YESKIAL 27:15 - Susula Malalaok Hehelu Palak Ma Hehelu Beuk

¹⁵ Laun Rodus-sala boeo, ala dangan loo o, ma laun manai tasi su'uk-kala, ala asa o bua dangam-mala nenik ngga'di dui, ma ai nggeok.

YESKIAL 27:15 Referans Kwoze

NINITAK 18:12

Ta hapu hataholi asa sila lilopilan, lilofulan, poemata, ma mutiara nala so'on. Leondiak boe, sila tema fula mangadila nala, tema pila balanggeok, tema sutra, ma tema pila sangadelak, basa ai mata-matak fo kikisa ka de'i fo hapun, bua-lo'as fo nanataok neme ngga'di dui mai, ma neme ai kabeli kala, neme liti, besi, ma neme batu mangadila ka mai;

1RAJA-RAJA 10:22

Salomo ofa matuainan makadotok fo ala la'ok lakabubua loo Mane Hiram ma ofa nala. Teuk telu soona ofak sila-la fali ma'is la'iesa fo leni lilopilas, lilofulak, ngga'di dui, ko'de ma manupui manakoaok.

KEJADIAN 10:7

Kus tititi-nonosin nde, laun manaleo nai Seba, Hawila, Sapta, Raema ma Sabtekha. Raema tititi-nonosin nde laun manaleo nai Syeba ma Dedan.

YESKIAL 27:20

Laun Dedan-nala, ala bae o bua-lo'am-mala nenik ne'ak sa'e ndala.

YESKIAL 25:13

Hu ndia de, Au po'a-benga, ae neukose Au huku Edom, ma Au taoisa hataholi lala'en-na, ma basa bana-manu manai naa-la. Basa nusak ndia lala'en-na, mulai neme Teman losa leo kota Dedan-na neu, Au taon da'di nee-nee lino-linok; neukose mate laun-nala nai natee-natatik dale.

YEREMIA 49:8

Hei laun Dedan, lepos fo malai leon! Mu mafuni. Neukose Au tao akalulutuk Esau tititi-nonosin, hu ka nde sila fai huhukun-na losa so.

1 TAWARIKH 1:32

Abraham sao makahatun-na na'de Ketura. Sao makahatun ndia, ana bongi fe Abraham anatouk-kala, de na'den-nala nde ia: Zimran, Yoksan, Medan, Midian, Isybak ma Suah. Yoksan anatoun-nala na'de: Syeba ma Dedan.

1 TAWARIKH 1:9

Kus tititi-nonosin nde: hataholi Seba-la, Hawila, Sabta, Raema ma Sabtekha. Raema tititi-nonosin nde: hataholi Syeba ma Dedan. (

KEJADIAN 25:3

Syeba ma Dedan fo aman nde Yoksan, ma Dedan tititi-nonosin nde hataholi Asyur, hataholi Letus, ma hataholi Leum-mala.

YESAYA 21:13

Hala heheluk la'eneu Arab nde ia. Hai hataholi Dedan-nala lemin, o hataholi bubuam fo manasa'e onta-la, ala ofu lai dae Arab-pa, makatema dila-nggaun dale.

YESKIAL 38:13

Syeba ma Dedan laun-nala, boema basa manadangan manai nusa Spanyol-la kotan-nala, neukose latane o lae leo ia, ‘Ade o mai mo basa o solda'dum-mala mai, ka'da soaneu ala kalo ma lamanako lilopilas, lilofulak, bana-manu ma hata-heto, boema soaneu kalo meni basa sila-la do?’ ”

2TAWARIKH 9:21

Salomo nanuu ofak matuaina makadotok fo ala laok lai tasi maloaina-la sama-sama loo Manek Hiram-ma ofan-nala. Teuk telu soona, ofak sila-la ala fali ma'is fo leni lilopilas, lilofulak, ngga'di dui kode ma manupui merak.