YESKIAL 24:23 - Susula Malalaok Hehelu Palak Ma Hehelu Beuk

²³ Neukose emi la'ok no ta pake fefeo langak, do pake ta'bueis, do makaleleu, do kii fa. Neukose emi makalulutuk, hu kande emi sala-singom-mala; neukose emi esa haladoi neu esa.

YESKIAL 24:23 Referans Kwoze

YESKIAL 33:10

Manetualain nafa'da au nae, “Hai hataholi daebafak fo, manasapu-manalalok-konei, mafa'da leoina Israel-la mae, ‘Emi mafa'da mae leo ia: Ami lu'a-lepa aom, ami la'olenam, ma ami sala-singom-mala, hu ndia de, ami makalulutuk. Tao leo beek fo, ami hapu maso'da mahele?’

YESKIAL 4:17

Neukose ketu namahehenan-nala, nanahu basa lotin-nala, ma basa oe nininun-nala, de mate'en-na mates, hu kande sala-singon-nala.”

IMAMAT 26:39

Bei ela emi hataholi maso'dam lumanak nai emi musum-ma nusan-na, neukose ala doi-doso, nanahu emi sala-singom, ma emi bei-ba'i kaim-mala sala-singon.

YESAYA 59:11

Ami bii-mamata'u, ma dale he'di; ami sanga ndoos ma matetuk-ka, tehu ta hapu fan; ami mamahena so'da-molek-ka, tehu manada'di tak.

MAZMUR 78:64

Sila imam-mala, nanatao nisak nenik tafaina, inafalun-nala ta hapu kii-makaleleu fa.

AYUB 27:15

Mate tolanoo ka'a-fa'din fo bei elak-kala, hu kande he'di-laus-sa, fo inafalun-nala, ta kii-makaleleu fas.

IMAMAT 26:16

neukose, Au huku emi. Neukose, Au fe soe-a la'e emi, he'di-laus ma sumaik manalea-hai taak-ka, nalosa poke emi matam-ma, ma emi maso'da doi-doso. Neukose, emi foi-fala, tehu emi ta mi'a buna-boan fa, nana emi musum-mala mai, fo ala ho'i leni la'iesak, emi sele-nggalik-kala, buna-boan.

2 SEMUEL 15:30

Basa ndia boema, Dauk o'du heni ta'buein-na, de sama-sama no basa hataholi manatungan-nana, ala nda'e leo Pupuku Setun-na lain leu, boema ala kii ma ala poti ketu langan-nala, fo da'di neu ta'du-tana manasusak.

MAZMUR 107:17

Hapu nggelok nggoak-panganaa, ma doi-doso, nanahu sala-singon-nala, boema, nanafepa-li'uk, nanahu sila salan-nala.

YESAYA 20:2

Teuk telu maneuk-ka, Manetualain nadenu Yesaya, fo Amos anan-na, o'duheni ta'bueis ma si'di lafa lapik fo ana pakek-kala. Ana tunga, de ana la'ok no makaholak ma ana ta pake ta'bueis fa.

YEREMIA 13:18

Manetualain nafa'da neu au nae, “Madenu manek-ka no ina manek-ka kona neme kandela manen lain mai, nana ti'ilanga manen fo mana'ahiik-ka tu'da henin neme langan mai so.

RATAPAN 4:9

Ala doi-doso de ala mate faa-faa, hu kande ta lanuu nana'ak faa anak boen; fo manamatek manai natee-natatik-ka dalek bei naua-nanale lena neme manamatek hu kande la'a-ndoes-sa.

YESKIAL 24:22

Boema neukose, emi tao sama leo au taon besak ia boe. Neukose emi ta poti ketu emi mata-panam, do mi'a loti fafaluk-ka fa.

YESKIAL 44:18

Sila muse pake lopo tema abalutu, ma ta pake kalikee, ma papa'a langak neme tema abalutu mai, fo ela ala boso makadese, ma ala puse.