YESKIAL 3:26 - Susula Malalaok Hehelu Palak Ma Hehelu Beuk

²⁶ Neukose Au fe o maam-ma balakai, fo o ta hapu fe nasanene'dak neu leoina fo, malenalanga-masabasook ia-la fa.

YESKIAL 3:26 Referans Kwoze

YESKIAL 24:27

Nai faik ndia boe, neukose o ta da'di hala tak so'on, te o bisa kokolak seluk so. Boema, neukose o kokolak moo hataholi ndia. No enok ndia, neukose o da'di ta'du-tana ba'eneu hataholi sila; soona besak-ka ala bubuluk, lae Au nde Manetualain-na.”

MAZMUR 137:6

Nemen-na fo, au ta bisa akamee so'on, metema au afandele heni Yerusalem, ma au ta tao Yerusalem, da'di au namahokong-nga fa!

MAZMUR 51:15

Soona neukose au anoli O paletam-ma neu hataholi masala-masingok-ka, fo ela ala fali ma'is leo O mai.

AMOS 5:10

Emi makamuu-makadau hataholi fo ana la'ban ndoos ma matetuk-ka, ma manakokolak ndoos nai manakee-manafula matan.

HOSEA 4:17

Hataholi Israel-la, dalen-nala latea lahele neu sosongo-tatangok so. Hu ndia de, po'ilotak-kasa.

RATAPAN 2:9

Dae-a nakadofu ketu lelesuinan-nala, la'di la'iesak ai betubalan-nala; manek-ka no manapaleta-la lai mamana tu'u-tapak. Ta lanoli hataholi-a, Manetualain hoholo-lalanen so'on, nabi-la ta sipo ninitak neme Manetualain mai so'on.

YEREMIA 1:17

Yeremia, maheheleaom leona! Muu leona, fo manduku-malosak neus, basa hata fo Au paletan neu o. Boso bii-mamata'u neus, fo ela Au boso tao-ala o boetai bii-mamata'u seluk, metema o masasalematak moos.

YESAYA 1:2

Hai lalai, mamanene leon hai daebafak-ka, taoafik leona! Manetualain nafa'da nae, “Au anang fo Au akabobois-sala, ala lena-la'ban Au paletang-nga so.

YESKIAL 33:22

Nai le'odaek fo hataholi ndia beita mai fa, au ame'da ita, Manetualain koasan-na so. Da'di, lelek hataholi ndia ana mai, te au bisa kokolak so, nana au ta da'di nggoak so'on.

DANIAL 10:15

Lelek nafa'da dede'ak ndia boema, au akatele ma au ta hapu kokolak so'on.

HOSEA 4:4

Manetualain nafa'da nae, “Hai basa imam-mala lemin, esa boso fe salak neu esa, do mamanasa Au anang-ngala, nana emi nde, Au fe salak-ka dei!

YESKIAL 12:2

“Hai hataholi daebafak fo, manasapu-manalalok-konei, o leo nai hataholi malenalanga-masa'ba sook-kala tala'da heon. Sila mamatak, tehu ta lita fa; madi'idook, tehu ta lamanene fa, nana ala nau lalenalanga-lasa'basoo.

YESKIAL 12:3

Hu ndia de, hai hataholi daebafak fo, manasapu-manalalok-konei, poti-ma o bua-lo'am neu popotik esa dalek, bei dai le'do-a beita tenak ia fa, sama leo hataholi nanatu'u-tapak-kala biasa taon. La'oela o umam-ma no le'do-le'dok, nai fai lele'don-na, sama leo hataholi fo loon leo mamana tu'u-tapak neu. Nai hataholi malenalanga-masa'basook sila-la matan, tao bolok neu o umam-ma papalan-na, soona ho'i-ma o popotim-ma, fo kalua tunga bolok ndia. Masaa-ma, popotik ndia, fo makahatu kiu-kiu soona, la'o leona; potiketu o mata-panam, fo ela o boso mete mita enok fo o tunga ndia. Nemen-na fo, basa leoina Israel-la lala'en-na, lita basa hata fo o taon ndia, fo ela ana da'di nasanene'dak ba'eneu sila. Fafa'kama ala bubuluk, lae sila nde malenalanga-masabasook-ka.”