YESKIAL 29:7 - Susula Malalaok Hehelu Palak Ma Hehelu Beuk

⁷ Nai lelek fo, ala lasala'da o, boema la'di o, de o pau la'e sila lilibolon-nala, nalosa sila mulih'ain-nala kosik.

YESKIAL 29:7 Referans Kwoze

YESAYA 36:6

Memak, o mamahena Masir tutulu-fafalin, tehu ndia sama-na leo o pake fii doon-na, da'di aitete'ek; – mahani te, neukose aitete'ek ndia la'din, fo ana pau o limam-ma. Leondiak boe, ba'eneu basa hataholi fo, lamahena neu manek Masir-ra.’ ”

AMSAL 25:19

Mamahele hataholi malelesik-ka, nai fai toto'a-tataak-ka, nde been-na, sama leo aale nenik nisi manggolek-ka, do la'ok nenik ei do'oeik.

2RAJA-RAJA 18:21

Memak, o mamahena Masir tutulu-fafalin, tehu ndia sama-na leo o pake fii dook-ka, da'di leo aitete'ek; neukose, aitete'ek ndia la'din, fo ana pau tola o limam-ma. Mane Masir-ra, ha'da-tataon leondiak, ba'eneu basa hataholi fo, lamahena neun.’ ”

YESAYA 20:5

Hataholi fo lasalai dean-nala neu Sudan, ma lamatutua-lamadedema Masir-ra, neukose dalen-nala ba'ihana, ma namahehenan-nala, lakalulutuk.

RATAPAN 4:17

Ami matam-ma so'ta no memetek-ka mahani tutulu-fafalik fo ana ta losa fa. Ami mamahena leoina esa tutulu-fafalin, fo tunga ndoon-na ana ta hapu fe hata esa boen.

YESKIAL 29:16

Neukose, Israel ta noke tutulu-fafalik neme emi mai so'on. Hai leoina Masir-ra nei, o ua-nalem ndia, ana fe nasanene'dak neu Israel, nae Israel sala nanseli, metema namahena Masir, sama leo ana tao hain nai makahulun-na so. Soona besak-ka Israel bubuluk, nae Au nde Manetualain Fo, Mademaina.”

YESAYA 30:3

Tehu neukose, manek ndia taon-na dalen-nala ba'ihana, ma ala lamahena hapu nasulu-nahapak neme Masir mai, ta da'di fa.

NAHUM 3:9

Tebe paleta Sudan ma Masir, ma koasan-na too-lanen ta. Ndia tia-lain nde Libia ma Put.

NAHUM 3:10

Leomae leondiak boe, laun Tebe-la, nanafook de los leo mamana tu'u-tapak neu. Anan-nala nanafepa-popokok losa mates, nai basa eno kaba'ek-kala. Hataholi matua-mademan-nala nanalangek, de ala baba'es neu hataholi manaho'u nalas-sala.