YESKIAL 23:35 - Susula Malalaok Hehelu Palak Ma Hehelu Beuk

³⁵ Manetualain Fo Mademaina, nafa'da nae, “Hu kande o mafandeleheni Au, ma o masadea Au so, de neukose o doi-doso hu kande o nasa sasao-aanam manafo'am-ma, ma o manasosoa-pioam-ma.”

YESKIAL 23:35 Referans Kwoze

1RAJA-RAJA 14:9

Tehu o tao tatao-nono'i mangalauk matuaina, lena neme hata fo manapaleta makahuluk-kala tao-no'in-nana. O la'oela Au ma o tao mafo'a Au nasa-melung nenik o tao sosongo-tatangok boema doki-dula kala leme liti mai, fo o sene-do'ok neun.

YESKIAL 22:12

Hapu nggelok boe, hataholi se'ba-baen, fo ana taonisa hataholi, ana da'di kelumatuk fo ana musi hataholi daan, ma ana lumu-ese nonoo hataholin-na. Sila basa-basas lafansele heni Au so. Au, Manetualain Fo Mademaina, nde manakokolak-ka.

YEREMIA 32:33

Leomae Au anoli-aheles, tehu ala ta nau lamanene fa, ma ala ta nau tuka-tei sale-dale fa, ma la'o ela Au.

YEREMIA 3:21

Hala makalupuk-ka, nana namanenek nai letek-kala poin-na; Halak ndia, neme hataholi Israel fo manakii, ma manadokodoe, nanahu lasala-lasingo basa so, ma manalafandele heni sila Aman Manetualain-na.

YESAYA 17:10

Israel, o mafandele heni Manetualain fo manasoi-tefa, ma manamasulu-mahapa o, sama leo lete batu matea-mahelek-ka so. Nasafalin-na, o sele o osi angol-mala soaneu lamatua daebafak-kala.

HOSEA 13:6

Tehu nai lelek emi losa nusa malole-a, de emi makabete boema, emi mame'da-nana, dai so, de emi da'di manakoao-ndaeaok, boema emi mafandele heni Au.

HOSEA 8:14

Hataholi Israel-la, lafofo'a uma manek-kala, tehu lafandele heni manamakadada'dik sila. Hataholi Yehuda-la, ala tao lamaba'u sila kota-kota makota musun-nala, tehu neukose Au akona ha'i-a mai, fo ana hotu heni sila uma manen-nala ma sila kotan-nala.”

YEREMIA 2:32

Ade hapu anafe'oanak-ka nafandele heni lilo-henun, do manaka'bing inak-ka nafandele heni ba'du ka'bin-na do? Tehu emi mafandele heni Au, doon-na seli so – neme lelek fo, ta hapu leke-nala fan.

BILANGAN 14:34

Neukose emi lu'a-lepa emi sala-singom, teuk haahulu dalen-na; teuk esa soona, leken da'di faik esa neme faik haahulu fo emi paken, soaneu palisak besa-besa moo dae ndia. Metema Au la'ban emi soona, neukose emi mame'da mita, he'din-na leobeek!

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

YESKIAL 44:10

Manetualain nafa'da au nae, “Neukose, Au huku hataholi Lewi-la, sama-sama loo hataholi Israel fe'ek fo, manala'oela Au, ma manasene-do'ok neu sosongo-tatangok-kala.

YESKIAL 7:4

Neukose, Au daleng-nga ta tu'da kasian neu o, do fe do'o do ampon neu o fa. Neukose Au huku o, nandaa no o tao tatao-nono'i ta kandaak lalaena. Soona besak-ka, o bubuluk mae Au nde Manetualain-na.”

YEREMIA 23:27

Ala dudu'a lae, neniuk me'i-afek fo sila tuik ndia de, Au anang-ngala lasanggango neu Au salma leo sila bei-ba'i manamaten-nala lasanggango heni Au, de ana sese-do'ok neu Baal-la.

YEREMIA 13:25

Au aketu basa emi ua-nalem-mala leondiak so, nanahu emi mamahele neu lamatua daebafak masapepekok-kala.

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

BILANGAN 18:22

Hataholi Israel fe'ek-kala, ta bole deka Lalaa Temak ndia so'on, fo ela ala boso leni sala-singok, ma huhuku nisak neu sila aoinan-na.

IMAMAT 24:15

Basa ndia soona, po'a-benga dede'ak-ka nde ia neu leoina Israel-la mae, Ba'eneu see, fo ana soo-supa Manetualain soona, muse ana lu'a-lepa tatao-nono'in buna-boan,

YEREMIA 2:27

Neukose emi nananakamamaek, nana emi maloo ai bibiak esa soona, emi mae ama, ma emi maloo batu esa soona, emi mae ina. Emi ta mai leo Au mai fa, te emi la'oela Au. Tehu, metema toto'a-tataak-ka ana mai soona, Au nde emi malook-ka, fo mai soi-tefa emi.

BILANGAN 14:33

Neukose, teuk haahulu dalen-na, emi anam-mala laleu-lalaak nai moo solokaek-ka. Hu kande, emi ta lilineka fa, de emi anam sila-la, neukose ala doi-doso losa hataholi mate'ek manai emi dalek-ka, maten so.

AMSAL 30:9

Nana, metema au amasu'i soona, fafa'kama au afa'da, ae au ta paluu O so'on. Ma metema, au nuu-taa hata-taak soona, fafa'kama au amanako, nalosa au tao anggenggeo O na'dem-ma.”

YEREMIA 2:7

Au os leo, nusa maoe-maisik-ka neu fo la'a buna-boak, ma basa hata malole lala'en manai naa-la. Tehu ala losa ndia boema, ala tao langgenggeo Au daeng-nga, ma ala tao Au hata-hetong da'di hata esa fo nanamaluak.