YESKIAL 23:24 - Susula Malalaok Hehelu Palak Ma Hehelu Beuk

²⁴ Neukose loo solda'du makadotok, kaleta musu-la, ma kaleta manafua tua-lepa-la, fo ala sapu-la o neme kii mai. Ala pake babaa fanak, ma ti'ilanga bai, fo lakahapi-la o. Neukose, Au po'ilotak-kasa laketu-lala'di o, tunga sila hoholo-lalanen.

YESKIAL 23:24 Referans Kwoze

YESKIAL 26:10

Sila ndala-nala makadotok nanseli, nalosa ein-nala fofoti-la dae sopuk-ka ana lapu, de ana poti-na o. Solda'du manasa'e ndala fo, manahela kaleta manafua tua-lepa-la, ma kaleta musu-la ei ndu'un-nala, neukose ala tao-la o papala nanadamam-mala ala dele, nai lelek ala masok tunga o lelesuinam-mala leo kota fo, ana da'di ai-batu manatapasasalak ndia dalek leu.

YESKIAL 23:45

Tehu neukose, hataholi ndoos-sala laketu-lala'di hataholi ka'a-fa'di ka duak sila-la, nenik enok hohonge, ma kanisak-ka, nana memak sila lasala so.”

YESKIAL 16:38

Neukose Au huku o, nanahu hohonge-a, ma o tao kanisak sila-la. Neukose Au hukuisa o, nai Au nasa-melung-nga dalek.

YEREMIA 47:3

Neukose ala lamanene ndala-la bepaso, kaleta-la benggio-benggoto, ma ein-nala bendu'u. Neukose hataholi lasik-kala da'di tapandoes ma ala ta dudu'a-dodoo anan-nala so'on.

2 SEMUEL 24:14

Boema, Dauk nataa nae, “Awii! Au soe so! Tehu neme hataholi daebafak huku au, malole lenak Manetualain huku ita basa-basa-tala, nana susue-lalain ba'un-na seli.”

YESKIAL 21:23

Laun Yerusalem-mala, neukose ta lamahele lae manek Babel-la neu sapu-na sila, nanahu ala tao basa hehelu-balataak loo manek Babel-la so. Tehu dede'a nanafa'da elak ia, ana fe sila nasanene'dak nae neukose, sila nanaho'u-nak, nanahu sila sala-singon-nala.

YESKIAL 26:7

Manetualain Fo Mademaina, nafa'da nae, “Hai Tirus, neukose Au o Mane Nebukadnezar-ra neme Babel mai, fo ana sapu-na o. Manek fo be'i-balakain ba'un-na seli ndia, neukose ana mai neme kii mai, fo no solda'du bubuaina esa loo ndala makadotok, ma kaleta musu-la, boema solda'du manasa'e ndala-la.

YEREMIA 52:9

Boema loo manek Zedekia leo manek Nebukadnezar nai kota Ribla fo dae Hamat-ta, de ala latu'da huhukuk mamates ba'eneun.

YEREMIA 52:11

Basa ndia boema ala e'do heni Zedekia matan-na boema ala hela loloson neu leo Babel. Leu na boema ala fen leo bui dale, de ana ta kalua losa maten.