YESKIAL 30:12 - Susula Malalaok Hehelu Palak Ma Hehelu Beuk

¹² Neukose Au tao ama'da Lee Nil-la, ma Au fe Masir lala'en-na, leo hataholi mangalauk-kala neu. Neukose Au adenu hataholi nusa dea-la, fo ala tao lakalulutuk nusak ndia lala'en-na. Au fo Manetualain, nde manakokolak-ka.”

YESKIAL 30:12 Referans Kwoze

YESKIAL 29:3

Manetualain Fo Mademaina, nafa'da au nae, mafa'da mane Masir-ra, hala heheluk-ka nde ia nae, “O musum-ma nde Au ia, hai beis matuaina, fo o makandondoo nai lee-a tala'da. O malame'i mae Lee Nil-la nde been-na, o nuum ndia, ma o mae, o nde taolee ndia.

NINITAK 16:12

Basa ndia boema, ata nusa kane a ana po'a nggalaa na isi na leo Lee Efrat matuaina ndia dalek neu. Boema lee ndia ma'dan, de nalosa mane kala leme dulu mai de ala la'ok tunga dalek.

1 KORINTUS 10:26

Nana nai Susula Malalaok dale nanasulak nae, “Daebafak ia no oe isin lala'ena nde bee na, Lamatua ka nuun.”

NAHUM 1:4

Nasapala tasi-a, de Ana tao nama'dan Ana tao-na lee lalae'na da'di lee ma'dak. Lete Karmel-la, ma mook manai Basan-nala na'u-aiana ta moli fan ma na'u manai Libanon lala'en-na, male-tale.

YESKIAL 31:12

Solda'du nusa dea fo, ta lalelak susue-lalaik ndia fa, neukose ala lo'ohenin, boema ala po'ilotak-kana lee-lee neme ndia. Ndanan fo la'dihenik-kala, neukose ala tu'da beepoko nai basa letek-kala poin-na, ma nai bafak manai nusak ndia. Basa leoina fo, ala hahae lai huun-na, neukose lalai la'oelan.

YESKIAL 28:10

Neukose o mate sama leo hataholi matasi'da-matasaek, nanahu hataholi fo ta lalelak Manetualain-na, nde taolisa o. Au, Manetualain Fo Mademaina, nde manakokolak-ka.”

YEREMIA 51:36

Hu ndia de Manetualainnafa'da neu Yerusalem laun-nala nae, “Neukose Au ho'u emi dede'a ma fo Au balas falik musu-la tatao-nono'i fo ala tao neu emi. Oe mata-la ma lee-la neukose Au tao ama'das.

YEREMIA 50:38

Tao mama'dak basa lee-la, ma tina-nala! Hu ka nde Babel henuk no sosongo-tatangok ma bibii ina mai fo nde nanatao namulu hataholi kamahehelek-kala.

YESAYA 44:27

Au nde afa'da tasi buin-na ae: Ma'da leona! Au nau tao ama'da, o leem-mala.