YESKIAL 28:2 - Susula Malalaok Hehelu Palak Ma Hehelu Beuk

² “Hai hataholi daebafak fo, manasapu-manalalok-konei, mafa'da mane Tirus-sa, hata fo Au, Manetualain Fo Mademaina nafa'da neun, ‘No koao-ndaeaok, o mafa'da mae o nde been-na lamatua daebafak, fo o mangatuuk nai kandela manek-ka, nai tasi-a tala'da heon. O bole tao o aoinam-ma, da'di leo lamatua daebafak, tehu mafandendelek leona te, o ka'da hataholi daebafak biasa mesak-kana.

YESKIAL 28:2 Referans Kwoze

YESKIAL 28:9

Nah, metema faik ndia losa soona, o bei bisa mafa'da mae Manetualain nde o do? Nai o hataholi kanisam-mala matan, ala bubuluk lae o ia, ka'da hataholi daebafak mesan.

2 TESALONIKA 2:4

Ma neukose ana laban Manetualain, ma ana manaku nae, ndia nanuu koasa, lenaheni basa dula dale mangalauk fo, hataholi daebafa ka sene-do'o kasa. Lena-lenak, neukose nangatuuk neu Lamatua ka Uman dale fo nafa'da nae, Manetualain nde ndia.

YESAYA 31:3

Hataholi Masir-rala, ka'da hataholi daebafak mesan, te Manetualain ta nde sila fa. Sila ndalan-nala nde been-na, mahahaek biasa, fo tapandoes, te ta dula dalek fo nanuu koasa fa. Metema, Manetualain tao hata esa soona, leoina manatulu-fali ndia, neukose nakatunu, ma ana tulu-fali leoina ndia, ana tu'da. Soona neukose duas mate-mopo.

AMSAL 16:18

Koao-ndaeaok-ka neninin-na nde nakalulutuk-ka; namatutua-namadedema aoinak-ka, neninin-na nde tutu'dak-ka.

MAZMUR 9:20

Fo'a leon Manetualain fo maketu-mala'di leoina-la, boso po'ilotak hataholi daebafak-ka koao-ndaeao.

YESAYA 2:12

Nai faik ndia, Manetualain Fo Manakoasa, neukose nakadadaek basa hataholi fo namatutua-namadedema aoinan-na, ma Ana huku basa hataholi manakoao-ndaeaok-ka, ma mananamatutua-namadedema aok-ka.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”

1 TIMOTIUS 3:6

Hataholi mauli-malanga salanik esa, ta bole hataholi fo, besa ka ana da'di hataholi salanik fa, nana neukose hataholi ndia, ana da'di hataholi mana koaok, fo nanasoo-supak, sama na leo makahulu na Nitu a boe.

HABAKUK 2:4

Mafandendelek te, hataholi mangalauk-ka, neukose ta naso'da fa, tehu hataholi manatao tunga Manetualain hihii-nanaun-na, neukose naso'da, nanahu ana lilineka neu Manetualain.”

YESKIAL 31:10

Hu ndia de Au, Manetualain Fo Mademaina, afada o hata fo, neukose ana da'di neu ai fo pe'dan-na losa ko'as-sa ndia. Nana ana boetai namademak-ka, ana boetai koao-ndaeao.

YESKIAL 28:17

O mata makeem-ma, ana tao-na o koao-ndaeao, ma o na'de nanakoa-nanakiom-ma, ana tao-na o, tao tunga o nggoam-ma. Hu ndia de, Au bala o muu dae lain, fo Au taon da'di nasanene'dak ba'eneu mane fe'ek-kala.’ ”

AMSAL 18:12

Hataholi manakoao-ndaeaok-ka, neukose ana tu'da, hataholi dale taidaek-ka, neukose nanafe ha'da-holomata.

2TAWARIKH 26:16

Lelek manek Uzia natea-nahele boema, ana da'di manakoao-ndaeaok, de koao-ndaeaon ndia nde tao nakalulutuk-kana. Ana la'o lena Manetualain paletan-na, nanahu neu leo Manetualain Uman dale neu fo ana hotu boomenik nai mei tunu-hotu boomenik lain.

ULANGAN 8:14

manea matalolole, fo ela emi boso da'di hataholi manakoao-ndaeaok, ma mafandele heni emi Manetualaim-ma fo manasoi-po'i emi neme Masir mai, fo mamanak manatao emi da'di ata.

KEJADIAN 3:5

Manetualain nafa'da nae leondia nanahu, Ana bubuluk, metema emi mi'a ai boak ndia soona, neukose emi dudu'a-aafim natahuka; fo neukose emi da'di sama leo Manetualain, fo emi bubuluk hata fo malole ma hata fo mangalauk-ka.”

