YESKIAL 23:25 - Susula Malalaok Hehelu Palak Ma Hehelu Beuk

²⁵ Hu kande Au amanasa o, de Au po'ilotak-kasa, ala tao o no ta pake dale susue-lalaik fa. Neukose, ala kee heni o panam-ma, ma o di'idoom-ma, boema ala ho'u-la o anam-mala fo ala tu'us leo ha'i lai neu, fo ha'i-a hotu nisas.

YESKIAL 23:25 Referans Kwoze

YESKIAL 23:47

Nemen-na fo, ala tapas lenik batu, ma ala sapu-lalas lenik tafaina. Nemen-na fo, ala do'dolisa anan-nala, ma ala hotuheni duas uman-na.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

YESKIAL 5:13

Neukose o mame'da mita, Au nasa-melung ma Au fefepa-lili'u matuainang-nga, losa Au daleng-nga tesa-tama. Basa sila-la ala da'di soona, neukose o mamahele mae Au, Manetualain kokolak o o so, nanahu Au amanasa o ta lilineka fa.

KELUARAN 34:14

Boso sene-do'ok neu lamatua fe'ek, nana Au Manetualain, nde been-na Manetualain fo ta nau nakasasamak-kana no su'di beek-ka fa.

NINITAK 18:8

Hu ka nde dede'ak ndia de ka'da nai faik esa mesa kana neukose susa-soe – he'di-laus, dale he'dik ma la'andoes lapalunilan. Ma neukose ha'i naputun, nana Amak Manetualain fo manamaketu-mala'di nana nanuu koasa.”

KIDUNG AGUNG 8:6

Tao au da'di o inaana susuem, boso holu esa boen, te holu ka'da au mesang-nga; nanahu susue tou-ta'ek ndia balakain-na ba'u mamates-sa, ma dale hihii sao-anan-na, sama leo mamates-sa. Pilan-na sama leo ha'i pilan-na fo ana pila lo'a-lo'a.

AMSAL 6:34

Nana, nenik ndia tatao-nono'in ndia de, inak ndia saotoun-na da'dik manaholo inak nalosa nasan-na lua ponu-ponu. Ma metema ana balas nape'da dalek soona, neukose ana ta nanuu dalek susue-lalaik fa.

ULANGAN 29:20

Neukose, Manetualain ta fe do'o do ampon, neu hataholi leondiak-ka fa. Nasafalin-na, neukose Manetualainnasa-melun fo, manalua ponu-ponun-na, la'e hataholi ndia, ma basa susa-soe fo, nanasulak nai susulak ia dalek-ka, neukose ana tuni-ndeni-nala, losa Manetualain tao namate-namopon.

YESKIAL 23:29

Nanahu hataholi sila-la ta lahiik loo o fa, de neukose ala loso-la basa o tutunga-sasangam lala'en-na. Neukose ala la'oela o da'di leo ina manasosoa-piao makaholak, fo o da'di bua nanananiluk nai lea matan. O nasa sasaoana manafo'am-ma, ma o manasosoa-piaom-ma nde

YESKIAL 24:21

anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.