YESKIAL 29:16 - Susula Malalaok Hehelu Palak Ma Hehelu Beuk

¹⁶ Neukose, Israel ta noke tutulu-fafalik neme emi mai so'on. Hai leoina Masir-ra nei, o ua-nalem ndia, ana fe nasanene'dak neu Israel, nae Israel sala nanseli, metema namahena Masir, sama leo ana tao hain nai makahulun-na so. Soona besak-ka Israel bubuluk, nae Au nde Manetualain Fo, Mademaina.”

YESKIAL 29:16 Referans Kwoze

HOSEA 8:13

Ala nau tunu-hotu tutunu-hohotuk fe Au, ma la'a tutunu-hohotuk ndia paan-na, tehu Au, fo Manetualain Manakoasa, ta hii tutunu-hohotuk sila-la fa. Besak ia, neukose Au afandele sala-singon-nala, fo Au hukus, nanahu sala-singok sila-la; neukose Au haitua falik-kasa leo Masir leu!

YESAYA 20:5

Hataholi fo lasalai dean-nala neu Sudan, ma lamatutua-lamadedema Masir-ra, neukose dalen-nala ba'ihana, ma namahehenan-nala, lakalulutuk.

YESKIAL 21:23

Laun Yerusalem-mala, neukose ta lamahele lae manek Babel-la neu sapu-na sila, nanahu ala tao basa hehelu-balataak loo manek Babel-la so. Tehu dede'a nanafa'da elak ia, ana fe sila nasanene'dak nae neukose, sila nanaho'u-nak, nanahu sila sala-singon-nala.

RATAPAN 4:17

Ami matam-ma so'ta no memetek-ka mahani tutulu-fafalik fo ana ta losa fa. Ami mamahena leoina esa tutulu-fafalin, fo tunga ndoon-na ana ta hapu fe hata esa boen.

YEREMIA 14:10

La'eneu leoina ndia Manetualain nafa'da nae, “Au ta amahoko neu hataholi-hataholi sila-la fo ala hii ka'da lalai heni aoinan-nala leme au-a mai. Neukose au ta asanggango heni sila salan-nala fa, ma neukose Au huku-doki sila, nanahu sila sala-singon-nala.”

YESAYA 64:9

Da'di boso mamanasa manseli, ou Manetualain, boso boe mafandele seluk ami sala-singom; mete leona, te ami ia, O anam.

MAZMUR 25:7

Fe do'o do ampon neu sala-singok ma salak fo au taon nai tepo-lelek au muli-solung-nga, mafandendelek au, nandaa no O susue-lalaim ma O dale malolem-ma.

NINITAK 16:19

Kota matuaina ndia heaba'en neu baba'ek telu, ma basa nusaina manai daebafa ka, kota nala boeo lakalulutuk. Boema Manetualain nafandele na Babel fo kota matuaina ndia. Manetualain fen ninu angol neme Ndia nggalaa na mai – fo nde angol nasa-melun manalua ponu-ponu na.

IBRANI 10:17

Manetualain boeo nafa'da nae, “Neukose Au ta afandele sala-singo nala, ma tatao-nono'i mangalau nala so'ok.”

IBRANI 10:3

Tehu see ko na tunga teuk ala fe tutunu-hohotuk sila la, ka'da lini nasanene'dak fe hataholi a sala-singo nala,

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

HOSEA 12:1

Manetualain nafa'da nae, “Leoina Israel-la, okofeo-la Au nenik masapepeko-masandandalik ma tipu-daik. Leoina Yehuda lena la'ban lahele Au, Manetualain fo Malalao-malalafuk, ma manalilinekak.

HOSEA 9:9

Emi tatao-nono'im, mangalaun-na seli, sama leo hataholi manai Gibea-la tao hain so. Neukose Manetualain nafandele emi sala-singom, ma neukose Ana huku emi, nanahu emi sala-singom-mala.

HOSEA 7:11

Israel neu-mai, sama leo manupui kalua nggoak-ka. Makasososan-na, hataholi Israel-la loke tutulu-fafalik neme Masir mai, basa boema, lalai leu loke tutulu-fafalik neme Asyur mai!

HOSEA 5:13

Leoina Israel-la, ma hataholi Yehuda-la, lame'da lita sila ha'da-tataon mangalaun-na, boema Israel neu leo Asyur neu, fo noke tutulu-fafalik neme manek matua mai. Tehu manek ndia, ta hapu tulu-fali, do tao matalolole sila ha'da-tataon fa.

YESKIAL 29:21

Metema dede'ak ndia, ana da'di soona, neukose Au tao-a Israel da'di leoina matea-mahelek, de ana fe o fo Yeskial loak, soaneu kokolak su'di bebe'ik-ka, nalosa hataholi lala'en-na, hapu lamanene o. Soona besak-ka ala bubuluk, lae Au nde Manetualain-na.”

YESKIAL 29:9

Neukose, Masir da'di dae louk. Soona besak-ka emi bubuluk, mae Au nde Manetualain-na.” Manetualain nafa'da nae, “Hai mane Masir-ra nei! Hu kande o mafa'da mae Lee Nil-la nde been-na, o nuum, ma o mae o nde tao lee ndia,

YESKIAL 28:26

Neukose, ala laso'da no nee-nee-lino-linok lai ndia, fo lafofo'a sila uman-nala, boema ala tao osi angol. Neukose, Au huku basa sila nusa titia-tatain fo, lakamumulu-lakamamaek-kasa, nalosa Israel da'di nee-nee lino-linok. Soona besak-ka ala bubuluk, lae Au nde sila Manetualain-na.”

MAZMUR 79:8

Boso huku ami, hu kande ami bei-ba'i kaim-mala sala-singon. Sue-lai ami no lai-laik, nana ketu ami namahehenam-ma so.

1RAJA-RAJA 17:18

Boema inafalu ndia nafa'da Elia nae, “Manetualain Atan-na nei, taole'e de Ama tao leo iak soaneu au? Ade Ama mai fo tao ma Manetualain nafandele au sala-singong, nalosa au anang-nga muse maten do?”

BILANGAN 5:15

Nai dede'ak ka duak sila-la dalek, saotouk-ka muse no saoinan-na leo imam-ma neu. Saotouk ndia boeo muse neni tunu-hotuk fo ana paluun, fo nde ha'desopuk gandum kilo esa. Ta bole po'a mina setun, do tao boomenik neu ha'desopuk ndia fa, nanahu ndia nalupa tunu-hotu neneok, ma tetee-tutu'dan soaneu ana da'di ta'du-tana nae saotouk-ka neo saoinan-na.