NINITAK 17:3

Boema Manetualain Dula Dale na koasa na au, de ata nusa so'dak ndia no au leo mo maloa neu. Nai naa, au ita inak esa nangatuuk nai bana pila balanggeok esa lain, ma ala sulak lahenu ao na ninik na'de nakamumulu-nakamamaek neu Manetualain. Bana ndia langan hitu, ma susulan sanahulu.

NINITAK 18:7

Fen doidosok ma dale he'dik dede'u na sama no matua-madema ma so'da manadailenak fo nanafek neu aoina na. Nana ana ka'da nafa'da tataas esa neu aoina na nae, ‘Au ia, ina manek fo mana paleta! Au ta inafalu fa; neukose au ta la'ola'di dale he'dik fa!’

YESAYA 23:8

Ade hataholi manadangan-nala, ta nde teidale manefetoana fo, nanafe ha'da-holomata nanseli nai daebafak-ka do? See kande ho'i nakeketuk, soaneu tao natu'da Tirus, kota fo manakoasan-nanseli ia?

YESAYA 47:8

Hu ndia de, mamanene Au leona, hai o fo, hii ka'da usi lole-napu daebafak-ka! O maedaenga, o so'dam-ma nee-nee lino-linok, ma ta hapu hata fo, sama leo o fa. O dodoo mae, neukose o ta da'di inafalu fa, ma o tititi-nonosim, neukose ta mate-mopo fa.

YESKIAL 16:49

Sodom no nggolo-nggolon-nala koao-ndaeao, nanahu mamana pepe'da nana'an makadotok, ma laso'da no nee-nee lino-linok ma mole-dame. Tehu, ala ta taoafik neu hataholi nuu taa-hata taak-ka, ma hataholi matasi'da-matasaek-ka fa.

YESKIAL 26:17

Basa soona, neukose lakamee fe o, nakamee natoi-natonok-ka nde ia nae: Kota fo nanakoa-nanakiok-ka, nakalulutuk so! Ofan-nala lala'en-na, nanasapu balisik neme tasi maloaina mai. Makasososan-na, laun-nala koasa nai tasi-a, de ala tao-la hataholi tasi su'uk-kala, ala bii-lamata'u.

YESKIAL 28:1

Manetualain nafa'da au nae,

ZEFANYA 2:15

Manada'dik ndia nde neukose, ana da'di neu kota fo henuk no hika-setelek ndia, ma nafa'da nae ndia so'da-molek. Laun-nala laedaenga, sila kotan ndia, kota matuaina nanseli nai daebafak-ka. Te se'kona, kota ndia nee-nee lino-linok nanseli, ta hapu hataholi leo nai ndia fa, ka'da bana fuik-kala leo lai ndia! Hataholi see la'ok tunga kota ndia soona, neukose ana nggenge, ma aon-na ndefa kao-kao.

ZAKHARIA 9:2

Hamat fo nakatoo no Hadrakh boeo, Ndia nuun leondiak boe, kota-kota Tirus ma Sidon, no basa laun malelainan-nala lala'en-na.

YESKIAL 29:3

Manetualain Fo Mademaina, nafa'da au nae, mafa'da mane Masir-ra, hala heheluk-ka nde ia nae, “O musum-ma nde Au ia, hai beis matuaina, fo o makandondoo nai lee-a tala'da. O malame'i mae Lee Nil-la nde been-na, o nuum ndia, ma o mae, o nde taolee ndia.

YESKIAL 29:9

Neukose, Masir da'di dae louk. Soona besak-ka emi bubuluk, mae Au nde Manetualain-na.” Manetualain nafa'da nae, “Hai mane Masir-ra nei! Hu kande o mafa'da mae Lee Nil-la nde been-na, o nuum, ma o mae o nde tao lee ndia,

DANIAL 11:12

Basa boema, neukose namahoko nanseli, nanahu ana sengi ma hu kande ana taonisa solda'du musu makadotok, tehu neukose ana ta koasa nakandoo fa.

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.

DANIAL 11:37

Neukose manek ndia ta nafaduli neu su'di lamatua daebafak bee fo bei-ba'i kain sene-do'ok-ka, leomae lamatua daebafak fo inak-kala sene-do'ok-ka boe. Ta nafaduli lamatua daebafak sila-la fa, nanahu nafa'da nae, ndia ba'ulena lamatua daebafak sila.

LUKAS 14:9

boema uma lamatuak fo manaka'i basa emi dua ndia, ana mai fo nafa'da emi no nakasetik nae, ‘Boso mamanasa, te mamanak ndia nanasadia basak soaneu fui ndia so.’ Soona no mamaek nanseli, ma no nakasetik o muse lali leo mamana mate'ek manai dea.