YESKIAL 28:26 - Susula Malalaok Hehelu Palak Ma Hehelu Beuk

²⁶ Neukose, ala laso'da no nee-nee-lino-linok lai ndia, fo lafofo'a sila uman-nala, boema ala tao osi angol. Neukose, Au huku basa sila nusa titia-tatain fo, lakamumulu-lakamamaek-kasa, nalosa Israel da'di nee-nee lino-linok. Soona besak-ka ala bubuluk, lae Au nde sila Manetualain-na.”

YESKIAL 28:26 Referans Kwoze

YESKIAL 28:24

Manetualain nafa'da nae, “Nusa-nusak manai Israel titia-tatain fo, lakamumulu-lakamamaek hai Israel-la, neukose ala ta da'di dila-nggauk fo ala hina Israel so'on. Soona besak-ka ala bubuluk, lae Au nde Manetualain Fo Mademaina.”

YESKIAL 28:22

Mafa'da laun-nala mae Au, Manetualain Fo Mademaina, nafa'das nae, ‘Hai Sidon, o musum-ma nde Au ia. Neukose hataholi-la, ala koa-kio Au, nanahu Au tatao-nono'ing soaneu o-a. Nai lelek Au huku o laum-mala, neukose ala bubuluk lae Au nde, Manetualain fo malalao-malalafuk-ka.

YESKIAL 38:8

Bei teuk de'ubee seluk bai soona, neukose Au paletan fo, neu sapu-na nusak esa no laun fo, nanatao nakabubua falik leme leoina makadotok tala'da mai, fo basa boema, ala leo lai nusak ndia, no nee-nee lino-linok. Neukose Gog nangatuu-na Israel leten-nala, fo nee-nee lino-linok dook-ka so, ma henuk no ai batu manatapasasalak-kala, tehu besak ia, laun fo bei maso'dak-kala, ala leon no nee-nee lino-linok.

YEREMIA 32:15

Manetualain Fo Manakoasa, fo Israel Manetualain-na, nafa'da nae, uma, dae, ma osi angol boe neukose nananase'ok seluk nai nusak ia.”

AMSAL 14:26

Hataholi fo namahele neu Manetualain-na, ana hapu tetu-temak, ma teidalen-nala, neukose ala hapu nasulu-nahapak.

ZAKHARIA 1:15

Tehu Au amanasa anseli, neu leoina fo lame'da nee-nee lino-linok, ma so'da-molek. Nana, nai lelek Au akatatakak Au nasang-nga, neu Au anang-ngala, leoina sila popo-tama seluk doidosok, neu Au anang-ngala.

HABAKUK 2:8

O bonga basa leoina ba'uk-ka uman-nala so, tehu leoina fo o ta hapu bonga uman-nala fa, neukose ala bonga o umam-ma, nanahu o tao basa kanisak so, ma nanahu o tatao-nono'im, fo ta nanuu dale susue-lalaik ndia neu nusa-nusak-kala, kota-kota-la, ma laun-nala.

HOSEA 2:18

Nai faik ndia, neukose Au tao hehelu-balataak o basa bana mata-matak lala'en-na, fo ela ala boso sapu-la Au anang-ngala. Neukose, Au tao ate'e natee-natatik lala'en-na, ma Au pe'da heok tee-tafa natee-natatik-kala, leme Au anang-ngala nusan ndia mai, fo Au tao-alas, laso'da no tetu-temak ma nee-nee lino-linok.

YESKIAL 39:10

Da'di ta paluu leu hila ai ha'i, do leu lo'o ai nai nula dale so'on, nana ala la'oela tafa-sisilo sila-la, dai ala pakes da'di ai ha'i. Neukose lamanako, ma ala kalo hataholi fo lamanako, ma ala kalo leni sila hata-heton-nala. Au, Manetualain Fo Mademaina, nde manakokolak-ka.”

YESAYA 17:14

Nai lelek le'donoso, ala leni bibii-namata'u matuaina, tehu nasafali lolebalahaak te, mopos so. Basa hataholi fo ala kalo ita, ua-nalen leondiak.

ULANGAN 12:10

Emi lena basa Lee Yarden-na soona, neukose emi Manetualaim-ma tulu-fali emi, fo emi mangatuu ma emi leo dae manai lee ndia selik. Neukose, nasulu-nahapa emi nemi, neme musu lala'en-na mai, fo neukose emi maso'da no nee-nee lino-linok ma tetu-temak.

KELUARAN 29:46

Neukose ala bubuluk lae Au nde Manetualain fo sila Manetualain-na fo mana no sila kalua leme Masir mai, fo ela Au hapu leo nai sila tala'daheon. Au nde sila Manetualain-na.”

