YESKIAL 29:11 - Susula Malalaok Hehelu Palak Ma Hehelu Beuk

¹¹ Ta hapu hataholi do bana-manu, ala la'ok tunga ndia fa. Nai teuk haahulu dalen-na, neukose hataholi ta leo nai ndia fa.

YESKIAL 29:11 Referans Kwoze

YESKIAL 32:13

Neukose Au taoisa o bana-manum nai lee-la su'un-na, fo sila mamana ninu oen-na. Nau hataholi do bana-manu boe, neukose ala ta tao kelupua lee sila-la oen-na so'on.

YESKIAL 36:28

Boema neukose, emi leo nusak fo, Au fen neu emi bei-ba'ikaim-mala. Neukose emi da'di Au anang, ma Au boeo, neukose da'di emi Manetualaim-ma.

YESKIAL 33:28

Neukose Au tao nusak ndia, da'di moo solokaek fo, nee-nee lino-lino, boema neukose mopok sila koao-ndaeaon, hu kande sila be'i-balakain-na. Basa letek manai Israel-la, neukose nee-nee lino-lino, nalosa hataholi ta napalani la'ok tunga ndia fa.

YESKIAL 31:12

Solda'du nusa dea fo, ta lalelak susue-lalaik ndia fa, neukose ala lo'ohenin, boema ala po'ilotak-kana lee-lee neme ndia. Ndanan fo la'dihenik-kala, neukose ala tu'da beepoko nai basa letek-kala poin-na, ma nai bafak manai nusak ndia. Basa leoina fo, ala hahae lai huun-na, neukose lalai la'oelan.

YEREMIA 29:10

Manetualain nafa'da nae, ‘Metema teuk hituhulu lamadai ba'eneu Babel soona, neukose Au tao afik neu emi seluk, ma Au tao atetu Au hala-hehelung-nga soaneu O falik emi lo mamanak ia mai.

YESAYA 23:17

Basa teuk-ka hituhuluk ndia soona, neukose Manetualain nafandele Tirus, fo Ana fen loak, soaneu ana tao-no'i, ndia tatao-nono'in makahulun-na. Neukose ana dangan no basa nusak manai daebafak-ka poin-na.

YESAYA 23:15

Neukose fain-na losa, Tirus nananafandele henik teuk hituhulu dalen-na, sama no manek esa teun-na, Metema tepo-lelek ndia seli soona, neukose Tirus sama leo ina manasosoa-piaok-ka, nai nakameek ia dalek:

2TAWARIKH 36:21

Leondiak hata fo Manetualain nafa'dan tunga Yeremia, ana da'di nae neukose nusak ndia ana da'di dae tokotiik teuk hituhulu dalen-na da'di leo ngganggatik neu teu-teuk Sabat fo ala ta taoafik-kana fa.

YESAYA 34:10

Lele'do le'odaen, manapilak ndia, ta mate fan, ma ha'imasuk-ka masu-masu neme ha'i pilak ndia dalek mai, losa dodoon-na. Neukose dae ndia nanala'o elak, fo louk, ma ana da'di dae tuuk neme bobongik leo bobongik neu, ma neukose ta hapu hataholi esa boen, la'ok tunga ndia fa.

YEREMIA 9:10

Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”

YEREMIA 46:19

Mahehele aom laun Masir-rala lemin, soaneu nanafook ma nananook fo la'o! Neukose Memfis da'di ai-batu madodouk, mamanak fo nene-lino-linok nanahu nana leo taak.