YESKIAL 28:24 - Susula Malalaok Hehelu Palak Ma Hehelu Beuk

²⁴ Manetualain nafa'da nae, “Nusa-nusak manai Israel titia-tatain fo, lakamumulu-lakamamaek hai Israel-la, neukose ala ta da'di dila-nggauk fo ala hina Israel so'on. Soona besak-ka ala bubuluk, lae Au nde Manetualain Fo Mademaina.”

YESKIAL 28:24 Referans Kwoze

YOSUA 23:13

mafandendelek te, tao leo bee-o, emi Manetualaim-ma, neukose ta usi heni leoina sila soaneu emi so'on. Nasafalin-na, neukose leni bibii-namata'uk nanseli soaneu emi, nana neukose sila da'di sama leo hihi'ik, do sama leo meo o, soaneu emi. Sila boeo, neukose tao-la emi doi-doso manseli; nana neukose ala da'di sama leo ue-a nai emi muliha'im-ma, do sama leo nggauk-ka nai emi matam dale. Neukose, emi doi-doso makandoo, losa ta ela emi hataholim esa boen, nai emi Manetualaim-ma, fe emi nusak malole ia dalek fa.

BILANGAN 33:55

Tehu metema, emi ta usi heni nusak ndia laun-nala fa soona, hataholi manaleo lahele manai sila-la, neukose ala tao susa emi, sama leo solokaek-ka nai emi matam-ma, do nggauk-ka nai emi eim-ma. Mahani te, sila nde latee-latati loo emi-a.

2 KORINTUS 12:7

Tehu fo ela au boso koao-ndaeao anseli hu ka nde ninitak matuaina sila la, de au hapu he'dis matak esa nai au ao paa nga. Da'dileo Nitu nadedenu na, he'dis ndia nanahaituak soaneu ana tao na au doidoso fo ela au boso koao-ndaeao.

YESKIAL 2:6

Tehu o, hai hataholi daebafak manasapu-lalok-konei, boso bii-mamata'u neu basa malenalanga-masabasook sila-la, ma neu sila hala-kokolan-nala. Neukose, ala lena-la'ban o, ma lakamumulu-lakamamaek o, nalosa o maso'dam-ma, nono'kabai nai kulak-ka tala'da. Leomae leondiak boe, boso bii-mamata'u.

YESAYA 55:13

Neukose ai kaiou-la, ala nggati makatema dila-nggauk, bubu'u-palusa bunga, ala nggati makatema dila-nggauk. Ndia da'di, fo ela Au nanakoa-nanakiok; da'di leo, ta'du-tana manaketu-basa tak, fo neukose ta mopo fan.”

NINITAK 21:4

Neukose Ana lose nama'da luoe neme mata nala mai. Neukose ta hapu mamates so'on. Dale he'dik, kii-makaleleuk, do he'di-laus boeo neukose ta hapu so'on. Dede'a palaa kala mopos so.”

MIKHA 7:4

Hata fo malole nanseli, ma manatao tunga ndoon-na nanseli boeo, sama leo dila-nggauk, fo sosoa-ndandaan ta. Fain-na losa so, fo Manetualain huku anan-nala, sama leo hata fo Ana paleta basan soaneus, tunga nabin-nala. Besak ia, tasibu-a da'di nai sila tala'da so

YESKIAL 39:28

Soona besak-ka, Au anang-ngala bubuluk, lae Au nde sila Aman Manetualain. Nana Au nde haitua sila leo mamana tu'u-tapak neu, tehu Au boeo, nde o falik-kasa leo sila nusan-na neu, no ta la'oela sila hataholin esa boen, nai mamana tu'u-tapak fa.

YESKIAL 28:26

Neukose, ala laso'da no nee-nee-lino-linok lai ndia, fo lafofo'a sila uman-nala, boema ala tao osi angol. Neukose, Au huku basa sila nusa titia-tatain fo, lakamumulu-lakamamaek-kasa, nalosa Israel da'di nee-nee lino-linok. Soona besak-ka ala bubuluk, lae Au nde sila Manetualain-na.”

YESKIAL 28:23

Neukose Au fe he'di-laus mai, de nemen-na fo, daak-ka faa nai o enom-mala lain. Neukose musu-a, ana sapu-na o neme mamanak lala'en-na mai, fo ala taolisa o laum-mala. Soona besak-ka o bubuluk, mae Au nde Manetualain-na.’ ”

YEREMIA 12:14

Manetualain nafa'da nae, “Au hehelu-balatang leoiak la'eneu Israel nusa-nusak titia-tatain-nala, fo manatao nakalulutuk nusak fo Au fen neu Au anang Israel-la. Leondiak boe neukose, Au kalua heni hataholi-hataholi mangalauk sila-la neme sila nusa namon-nala mai, sama leo bubu'u-palusa fo nanafe'a henik neme dae-a mai.

YESAYA 35:9

Neukose ta hapu singa nai mamanak ndia fa, do bana makaa fe'ek fa. Hataholi fo, Manetualain soi-tefak-kala, neukose ana la'ok nai naa.

HAKIM-HAKIM 2:3

Da'di, besak ia mamanene! Te metema, emi matee-mata'ti moos soona, neukose, Au ta usi heni nusak ia hataholin-nala fa. Neukose, ala da'di emi musum-mala, ma neukose lakahihi'ik-la emi, nalosa emi tunga sene-do'ok neu sila-lamatua daebafan-nala.”