YESKIAL 29:6 - Susula Malalaok Hehelu Palak Ma Hehelu Beuk

⁶ Soona besak-ka laun Masir-ra, ala bubuluk lae Au nde Manetualain-na.” Manetualain nafa'da nae, “Hai leoina Masir-ra nei! Hataholi Israel-la, ala lamahena o tutulu-fafalim, tehu se'kona, o sama leo ka'da aitete'e manamalek mesak-kana.

YESKIAL 29:6 Referans Kwoze

YESAYA 36:6

Memak, o mamahena Masir tutulu-fafalin, tehu ndia sama-na leo o pake fii doon-na, da'di aitete'ek; – mahani te, neukose aitete'ek ndia la'din, fo ana pau o limam-ma. Leondiak boe, ba'eneu basa hataholi fo, lamahena neu manek Masir-ra.’ ”

2RAJA-RAJA 18:21

Memak, o mamahena Masir tutulu-fafalin, tehu ndia sama-na leo o pake fii dook-ka, da'di leo aitete'ek; neukose, aitete'ek ndia la'din, fo ana pau tola o limam-ma. Mane Masir-ra, ha'da-tataon leondiak, ba'eneu basa hataholi fo, lamahena neun.’ ”

YESKIAL 28:26

Neukose, ala laso'da no nee-nee-lino-linok lai ndia, fo lafofo'a sila uman-nala, boema ala tao osi angol. Neukose, Au huku basa sila nusa titia-tatain fo, lakamumulu-lakamamaek-kasa, nalosa Israel da'di nee-nee lino-linok. Soona besak-ka ala bubuluk, lae Au nde sila Manetualain-na.”

RATAPAN 4:17

Ami matam-ma so'ta no memetek-ka mahani tutulu-fafalik fo ana ta losa fa. Ami mamahena leoina esa tutulu-fafalin, fo tunga ndoon-na ana ta hapu fe hata esa boen.

YEREMIA 2:36

No lai-laik nanseli, emi meu leo leoina fe'ek-kala lamatua daebafan-nala meu, fo moke tutulu-fafalik! Neukose tao leo bee-o, Masir taon-na emi dalem-ma ba'ihana, sama leo Asyur tao ba'ihana emi dalem-ma.

KELUARAN 14:18

Soona neukose, hataholi Masir-ra bubuluk, lae Au nde Manetualain.”

KELUARAN 9:14

Oek ia soona, neukose Au fe soe-a ta la'e ka'da manapaleta-la, ma laun-nala mesak-kana fa, tehu neu o boe, fo ela o bubuluk, mae ta hapu hataholi nakasusu'dik no Au, nai daebafak-ka lala'en-na fa.

YESKIAL 17:17

Nakalenak, solda'du Masir fo palani sila-la, ta lapalani tulu-falin, nai lelek hataholi Babel-la, ala mai sapu-lalas, fo ladodou dae-a da'di pupukuk, ma ala kali oelolok, soaneu ala taolisa hataholi makadotok.

YESKIAL 29:16

Neukose, Israel ta noke tutulu-fafalik neme emi mai so'on. Hai leoina Masir-ra nei, o ua-nalem ndia, ana fe nasanene'dak neu Israel, nae Israel sala nanseli, metema namahena Masir, sama leo ana tao hain nai makahulun-na so. Soona besak-ka Israel bubuluk, nae Au nde Manetualain Fo, Mademaina.”

YESKIAL 30:8

Metema Au hotuheni Masir, ma Au taoisa la'iesak hataholi manalook-kana soona, besak-ka ala bubuluk, lae Au nde Manetualain-na.

2RAJA-RAJA 18:24

Soaneu la'ban ami malanga solda'du manai daeanak-kala boeo, emi ta bisa sengi fas. Tehu, emi mamahena Masir tulu-fali emi, nenik ana haitua fe emi kaleta musu ma solda'du manasa'e ndala boe!