YESKIAL 26:8 - Susula Malalaok Hehelu Palak Ma Hehelu Beuk

⁸ Nai natee-natatik ndia dalek, neukose ala taolisa laun manai kota letelepak-kala lala'en-na. Neukose musu-a kali oelolok fo ala ke'ke lai dalek, ma ladodou dae fo da'di papala nanadamak, ma ala ho'i-la sila babaa fana matuaina-la, fo lakaduduluk-kasa da'di leo kota musu, soaneu ala la'ban o.

YESKIAL 26:8 Referans Kwoze

YESKIAL 21:22

Metema, kokouisik-ka tu'da leo lima konan dale neu soona, la'e Yerusalem! Fo ndia sosoa-ndandaan nae manek-ka, muse sapu-na kota Yerusalem-ma, soona ana eki eeki natee-natatik-ka, fo ela solda'dun-nala lakaduduluk taka-besi, soaneu ala hona lakalulutuk Yerusalem lelesuinan-nala, ma ala tao ladodou dae fo ana da'di papala nanadamak manata'da musu, ma ala kali oelolok.

YEREMIA 52:4

hu ndia de Nebukadnezar no basa soloda'dun-nala mai sapu-la Yerusalem nai bulak kasanahulu fain sanahulu ma teuk kasio fo manek Zedekia paletan-na. Ala lapadedeik kota musu nai kota deak, lafofo'a papala-nanadamak okofefeo-na.

YEREMIA 32:24

Hataholi Babel-la ala tao papala nanadamak musu feo kota soaneu latona-la, de besak ia latee-latati so. Natee-natatik-ka, la'a-ndoes-sa, ma he'di laus matuaina, neukose taon-na kota ia tu'da lo sila neu. O mita matan boe, basa hata fo O mafa'dak-kala ala da'di mata nitak.

YEREMIA 6:6

Manetualain Fo Manakoasa, Ana paleta basa manakoasa sila-la, fo ela ala lo'oheni ai-la, ma po'a tadodou dae, fo da'di mamana nanabik, fo ata sapu-ta, Yerusalem. Manetualain nafa'da nae, “Neukose Au huku kota ia, nanahu tuni-ndenik makadotok nanseli, da'di nai dalek so.

2 SEMUEL 20:15

Yoab solda'dun-nala lamanene lae Seba nai ndia boema, lakahapi-la kota ndia. Ladodou dae okofeo papala nanadama deak-ka, de ala mulai kali dae manai papala nanadamak ndia huun-na, fo suekande ala tao latu'un.

LUKAS 19:43

Te'e-te'e, fai na neukose losa, nai bee o musu noo mala ala tao mana mapanggenggek okofefeok o. Neukose ala lapadei okofeo la o, ma lakaseti la o neme basa bu'uk lala'ena mai.

YESKIAL 26:6

Neukose lamanako, ma ala taolisa laun manai Tirus kota letelepan-nala. Soona besak-ka laun Tirus-sala, ala bubuluk lae Au nde Manetualain-na.”

YESKIAL 26:9

Neukose ala hona lakalulutuk o papala nanadamam-mala nenik taka-besi, ma ala tao latu'u o umam-mala puni mademan-nala, nenik besi kali dae.

HABAKUK 1:10

Ala hakinonoli mane-manek-kala ma ala hika hataholi mana'a ngga'di matua-madema-la. Ala heheta-aa'i solda'du-la kota musun-na, fo lakadofun nenik dae, boema ala loso-la solda'du-la kota musun ndia.