL 30:9 - Susula Malalaok Hehelu Palak Ma Hehelu Beuk

⁹ Metema faik ndia, ana losa, ma Masir nakalulutuk soona, neukose Au adenu hataholi-la loo ofak-kala leu, fo ala tao langgengek hataholi Sudan-nala, soona neukose ala bii-lamata'u. Tete'ek-ka, neukose faik ndia, ana mai!”

YESKIAL 30:9 Referans Kwoze

YESAYA 23:5

Nakalenak, hataholi Masir-rala boe, neukose ala nggenge ma lakalupu, metema lamanene lae Tirus nanatao nakalulutuk so.

ZEFANYA 2:15

Manada'dik ndia nde neukose, ana da'di neu kota fo henuk no hika-setelek ndia, ma nafa'da nae ndia so'da-molek. Laun-nala laedaenga, sila kotan ndia, kota matuaina nanseli nai daebafak-ka. Te se'kona, kota ndia nee-nee lino-linok nanseli, ta hapu hataholi leo nai ndia fa, ka'da bana fuik-kala leo lai ndia! Hataholi see la'ok tunga kota ndia soona, neukose ana nggenge, ma aon-na ndefa kao-kao.

ZEFANYA 2:12

Boeo neukose Manetualain naketu huhuku mamates soaneu Sudan laun-nala.

AMOS 4:2

Au, Manetualain Fo Mademaina, nde been-na Manetualain fo malalao-malalafuk, ma Au helu basa ae neukose emi nanalele'a-lolosok nenik besi kakaik. Emi basa-basam-mala neukose sama leo i'ak-ka nai dolu isin-na.

YESKIAL 39:6

Neukose Au fe ha'i-a na'a nai dae Magog-ka, ma nai tasi su'uk-kala, fo nai bee, laun-na laso'da no tetu-temak. Soona besak-ka ala bubuluk, lae Au nde Manetualain-na.

YESKIAL 38:11

O ho'i nakeketuk, fo o muu sapu-ma nusak fo, kota musun ta ndia, fo nai bee, laun-nala laso'da no nee-nee lino-linok lai kota-kota fo, papala nanadaman ta, ma tafa-sisilon-nala ta ndia.

YESKIAL 33:33

Basa hata fo, o mafa'dak sila-la, neukose ala da'di, de metema faik ndia ana losa soona, neukose ala bubuluk, lae nabi esa nai sila tala'da so.”

YESKIAL 27:35

Basa hataholi manaleo manai tasi su'uk-kala, lamanene o da'di tao leondiak boema, ala nggenge-la. Sila manen-nala boeo, ala bii-lamata'u lanseli; ta'du-tana bibii-namata'u matuaina, nai mata-panan-nala.

YESKIAL 26:16

Leoina manai tasi su'uk-kala, manen-nala lita o ua-nalem da'di tao leondiak soona, neukose ala fo'a leme kandela manek lain mai, fo ala o'duheni sila ba'du manalu matua-madema-na, ma sila ba'du nanaseu bunga-na, fo langatuuk dele bengge'be leu dae lain. Neukose ala bii-lamata'u lanseli, nalosa dalen-nala ta tesa-tama fa.

YEREMIA 49:31

‘Teu leo! Mai teu tao musu neu hataholi fo manaleo no nenee lino-linok ndia. Sila kotan-nala nanananea tak hu ka nde lelesu inan ma ai betuban ta.’ ”

YEREMIA 49:21

Edom tutu'dan-na, neukose lamanene makalupu matuaina fo basa daebafak-ka nanggengo; laun-nala ala lasa nggati fo halan-nala lamanene losa tasi Gelagah.

YESAYA 47:8

Hu ndia de, mamanene Au leona, hai o fo, hii ka'da usi lole-napu daebafak-ka! O maedaenga, o so'dam-ma nee-nee lino-linok, ma ta hapu hata fo, sama leo o fa. O dodoo mae, neukose o ta da'di inafalu fa, ma o tititi-nonosim, neukose ta mate-mopo fa.

YESAYA 20:5

Hataholi fo lasalai dean-nala neu Sudan, ma lamatutua-lamadedema Masir-ra, neukose dalen-nala ba'ihana, ma namahehenan-nala, lakalulutuk.

YESAYA 20:3

Lelek kota Asdod-ta, nananakahapik, Manetualain nafa'da nae, “Au atang Yesaya, nakahola-la, ma ana ta pake ta'bueis teuk telu dalen-na so. Ia nde da'di ta'du-tana neu hata fo, neukose ana da'di neu Masir ma Sudan.

YESAYA 19:17

Dae Yehuda, neukose da'di nakalupuk ba'eneu hataholi Masir-ra, nai lelek hataholi fes nasanene'dak neu Manetualain Fo Manakoasa, nakeketun la'eneus-sala.

HAKIM-HAKIM 18:7

Basa ndia boema, hataholi ka limak sila-la la'o, de leu leo Lais leu. Ala taoafik neu laun manai sila-la. Se'kona laun Lais sila-la, so'dan-nala sama leo leoina Sidon-nala so'dan-na. Leomae ala pasi fe'e, ma dook-ka leme leoina Sidon-na mai, te so'dan-nala nee-nee lino-linok, ma tetu-temak, ta lanuu musu, lamasu'i-lakabete, boema ala ta to'a-taa hata esa boen.

1 TESALONIKA 5:2

Nana emi bubuluk basan no mangale'dok, Lamatua ka fai mamain ndia, sama na leo nakodaa ana mai nai fai le'odae na.

YESKIAL 24:14

Au, Manetualain Fo Mademaina, kokolak basa so. Fain-na losa so, ba'eneu Au mulai tao hata esa. Neukose, Au ta afandele heni o sala-singom fa, ma Au ta fe do'o do ampon neu o, do Au sue-lai o fa. Neukose o nanahukuk, nandaa no o tatao-nono'im lala'en-na. Au Manetualain Fo Mademaina, nde manakokolak-ka.”

HABAKUK 2:3

Sulak-ma, dede'ak ndia, nana besak ia fain-na beita losa fa. Tehu faik ndia ana losa lai-lai, ma hata fo Au afa'dan neu o ndia, neukose tao leo bee-o ana da'di. Leomae meten soona bei dook-ka, tehu ka'da mahani! Neukose tao leo bee-o faik ndia ana mai, ma neukose ta nakamama'ak so'on.