YESKIAL 29:5 - Susula Malalaok Hehelu Palak Ma Hehelu Beuk

⁵ Basa soona, Au tapa o moo basa i'ak sila-la lala'en-na, leo moo solokaek-ka neu. Neukose o mapoko dae lain, fo o makabebepa meme ndia. Neukose hataholi ta natoi-natono o fa. Au fe o leo manupui-la, ma bana fe'e-fe'ek-kala, fo la'aheni o.

YESKIAL 29:5 Referans Kwoze

YEREMIA 34:20

Neukose Au fe emi lo musu-a fo lahik tao lisa emi-a. Neukose manupui-la ma bana makisu-makak-kala la'a emi popolam-mala.

YEREMIA 8:2

ta soaneu latoi-latono seluk-kasa fa, te nanapo'ilotak nai dae lain, fo da'di kadafuk. Hataholi sila-la duin-nala, besenggela-besenggali lai le'do bulak, ma bana-manu fo ala taos da'di lamatua daebafak, fo ala sue-lais, lalalau-laoonos, ala sene-do'ok neus ma loke natutu'duk-ka, matan-na.

YEREMIA 7:33

Sila popolan-nala, neukose ala da'di manupui-la, ma bana makaak-kala nana'an, fo ta hapu hataholi usi heni fas.

YEREMIA 25:33

Neu faik ndia te, hataholi-hataholi fo manataonisak neme Manetualain mai-a, neukose popolan-nala lalefu'ak nai basa daebafak-ka poin-na. Neukose nanaki-namatani tak, ma nanako'o tak soaneu nananatoik, te ka'da nanapo'ilotak nai dae sama leo hu'u-kadafu madodouk-ka.

YESKIAL 31:18

Ai ndia, nakandandaan-na nde, mane Masir-ra no laun-nala. Ta hapu ai madema, ma ai nanakoa-nanakiok leondiak-ka, nai Eden dalek fa. Tehu besak ia, sama leo ai manai Eden-nala boe, de ai ndia boeo, neukose ana kona leo hataholi manamatek-kala mamanan-na, fo nakabubua no hataholi fo ta lalelak Manetualain-na, ma no hataholi fo ala mate nai natee-natatik dale. Au, Manetualain Fo Mademaina, nde manakokolak-ka.”

YEREMIA 16:4

Neukose sila mates nana he'di-laus fo maneni mamates la'es ma neukose sila mates nai natee-natatik-ka dalek, do mates nanahu la'a-ndoes-sa. Neukose ta hapu hataholi esa boen kii namatanis do natotoi-natotonok fas. Neukose sila popolan-nala tongganggali samaleo pupuk-ka nai dae-a, ma manupui-la no bana makisu-makak-kala la'as.

MAZMUR 74:14

O tao makalulutuk buta Lewiatan-na, langan-nala, de O taon da'di nana'ak ba'eneu hata fo manaleo nai moo solokaek-ka.

SEMUEL SUSULAK-KA ESAN-NA 17:44

Bai te, nahee Dauk nae, “Ayo, tutulumatak leona! Te neukose au fe manupui, ma bana-la la'a o aopaam-ma.”

NINITAK 6:8

Au mete boema, au ita ndala bulu mama'uk esa. Manasa'e nana na'de Mamates. Faka Mamate sa tunga deka-deka non neme dea mai. Koasa soaneu daebafak ia baba'ek esa neme baba'ek ha mai nanafek neu sila, fo ela ala hapu lanisa tunga nata'ti ka, tunga le'dofai la'a-ndoe sa, tunga he'di-lau sa, ma tunga bana makaa kala.

YESKIAL 31:13

Neukose manupui-la ala mai, fo ala sa'e leu ai manatu'uk ndia, ndanan-nala lain, ma bana fuik-kala ala mai, fo heheta-aa'i ndanan-nala.