YESKIAL 23:41 - Susula Malalaok Hehelu Palak Ma Hehelu Beuk

⁴¹ Beoma langatuuk leu pepe'u manahiik lain. Nai matan-nala, hapu mei esa, henuk no nana'a-nininuk, boema Au fes boomenik ma mina setun-na, lai mei ndia lain boe.

YESKIAL 23:41 Referans Kwoze

ESTER 1:6

Uma manek-ka so'dan-na, nanabalias nenik tema lelesu abalutu momo'dok ma fulak, ma nanapa'ak nenik tali abalutu, ma nanasoloka'dok neu sue lilofulak fo nanapasak manai dii batuk-kala. Ala tao pepe'u lilopilas ma lilofulak-kala nai dae, fo nai lante nanabalias nenik batu pualam fulak, hablur pilas, poemata lou mangadilak, ma batu pirus momo'dok.

AMOS 6:4

Soe ba'eneu emi fo mangape'uk nai pepe'u malole mana'a lain, ma tao feta-dote nenik paa sapi ma paa bi'ilopo ana!

YESKIAL 44:16

Ka'da sila mesak-kasa nde, bole masok leo Au Umang dale mai, lalalau-laoono Au nai Au mei tunu-hotung-nga, ma ala tao mamasok nai Au Umang.

YEREMIA 44:17

Basa hata fo ami heluk-kala lala'en-na, neukose ami tao la'iesak-kasa boe. Neukose ami fe mahele tutunu-hohotuk neu Ina Manek nusa so'dak-ka, ma di'a angol oek da'di leo tunu-hotuk neun sama leo biasan-na nanataok neme ami bei ba'ikai manamatem-mala, neme manek-kala, neme ami mauli-malanga manapaletam-mala ma ami ia boe nai kota-kota Yehuda ma enok-enok manai Yerusalem-ma. Nai lelek ndia ami ta to'a-taa hata esa boen, te am manuu nana'a-nininu manadaik ma ami so'dam-ma natetu.

YESAYA 65:11

Tehu hataholi fo, manala'oela Au-a, ma ta manataoafik neu Sion, fo Au pupuku malalao-malalafung-nga, fo manatunu-hotu nana'ak fe Gad ma Meni, fo lamatua daebafak maneni nanalak ma ua-nalek-ka, hataholi sila-la, ua-nalen ta leondiak fa.

YESAYA 57:7

Emi meu leo letek-kala poin-na meu, fo tunu-hotu tutunu-hohotuk, fo emi tao matetu emi nasa sao-anam.

MALEAKHI 1:7

No emi tunu-hotu nana'a-niniuk, fo ta nandaa nanatunu-hotuk nai Au mei tunu-hotung lain fa. Boema emi matane mae, ‘No enok leo bee ka, ami heheta-aa'i O?’ No emi tao manggenggeo Au mei tunu-hotung.

AMOS 2:8

Nai mamana makaluku-makatele lala'en-na, hataholi-la sungu loo ba'du fo ala ho'i-lan da'di neu bua pepe'dak esa neme hataholi nuu-taa hata-taak-ka, hutan-na mai. Ala ho'i-la angol fo ala ho'i-lan neme hataholi manamahutak neu sila, fo linu nai sila Manetualain-na, Uman dale.

SEMUEL SUSULAK-KA ESAN-NA 28:23

Saul ta nau fa, de nafa'da nae, ta nau na'a fa. Tehu basa hataholi mana'a ngga'din-nala lakaseti lahelen de ana tunga. Boema, ana fo'a neme dae lain mai, de nangatuuk neu loanak lain.

YESKIAL 41:22

Deman-na, metel esa seselik, ma loan-na, metel esa. Bu'un-nala, buin-na, ma papalan-na, nanataok neme ai-a mai. Touk ndia, nafa'da au nae, “Mei ia nde nai Manetualain matan-na.”

YESKIAL 6:13

Neukose hataholi manamatek-kala, lalefu-le'ak lai sosongo-tatangok-kala tala'da, ma lai mei tunu-hotuk-kala boboa-kaisun, beelenga basa pupukuk mademaina-la poin-na, ma lai basa letek-kala poin-na, lai ai doo manaleloakak-kala huun-na, ma lai basa ai matuaina-la huun-na; dede'a keke'un-na, su'di nai mamanak bee, fo ala tunu tutunu-hohotuk fe sila sosongo-tatangon soona, hapu mamates nai ndia. Soona besak-ka basa hataholi-la, ala bubuluk lae Au nde Manetualain-na.