YESKIAL 28:18 - Susula Malalaok Hehelu Palak Ma Hehelu Beuk

¹⁸ Manetualain nafa'da nae, “Hai Tirus, o tao manggenggeo o mamana huhule-haladoim-mala, nanahu nai lelek o mase'o-banasa, o tao salak ma o ta tao tunga ndoon-na fa. Hu ndia de, Au hotuheni o, nalosa o da'di afu nai dae lain. Basa hataholi manamete o-a, lita ka'da afu-a mesak-kana.

YESKIAL 28:18 Referans Kwoze

MALEAKHI 4:3

Nai faik ndia, neukose Au aketu-ala'di, ma neukose emi sengi hataholi mangalauk-ka, nalosa sila sama leo daesopu ka fo emi heheta-aa'in.

NINITAK 18:8

Hu ka nde dede'ak ndia de ka'da nai faik esa mesa kana neukose susa-soe – he'di-laus, dale he'dik ma la'andoes lapalunilan. Ma neukose ha'i naputun, nana Amak Manetualain fo manamaketu-mala'di nana nanuu koasa.”

YESKIAL 28:16

O langam-ma dila no ka'da nase'o-banasak-ka, de ndia nde neni o leo naseti-nalakak-ka ma sala-singok-ka neu. Boema, Au usiheni o meme Au lete malalao-malalafung-nga mai, de ata nusa so'dak manamanea o-a, ana usiheni o meme batu poemata mangadilak sila-la, tala'da mai.

YESKIAL 28:2

“Hai hataholi daebafak fo, manasapu-manalalok-konei, mafa'da mane Tirus-sa, hata fo Au, Manetualain Fo Mademaina nafa'da neun, ‘No koao-ndaeaok, o mafa'da mae o nde been-na lamatua daebafak, fo o mangatuuk nai kandela manek-ka, nai tasi-a tala'da heon. O bole tao o aoinam-ma, da'di leo lamatua daebafak, tehu mafandendelek leona te, o ka'da hataholi daebafak biasa mesak-kana.

2 PETRUS 2:6

Dede'a na sama no kota Sodo ma no Gamora: Manetualain hotu heni kota sila ninik ha'i, fo ela ana da'di natutu'duk la'eneu hata fo neukose ana da'di neu hataholi mangalau kala.

MARKUS 8:36

Nanalak hata ba'eneu hataholi esa, makanaema ana hapu basa daebafak ia lala'ena, tehu namopo so'da na?

AMOS 2:5

Hu ndia de, neukose Au haitua ha'i-a leo Yehuda neu fo na'a heni basa Yerusalem kota musun-nala.”

AMOS 2:2

Hu ndia de, neukose Au haitua ha'i-a leo nusa Moab-pa neu, fo na'a heni kota musu Keriot-ta. Neukose mate hataholi Moab-pala nai natee-nata'ti manadodolok-ka tala'da, nai lelek bei puu pupuuk-ka, ma eeki musu-a dolo-dolo.

AMOS 1:14

Hu ndia de, neukose Au haitua ha'i-a leo kota Raba papala-nanadaman-nala neu, fo na'a heni basa kota musun-nala. Nai lelek ndia, neukose lamanene musu nangguu mai, ma natee-natatik doto-doto sama leo ani-sangu.

YESKIAL 5:4

Basa soona, tapa seluk langadook ndia faa anak leo ha'i dale neu, fo ha'i na'ahenin. Neukose ha'i-a, sii lapa-lapa leo basa leoina Israel-la lala'en-na neu.”

HAKIM-HAKIM 9:20

Tehu metema, dede'an-na ta leondiak fa soona, sa'di leo been-na, ha'i-a kalua neme Abimelekh mai, fo ana hotunisa la'iesak laun Sikhem-mala, boema laun Bet-Milo lala'en-na. Ma sa'di leo been-na, ha'i-a kalua neme laun Sikhem-mala, boema neme Bet-Milo mai boeo, fo ana hotunisa Abimelekh.”

HAKIM-HAKIM 9:15

Boema makatema dila-nggauk ndia nataa nae, ‘Metema, te'e-te'e emi nau tao au da'di emi manem soona, mai masulu-mahapa nai au sa'ong dale. Metema, emi ta nau fa soona, neme au ndanang fo manggauk ia, neukose ana kalua ha'i, fo ana hotu heni basa ai aras manai Libanon-nala.’ ”

YESKIAL 28:15

O ha'da-tataom matetu-mandaak, mulai neme o nananakadada'dik-ka mai, losa o mulai tao tatao-nono'i mangalauk.

ZAKHARIA 9:4

Tehu neukose Manetualain tao-nan da'di nuu-taa hata-taak. Basa kota ndia, su'i-beten lala'en-na, neukose Ana tu'u-tapa henis leo tasi dale neu, ma neukose ha'i na'a heni kota ndia.

YESAYA 66:16

Nana Ana hapu-na, basa hataholi-la lasala, de neukose Ana hukus nenik ha'i ma tafaina, ma nanahuku nisak makadotok.