Biblia Todo Logo
Bib sou entènèt

- Piblisite -




YESKIAL 23:38 - Susula Malalaok Hehelu Palak Ma Hehelu Beuk

38 Ma ta ka'da ndia fa. Sila boe, ala tao langgenggeo Au Umang-nga ma fai Sabat fo, Au aketu basan ndia so.

Gade chapit la Kopi




YESKIAL 23:38
13 Referans Kwoze  

Tehu, ala la'ban Au neme moo solokaek-ka boe. Ala la'olena Au paletang-ngala, ma ala ta sipok Au hoholo-lalaneng fo, metema hataholi-a tao tungan soona, naso'da nahele. Ala tao langgenggeo fai Sabat-ta, nanseli. Hu ndia de, bei leme moo solokaek-ka ndia, Au sadia basa, sanga kalua Au nasa-melung soaneus, fo Au tao amate-amopos.


nanahu ala ta taoafik neu Au paletang-ngala, ala la'olena Au hoholo-lalaneng, ala tao langgenggeo fai Sabat-ta, ma ala sene-do'ok lahele neu sila bei-ba'i kain-nala, sene-do'ok neu lamatua daebafak-kala.


Makahulun-na, dalen-nala lamatua neu sila poemata mana'a hiin-na, tehu ala ho'i-lan de, ala taon neu dodoki-dudula sosongo-tatangok nanamaluak-ka, de Manetualain tao-na sila hata-heton sila-la, da'di hata esa fo, neni bibii-namata'u matuaina.


Ana tao lamatua daebafak Inak Asyera, dodoki-dudulan nai Manetualain Uman dale, te se'kona, Manetualain nafa'da basan neu Dauk, ma anamanen Salomo, la'eneu mamanak ndia nae, “Au hele basa Au Umang-nga, ma kota Yerusalem ia, nai leo Israel-la, nusa ka 12-nala dalek, nde been-na, mamanak fo Au aketun, da'di leo mamana makaluku-makatele neu Au.


O tao manggenggeo, Au mamana huhule-haladoing-ngala, ma o ta taoafik neu fai Sabat-ta fa.


Basa sila neukose ala da'di metema emi mamahele neu Au, ma tao fao sabat-ta da'di fai hehelik soaneu Au. Boso lu'a-lepa hata beek ndia boe tunga Yerusalem lelesu inan-nala nai faik ndia dalen-na. Metema emi la'o lena Au paletang sila-la soona, Yerusalem lelesu inan-nala ma uma manen-nala neukose Au hotu heni la'i esak-kasa ma ha'i ndia ta hapu nakamate fa.’ ”


Manetualain nafa'da basa, nae Yerusalem nde been-na, mamanak fo, Ana tao na'den-na nai ndia, ma mamanak makaluku-makatele neun, tehu nai naa, fo nai Manetualain Uman, Manasye tao fe lamatua daebafak-kala, mei tunu-hotuk so.


Au nde been-na, Manetualain fo maso'dak, Manetualain Fo Mademaina, de Au dede'a-kokolang nde ia: Hu kande, o tao manggenggeo Au Umang-nga, nenik o tatao-nono'i mangalaum ma nanamaluak-ka, de neukose Au tao akalulutuk o, no ta fe ampon neu o fa.


Manetualain Fo Mademaina nafa'da nae, “Hai hataholi Israel-la lemin! Besak ia, tunga emi dale hihiim-ma, fo esa-esak neu sene-do'ok neu ndia sosongo-tatangon! Tehu mafandendelek te, basa ndia soona, emi muse tunga Au, ma boso boe tao maggenggeo Au na'de malalao-malalafung-nga, nenik emi meni tutunu-hohotuk fe emi sosongo-tatangom sila-la.


Basa imam Israel-la, ala la'olena Au hoholo-lalaneng, ma ala tao langgenggeo bua-lo'as fo nanafe hehelik soaneu Au. Ala ta mete kofe'ek, hata beek-kande nanakena-ka'ik ma hata beek-kande ta nanakena-ka'ik fa. Boeo, ala ta lanoli laun-na, fo ala mete kofe'ek, beek kande balisi, ma beek kande manggenggeok, tunga agama nakaneneten-nala. Ala ta taoafik neu fai Sabat-ta fa. No enok ndia de, leoina Israel-la, nakamumulu-nakamamaek Au.


Swiv nou:

Piblisite


Piblisite