YESKIAL 23:49 - Susula Malalaok Hehelu Palak Ma Hehelu Beuk

⁴⁹ Hai Ohola ma Oholiba, neukose Au huku emi, nanahu emi hohonge, ma emi sene-do'ok neu sosongo-tatangok-kala. Soona besak-ka emi bubuluk, mae Au nde Manetualain Fo Mademaina.”

YESKIAL 23:49 Referans Kwoze

YESKIAL 9:10

Neukose, Au ta sue-lai fas. Hata fo sila taon neu hataholi fe'ek-kala, neukose, Au taon neu sila boe.”

YESKIAL 7:4

Neukose, Au daleng-nga ta tu'da kasian neu o, do fe do'o do ampon neu o fa. Neukose Au huku o, nandaa no o tao tatao-nono'i ta kandaak lalaena. Soona besak-ka, o bubuluk mae Au nde Manetualain-na.”

YESKIAL 20:38

Basa malenalanga-masa'basook-kala ma manatao tatao-nono'i mangalauk-kala, neukose Au usihenis leme emi tala'daheom mai. Neukose, Au os kalua leme, besak ia ala leo lai nusa-nusak-kala mai, ma Au ta fes loak, fo ala fali leo dae Israel-la leu so'on. Soona besak-ka ala bubuluk, lae Au nde Manetualain-na.”

YESKIAL 7:9

Neukose, Au daleng-nga ta tu'da kasian neu emi, ma Au ta fe do'o do ampon neu emi fa. Neukose, Au huku emi, nandaa no emi tao, tatao-nono'i ta kandaak-kala. Soona besak-ka emi bubuluk, mae Au nde Manetualain ma Au nde huku emi.”

YESKIAL 6:7

Nai mamanak lala'en-na, hapu hataholi nanataonisak nai ndia, soona hataholi bei maso'dak-kala, neukose ala bubuluk, lae Au nde Manetualain-na.

YESAYA 59:18

Ana balas musun-nala, nandaa no sila tatao-nono'in-nala. Nakalenak, leoina manai pulu dook-kala, ta lala huhukun-na deak fa.

YESKIAL 25:5

Neukose, Au tao asafali kota Raba da'di mamana foo onta, ma basa nusa Amon-na lala'en-na, ana da'di mamana foo bi'ilopo. Soona besak-ka emi bubuluk mae Au nde, Manetualain-na.’ ”

YESKIAL 23:35

Manetualain Fo Mademaina, nafa'da nae, “Hu kande o mafandeleheni Au, ma o masadea Au so, de neukose o doi-doso hu kande o nasa sasao-aanam manafo'am-ma, ma o manasosoa-pioam-ma.”

YESKIAL 22:31

Hu ndia de besak ia, Au amanasas, de neukose Au tao amate-amopos nenik ha'i, nanahu sila tatao-nono'in lala'en-na. Au Manetualain Fo Mademaina, nde manakokolak-ka.”

YESKIAL 20:44

Metema, hu kande Au na'de malalao-malalafung-nga, de Au tao emi leondiak, ma ta nandaa no emi ha'da-tataom ta malolem-ma, boema emi tatao-nono'i mangalaum-ma soona, besak-ka emi hataholi Israel-la bubuluk, mae Au nde Manetualain-na. Au, Manetualain Fo Mademaina, nde manakokolak-ka.”

YESKIAL 20:42

Metema, Au o falik emi leo dae Israel, dae fo Au helu basan neu emi bei-ba'i kaim-mala, soona besak-ka emi bubuluk, mae Au nde Manetualain-na.

YESKIAL 16:43

Au huku o nanahu, o ta mafandele, tao leo beek de, Au puli-amo'do o, nai lelek o bei muli-solum-ma. O taom-ma Au amanasa nenik, o tatao-nono'i mangalaum sila-la. Tao le'e de, o bei popo-tama seluk o ha'da-tataom nanamaluak sila-la, nenik sosoa-piaok-ka bai? Au, Manetualain Fo Mademaina, nde manakokolak-ka.”

YESKIAL 11:21

Tehu hataholi fo, ana nau sene-do'ok neu sosongo-tatangok fo, ta kandaak ma nanamaluak-ka, neukose Au hukus, nanahu sila ha'da-tatao mangalaun ndia.” Manetualain Fo Mademaina, Ana kokolak nae leondia.

MAZMUR 9:16

Nggileo-bobongik fo, ta lalelak O-a fa, ala tu'da leo bolok fo sila kaliaon-na dalek leu; sila hihi'in-nala, nala seluk-kasa.

YESKIAL 16:58

O muse doi-doso, fo da'di leo babalak esa neme o tatao-nono'i manggenggeok, ma nanamaluak ndia mai. Au, fo Manetualain, nde manakokolak-ka.”

YESKIAL 23:48

Neukose, Au tao amopo basa tatao-nono'i mangalauk leondiak-ka, nai basa nusak-ka lala'en-na. Au tataong ndia, neukose ana da'di nasanene'dak ba'eneu inak lala'en-na, fo ela ala boso hohonge, sama leo hataholi ka'a-fa'di ka duak sila-la.

YESKIAL 24:1

Nai hataholi Yahudi-la, bula ka sanahulun-na, fain sanahulu, fo nai lelek ami nai mamana tu'u-tapak, teu ka sion-na, Manetualain nafa'da au nae,