YESKIAL 28:17 - Susula Malalaok Hehelu Palak Ma Hehelu Beuk

¹⁷ O mata makeem-ma, ana tao-na o koao-ndaeao, ma o na'de nanakoa-nanakiom-ma, ana tao-na o, tao tunga o nggoam-ma. Hu ndia de, Au bala o muu dae lain, fo Au taon da'di nasanene'dak ba'eneu mane fe'ek-kala.’ ”

YESKIAL 28:17 Referans Kwoze

YESKIAL 28:5

Memak o dangan malelak, de besak ia, o mamasu'i hatu-hatu so, de o su'i-betem ndia, ana tao-na o koao-ndaeao!’ ”

YAKOBIS 4:6

Leomae leondiak boe, Manetualain susue-lalain fo Ana fen neu ita ndia, balakai na lena heni ita dale hihii na. Hu ndia de, nai Susula Malalaok dale boeo nanasulak nae, “Manetualain laban hataholi mana koao ka, tehu Ana sue-lai hataholi fo nakaloe-nakadae dale na.”

YESKIAL 31:10

Hu ndia de Au, Manetualain Fo Mademaina, afada o hata fo, neukose ana da'di neu ai fo pe'dan-na losa ko'as-sa ndia. Nana ana boetai namademak-ka, ana boetai koao-ndaeao.

YESKIAL 28:2

“Hai hataholi daebafak fo, manasapu-manalalok-konei, mafa'da mane Tirus-sa, hata fo Au, Manetualain Fo Mademaina nafa'da neun, ‘No koao-ndaeaok, o mafa'da mae o nde been-na lamatua daebafak, fo o mangatuuk nai kandela manek-ka, nai tasi-a tala'da heon. O bole tao o aoinam-ma, da'di leo lamatua daebafak, tehu mafandendelek leona te, o ka'da hataholi daebafak biasa mesak-kana.

LUKAS 14:11

Nana basa hataholi fo namatutua-namadedema aoina na, neukose nananakaloloe-nakadadaek, tehu hataholi fo nakaloe-nakadae aoina na, neukose nananamatutua-namadedemak.”

YESKIAL 32:10

Tete'ek-ka, metema Au leleuk Au tafainang-nga soona, neukose Au sengi o. Mane-manek-kala, ma leoina-kala, neukose lita Au tatao-nono'ing soaneu o ndia. Nai hatematak ndia, neukose ala dele bee-too no bibii-namata'uk-ka, ma ala dele ngge'be-ngge'be, nanahu ala bii sila mate.’ ”

YESKIAL 23:48

Neukose, Au tao amopo basa tatao-nono'i mangalauk leondiak-ka, nai basa nusak-ka lala'en-na. Au tataong ndia, neukose ana da'di nasanene'dak ba'eneu inak lala'en-na, fo ela ala boso hohonge, sama leo hataholi ka'a-fa'di ka duak sila-la.

YESKIAL 16:41

Neukose, ala hotuheni o umam-mala, ma ladenu basa inak-kala, mete o huhukum-ma. Neukose, Au tao ate'e o sosoa-piaom, nenik enok ndia. Neukose, o ta baba'e fe o tou susue-lalaim-mala, bua palsen so'on.

YEREMIA 8:9

Basa hataholi manatee-tenok, fo manai emi tala'da heom-mala, neukose nananakamamaek. Neukose mopo manatee-tenon-nala, fo lala hihi'ik dale. Ala ta nau sipo Au nanoli-nafa'dang fa; besak ia, sila bei lanuu manatee-tenok beek-ka bai?

AMSAL 16:18

Koao-ndaeaok-ka neninin-na nde nakalulutuk-ka; namatutua-namadedema aoinak-ka, neninin-na nde tutu'dak-ka.

AMSAL 11:2

Hataholi manakoao-ndaeaok-ka, neukose nana nakamumulu-nakamamaek; hataholi dale taidaek-ka nde been-na, manatee-tenok.

MAZMUR 147:6

Ana hela nafofo'a, hataholi nanatuni-ndenik-ka, tehu Ana bala hataholi mangalauk-ka, neu dae lain.

MAZMUR 73:18

O fes lapadeik leu eno talimo'dis-sa, de O po'ilotak-kasa tu'u leu, de mopo-mates.

YESKIAL 19:12

Tehu hataholi ba'unasa-la, ala fe'ahenin, basa boema, ala tapan neu dae lain. Ani timu-a ana mai, boema ana tao-na boa momo'don-nala, lamatuu. La'di ndanan-nala, de lamatuu, boema ala hotuhenin.

YESKIAL 26:16

Leoina manai tasi su'uk-kala, manen-nala lita o ua-nalem da'di tao leondiak soona, neukose ala fo'a leme kandela manek lain mai, fo ala o'duheni sila ba'du manalu matua-madema-na, ma sila ba'du nanaseu bunga-na, fo langatuuk dele bengge'be leu dae lain. Neukose ala bii-lamata'u lanseli, nalosa dalen-nala ta tesa-tama fa.

YESKIAL 27:4

Tasiina sama leo uma, ba'eneu o. O nananafofo'ak, sama leo ofaha'i mana'a hiik-ka.

YESKIAL 28:15

O ha'da-tataom matetu-mandaak, mulai neme o nananakadada'dik-ka mai, losa o mulai tao tatao-nono'i mangalauk.

YESAYA 25:12

Neukose Ana tao natu'u Moab kota musun-nala, ma papala nanadama mademainan-nala, fo Ana tapas leo dae lain neu, losa lakalulutuk sama leo afu-a.

YESAYA 26:5

Manetualain nakadadaek hataholi manakoao-ndaeaok-ka; Ana tao nakalulutuk sila kota musun-na ma Ana taon-nan, nakatetepak no dae bafan-na.

DANIAL 11:12

Basa boema, neukose namahoko nanseli, nanahu ana sengi ma hu kande ana taonisa solda'du musu makadotok, tehu neukose ana ta koasa nakandoo fa.