YESKIAL 3:22 - Susula Malalaok Hehelu Palak Ma Hehelu Beuk

²² Au ame'da ita, Manetualain mamain-na be'i-balakain, de au amanene nafa'da au nae, “Fo'a leona, fo muu leo bafak dale muu. Neukose Au kokolak o, o nai naa.”

YESKIAL 3:22 Referans Kwoze

HATAHOLI 9:6

Tehu besak ia fo'a leona, fo mu leo kota dale mu. Nai ndia, neukose o bubuluk hata fo o muse tao-no'in.”

YESKIAL 37:1

Boema Manetualain koasan-na, ana poti-na au, de Duladalen-na no au leo bafak esa, henuk no duik-kala.

YESKIAL 8:4

Boema au ita mangale'dok fo, manada'di ta'du-tana neu Israel Manetualain mamain-na, sama leo au itan nai lelek au eme Lee Kebar-ra su'un-na.

YESKIAL 3:14

Manetualain koasa matuainan-na, ana mai leo au mai, de lelek Manetualain Duladalen-na so'u-na au de noo au, boema au ame'da daleng-nga makahe'duk, ma namahana.

YESKIAL 40:1

Lelek ndia, la'e hataholi Yahudi-la bula ka esan-na, fain sanahulu, fo nai lelek ami nai mamana tu'u-tapak, nai teu ka duahulu liman-na, fo ndia te, Yerusalem kala basa nai teu ka sanahulu haan-na so, au ame'da Manetualain koasan-na, ana koasa-na au, de noo au de au la'o.