YESKIAL 25:13 - Susula Malalaok Hehelu Palak Ma Hehelu Beuk

¹³ Hu ndia de, Au po'a-benga, ae neukose Au huku Edom, ma Au taoisa hataholi lala'en-na, ma basa bana-manu manai naa-la. Basa nusak ndia lala'en-na, mulai neme Teman losa leo kota Dedan-na neu, Au taon da'di nee-nee lino-linok; neukose mate laun-nala nai natee-natatik dale.

YESKIAL 25:13 Referans Kwoze

YESKIAL 29:8

Hu ndia de Au, Manetualain Fo Mademaina, afa'da o, ae neukose Au adenu solda'du-la leni tafaina fo leu sapu-la o, fo ala taolisa o laum-mala, ma o bana-manum-mala.

HABAKUK 3:3

O Manetualain Fo Malalao-malalafuk nanseli, mai neme Téman mai O mai meme letelepa Paran mai. O matua-mademam poti-na lalai; daebafak-ka henuk no kokoa-kikiok ba'eneu O.

OBAJA 1:9

Basa palani ta'ti batu maneme Téman mai, neukose ala bii lanseli, ma neukose mate basa solda'du Edom-mala.”

AMOS 1:12

Hu ndia de, neukose Au haitua ha'i-a leo kota Teman neu fo na'a heni Bosra kota musun-nala.”

YESKIAL 25:16

Hu ndia de, Au po'a-benga ae neukose, Au sapu-a hataholi Filistin-nala, fo Au tao amate-amopos. Neukose Au taoisa, basa hataholi fo bei elak manai Filistin tasi su'un-na.

YESKIAL 25:7

Hu ndia de, neukose Au fe emi leo leoina-kala meu, fo ala lamanako ma ala loso-la, basa emi hata-hetom lala'en-na. Naukose, Au tao amate-amopo emi, nalosa emi ta da'di leoina esa so'on, ma boeo emi nusa mesam ta so. Soona besak-ka emi bubuluk mae Au nde, Manetualain-na.”

YESKIAL 14:17

Bole da'di, Au fe natee-natatik-ka leo nusak ndia neu, ma Au haitua fes tafa-sisilo, soaneu tao lamate-lamopo, nau hataholi do bana-manu boe.

YESKIAL 14:13

metema nusak esa nasala-nasingo, ma ta lilineka neu Au fa soona, neukose Au huku nusak ndia. Neukose, Au tao akalulutuk mamana pepe'da nana'an-nala, ma Au fe soe la'a-ndoes-sa mai, ma Au taoisa, nau hataholi do bana-manu boe.

YESKIAL 14:8

Neukose Au la'ban-nana, fo Au taon da'di natutu'duk esa, ba'eneu fe'ek-kala. Neukose, Au kalua henin neme Au anang-ngala dalek mai, soona besak-ka, Au anang-ngala bubuluk lae Au nde, Manetualain-na.

YEREMIA 49:20

Hu ndia de neme hata fo au sanga tao ba'eneu Edom, ma hata fo au tao ba'eneu laun kota Téman. Neukose anan-nala ala usi henis, ma neukose basa hataholi-la bii.

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

KEJADIAN 6:7

nalosa nafa'da nae, “Neukose, Au tao amopo-amate hataholi daebafak fo Au akadada'dik sila-la, ma basa manupui-la ma bana fe'ek-kala lala'en-na boe, nana Au asasale dale, akadada'dik basa hataholi sila-la so.”

MAZMUR 138:7

Nai lelek, susa tuni-ndeni au, O ho'u mahele au so'dang-nga. O la'ban au musung fo, nasan-na lua ponu-ponu, de O soi-tefa-mala au, nenik O koasam-ma.

YEREMIA 49:13

Au soo-supa emi nenik Au na'deng-nga mesak, neukose kota Bozra ana da'di mamana nakabibiik fo nana la'o elak. Neukose hataholi-la hika ma ala pake na'den-na da'di huhukuk. Basa nusa titia-tatain-nala da'di nakalulutuk losa dodoon-na. Au, Manetualain nde manakokolak-ka.”

YESKIAL 27:15

Laun Rodus-sala boeo, ala dangan loo o, ma laun manai tasi su'uk-kala, ala asa o bua dangam-mala nenik ngga'di dui, ma ai nggeok.

YESKIAL 32:29

Edom no basa manen-nala, ma manapaletan-nala maten de latois nai naa. Makahulun-na, hataholi sila-la nde been-na, solda'du mabe'i-balakaik-kala, tehu besak ia, latois nai hataholi manamatek-kala mamanan-na, sama-sama loo hataholi manamate fe'ek fo, ta lalelak Manetualain fa.

YESKIAL 35:3

Mafa'da laun-nala, hata fo Au, Manetualain Fo Mademaina, nafa'da neus, ‘Emi musum-ma, nde Au ia, hai laun manai Edom letelepan-nala lemin! Neukose Au tao-a, emi daem-ma, ana da'di dae louk, de hataholi ta leo dalek fa, ma o kotam-mala, ala da'di ai batu manatapasasalak. Soona besak-ka emi bubuluk, mae Au nde Manetualain-na

YESKIAL 35:9

Neukose Au tao nusam-ma, ana da'di moo maloaina, losa dodoon-na, ma hataholi ta leo lai o kotam-mala so'on. Soona besak-ka emi bubuluk, mae Au nde Manetualain-na.

YESKIAL 38:13

Syeba ma Dedan laun-nala, boema basa manadangan manai nusa Spanyol-la kotan-nala, neukose latane o lae leo ia, ‘Ade o mai mo basa o solda'dum-mala mai, ka'da soaneu ala kalo ma lamanako lilopilas, lilofulak, bana-manu ma hata-heto, boema soaneu kalo meni basa sila-la do?’ ”

YESKIAL 27:20

Laun Dedan-nala, ala bae o bua-lo'am-mala nenik ne'ak sa'e ndala.