YESKIAL 30:21 - Susula Malalaok Hehelu Palak Ma Hehelu Beuk

²¹ “Hai hataholi daebafak fo, manasapu-manalalok-konei, Au helula'di mane Masir-ra alun-na so, de ta hapu manapuli-namo'do do manatusi alun ndia, fo ela ana lea-hai, fo ana bisa ho'u nabe'i tafaina seluk.

YESKIAL 30:21 Referans Kwoze

YEREMIA 46:11

Hai laun Masir-rala lemin, meu lo Gilead meu fo sanga mo'do-aidok! Tehu leomae leondiak boeo ta hapu mo'do-aidok so'on hapu nahai emi fa.

YEREMIA 30:13

Ta hapu hataholi esa boen, tunga-sanga soaneu emi lelea-hahaim fa, ta hapu mo'do-akidok soaneu emi bisum ngguma-paele'bem-mala fa, ta hapu mamahehenak ba'eneu emi soaneu lea-hai fa.

YEREMIA 48:25

Moab be'i-balakaina nanatao naladik so, ma koasa-na nanatao nakalulutuk so. Au, Manetualain nde manakokolak-ka.”

MAZMUR 37:17

Nana neukose, Manetualain helu la'di hataholi mangalauk-ka, koasan-na, tehu nasulu-nahapa hataholi malole-a.

YESKIAL 30:24

Boema, neukose Au tao atea-ahele manek Babel-la alun-na, fo Au pe'da Au tafainang-nga neu liman dale. Tehu, neukose Au helula'di mane Masir-ra alun-na, nalosa ana nakadii-nakaau, de maten nai musu noon fo manek Babel-la, matan.

MAZMUR 10:15

Helu la'di hataholi mangalauk-ka, ma hataholi malelesik-kala, koasan-na; hukus, nanahu tatao-nono'in-nala, losa lame'da litan fo ala bii.

NINITAK 18:21

Basa ndia boema, ata nusa so'da kahelek esa so'u na batu esa, ba'u batu tututuk matuaina, boema ana tapan leo tasi dale neu ma nae, “Eno na leoiak, kota Babel fo nananita nalelak ndia, neukose nanatapa napane'ek, nalosa neukose ta natongo non so'on.

NAHUM 3:16

O hataholi manadangam-mala dede'un-na lena heni nduuk manai lalai-a! Tehu besak ia, mopok-kasa, sama leo lamak-ka lofa li'dan-na, boema ana laa fo mopon.

YESAYA 1:6

Neme emi langam-ma, losa emi eim-ma, ta hapu so'da-la'dak fa. Emi aom-ma henuk no peta-paek, bisu piik ma bisu mesa-mesan. Emi bisum sila-la, beita nanasafe balisik do nanapopoti-papaluk, ma ta nanapuli-namo'dok nenik mina boen.

YEREMIA 44:30

Hofra fo manek Masir-ra neukose Au fenneu musu-la fo lahiik ala tao lisan, sama leo Au fe Zedekia fo manek Yehuda neu Nebukadnezar fo manek Babel-la, fo ndia musun-na fo nau taonisan ndia.”

YESKIAL 39:3

Nai ndia, neukose Au fepa kokoun-na, losa tu'dahenin neme lima kiin-na mai, ma Au tao atu'daheni kokou isin-nala neme lima konan-na mai.

ZAKHARIA 11:17

Soo-supak ba'eneu manafoo sosoa-ndandaa tak ndia! Ana la'oela bi'ilopo bubuan-na so. Neukose natee-natatik-ka, tao nate'e koasan-na. Neukose, male heni alun-na, ma poke mata konan-na.”

MAZMUR 89:43

O fe sesengik neu musun-nala, ma O tao-ma musu noon-na, namahoko-setelee.