YESKIAL 38:11

O ho'i nakeketuk, fo o muu sapu-ma nusak fo, kota musun ta ndia, fo nai bee, laun-nala laso'da no nee-nee lino-linok lai kota-kota fo, papala nanadaman ta, ma tafa-sisilon-nala ta ndia.

YESKIAL 34:31

Tete'ek-ka, Au bi'ilopong-ngala nde emi, de Au fe emi mi'a. Emi nde been-na Au anang, ma emi Manetualaim nde Au. Au, Manetualain Fo Mademaina, nde manakokolak-ka.”

RATAPAN 1:8

Yerusalem tao nanggenggeo aoinan-na mesak-kana nenik tao sala-singo manggenggeok makadotok. Basa hataholi fo makahulun-na fen ha'da-holomata, besak ia, lakadadaek-kana nanahu lita makaholan-na. Ana hoo-nggu'u, nanahu ana mae so.

YEREMIA 33:16

Hataholi Yehuda-la ma Yerusalem laun-nala neukose nanasoi-po'ik ma laso'da no nene-lino-linok. Kota Yerusalem-ma neukose nanafoik na'de ‘Manetualain Soi-po'i Ita’.

YEREMIA 30:16

Tehu besak ia basa manako'do emi-a, neukose nanako'dok, ma basa o musumom-mala neukose nanafoo nenik lo mamana tu'u-tapak-ka neu. Neukose Au tuni-ndeni manatuni-ndenik-ka, neukose Au amanako manamamanako emi-a.

YEREMIA 29:28

Muse ko'bo ketu hataholi ndia bafan-na, nana nafa'da ita hataholin manai Babel-la nae, sila muse leo dook-ka nai na. Ma hu kande ndia de, nafa'da nae, tao leo beo ala tao uma, ma ala tao tina-osi, fo la'a buna-boan-na.”

YESAYA 33:1

Soe ba'eneu ita musun-nala! Ala lamanako, leomae nako ta namanako sila fa, ma lalelesi, leomae hataholi ta nalelesi sila fa. Tehu lamanako ma lalelesi basa soona, neukose nakodaa namanakos, ma malelesik-ka, nalelesis.

MAZMUR 149:9

fo ala huku leoina-la, hu kande Manetualain paletan-na. Fo ana sue-lain-kala, sesengin-na nde ndia. Koa-kio Manetualain leona!

YEREMIA 32:43

Hataholi-la lafa'da lae, neukose nusak ia ana da'di sama leo mook solokaek-ka, fo hataholi daebafak-ka, ma bana manu ta leo fan, ma lae nusak ia ana tu'da lo hataholi Babel-la liman dale neu. Tehu Au afa'da ae, neukose lase'o-banasa seluk tina-osi nai nusak ia;

YESKIAL 34:14

Tete'ek-ka, neukose Au sadia fes mook mana'u momo'dok-kala lai dae Israel-la letelepan-nala, ma lai bafak-kala. Neukose ala lu'u lai naa, ma la'a na'u no nee-nee lino-linok.

YESKIAL 36:9

Hai Israel, Au ok o, de tao leo bee-o, o daem-ma nanafoi-falak seluk, fo sele-nggali bini-ngges neu.

HOSEA 2:15

Neukose Au fe falik osi angon-nala, ma neukose Au tao Bafak Toto'a-tataak-ka da'di lelesu namahehenak. Nai naa, neukose ana sipok Au, sama leo nai lelek bei muli-solun-na, fo nai lelek besak-ka ana kalua neme Masir mai.

HOSEA 11:11

Neukose, ala mai no lai-laik, sama leo manupui-a neme Masir mai, ma leme Asyur mai, sama leo manupui kalua bubuak-kala. Boema, neukose Au o falik-kasa, leo sila uman na leu. Au, fo Manetualain, nde manakokolak-ka.”

YEREMIA 12:14

Manetualain nafa'da nae, “Au hehelu-balatang leoiak la'eneu Israel nusa-nusak titia-tatain-nala, fo manatao nakalulutuk nusak fo Au fen neu Au anang Israel-la. Leondiak boe neukose, Au kalua heni hataholi-hataholi mangalauk sila-la neme sila nusa namon-nala mai, sama leo bubu'u-palusa fo nanafe'a henik neme dae-a mai.

YEREMIA 32:37

Neukose Au tao akabubua leoina ia, neme basa nusak fo Au tao tapasasalas nanahu Au nasa-melung neus. Neukose Au o falik-kasa lo mamanak ia, ma Au fes leo nai mamanak ia no nene-lino-linok.