YESKIAL 23:39 - Susula Malalaok Hehelu Palak Ma Hehelu Beuk

³⁹ Nai faik fo, ala taolisa Au anang-ngala, ma ala tunu-hotu fes neu sosongo-tatangok-kala, hataholi ka'a-fa'di ka duak sila-la, ala mai leo Au Umang-nga mai, de ala tao langgenggeon!

YESKIAL 23:39 Referans Kwoze

2RAJA-RAJA 21:4

Manetualain nafa'da basa, nae Yerusalem nde been-na, mamanak fo, Ana tao na'den-na nai ndia, ma mamanak makaluku-makatele neun, tehu nai naa, fo nai Manetualain Uman, Manasye tao fe lamatua daebafak-kala, mei tunu-hotuk so.

YESKIAL 44:7

Ala tao langgenggeo Au Umang-nga so, nana ala tunu-hotu fe Au, tutunu-hohotuk minan-na, ma daan-na, ma ala fe loak neu hataholi nusa dea fo, nanasunat beitak-kala, ma ala ta nau tunga neu Au fa, ala bole masok leo dalek leu. No sila tatao-nono'in fo, nanamaluak ndia de, ala la'olena Au hehelu-balataang no sila so.

YEREMIA 23:11

Manetualain nafa'da nae, “Nabi-la ma imam-mala ta nau lamahele Au fa. Boema Au hapu as ala tao mangalauk nai Au umang-nga.

YOHANIS 18:28

Bei fafai anak te lo Yesus neme Kayafas uman, leo gobelno la uma mane na neu. Hataholi Yahudi la ta leu leo uma manek dale leu fa, fo ela ala boso tao langgenggeo uma ndia so'da na, tunga agama eno-dalan, nana ala sanga la'a nana'a Paskah ndia so.

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

YESKIAL 23:38

Ma ta ka'da ndia fa. Sila boe, ala tao langgenggeo Au Umang-nga ma fai Sabat fo, Au aketu basan ndia so.

YEREMIA 11:15

Manetualain nafa'da nae, “Au anang-ngala fo Au sue-laik-ka ala tao basa eno-dalak, fo mangalauk so. De sila ta lanuu hak lai Au umang-nga fa. Sila leuik-ka lae, hu ka nde no tao hehelu-balatak-ka, ma hu ka nde no tutunu-hohotuk bana-manu, de neukose sila hapu binga. Ta'da-la mamate-mamopok-ka. Ade hu ka nde no enok ndia de sila bisa lamahoko?

YESAYA 3:9

Sila heo-hilun fo manakoao-ndaeaon-na, natu'du sila tatao-nono'i mangalaun-na. Sila tao sala-singok no le'do-le'dok, sama leo makahulun-na hataholi Sodom-mala. Soe ba'eneu sila! Sila leni soe fe sila aoinan-nala.

YESKIAL 8:16

Boema, noo au leo Manetualain Uman-na, so'dan manai dalek-ka. Nai deka no lelesu masok leo kama malalao-malalafuk-ka neu, fo nai mei tunu-hotuk-ka no mangalolok-ka tala'da, hapu hataholi duahulu lima lai ndia. Langatuuk lasadea kama malalao-malalafuk-ka, de lasale leo dulu leu, fo ala sene-do'ok neu le'do-a.

YESKIAL 20:39

Manetualain Fo Mademaina nafa'da nae, “Hai hataholi Israel-la lemin! Besak ia, tunga emi dale hihiim-ma, fo esa-esak neu sene-do'ok neu ndia sosongo-tatangon! Tehu mafandendelek te, basa ndia soona, emi muse tunga Au, ma boso boe tao maggenggeo Au na'de malalao-malalafung-nga, nenik emi meni tutunu-hohotuk fe emi sosongo-tatangom sila-la.

YESKIAL 22:8

O tao manggenggeo, Au mamana huhule-haladoing-ngala, ma o ta taoafik neu fai Sabat-ta fa.

2RAJA-RAJA 21:6

Ana tunu-hotu anan-na, da'di leo tutunu-hohotuk nanatunuk. Manasye boeo, ana tao tunga hataholi malelak-kala, manasiula-tongonok-kala tatao-nono'in, ma noke natutu'duk neme dula dalek-kala mai. Nasala-nasingo nanseli neu Manetualain, nalosa ana tao nafo'a nasa-melun.

YESKIAL 5:11

Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.