YESKIAL 22:2 - Susula Malalaok Hehelu Palak Ma Hehelu Beuk

² “Hai hataholi daebafak fo, manasapu-manalalok-konei, ade o maheheleaom basa, soaneu maketu-mala'di kota fo, henuk no kanisak ndia so do? Matu'dun basa tatao-nono'in fo, nanamaluak lala'en-na.”

YESKIAL 22:2 Referans Kwoze

NAHUM 3:1

Soe ba'eneu kota ia, fo henuk no masapepeko-masandandalik ma kanisak; henuk no bua-lo'a naseti-nalakak, do bua-lo'a namoak.

YESKIAL 24:9

Manetualain Fo Mademaina, nafa'da nae, “Soe ba'eneu kota fo henuk no kanisak-ka! Au mesang-nga nde, neukose akaduduluk ai fo hotuheni kota ndia.

YESKIAL 24:6

Manetualain Fo Mademaina, nafa'da nae, “Soe ba'eneu kota fo henuk no kanisak-ka! Kota ndia, sama leo ulek-ka nalulutu, fo beita lose nita fan. So'deheni paa manai ulek ndia dalek-ka, biak esa-esa, fo boso ela biak esa boen.

YESKIAL 20:4

Hai hataholi daebafak fo, manasapu-manalalok-konei, ade, o sadia basa soaneu maketu-mala'dis so do beik? Nah, taon leona! Fes nasanene'dak neu tatao-nono'i ta kandaak lala'en fo, sila bei-ba'i kain-nala tao-no'in.

YESAYA 58:1

Manetualain nafa'da nae, “Maloo mapane'e leona! Fo mafa'da sila sala-singon, neu Au anang-ngala.

1 TIMOTIUS 5:20

Hataholi mana tao sala-singo ka, muse kena-ka'in nai basa salani kala matan, fo ela salani fe'e kala, ala bii.

HATAHOLI 7:52

Ade emi bei ba'ikai mala ta fepa-li'u nabi esa boen do? Ala taolisa Manetualain hataholi nadedenun fo makahulun eli ala tui-benga lae, Manetualain Atan fo ndoos ndia, neukose Ana mai. Ma besak ia emi ta mo kana fa, nakalenak bai emi taomisa Manetualain Atan ndia.

MATEOS 27:25

Basa hataholi makadotok sila la lataa lae, “Hei, neme na fo ami mo ami upu-anak mala lu'a-lepa huhukuk soaneu mamate na!”

HOSEA 4:2

Ala soo-supa tehu ala ta tao tunga fan; ala lasapepeko-lasandandali, lanisa, lamanako, ma ala hohonge. Tatao-nono'i mangalauk-ka boetai nakadele, ma kanisak-ka ana da'di, latutungao.

2RAJA-RAJA 21:16

Fe'ek neme ana taon-na, hataholi Yehuda-la lasala-lasingo neu Manetualain, nenik ala sene-do'ok neu sosongo-tatangok-ka, Manasye boeo, ana taonisa hataholi sala tak makadotok nanseli, nalosa nai Yerusalem, daak-ka faa su'di leo bee neu.

LUKAS 11:50

Manetualain tao ndia, fo ela hataholi lelek besak ia la nanahukuk, nanahu kanisak fo nanataok neu basa nabi la, neme daebafa ka nananakadada'di kana mai,

MATEOS 23:35

Hu ndia de neukose emi nanahukuk, nana kanisak fo, emi tao-no'in soaneu hataholi sala ta kala, mulai neme kanisak soaneu Habel fo hataholi sala tak ndia, losa kanisak soaneu Berekia anan Zakharia, fo emi taomisan nai Manetualain Uma na no mei tutunu-hohotu ka tala'da.

YEREMIA 2:34

Ami papake-ngganggaom nanggenggeo, hu kande hataholi nuu taa-hata taak-ka, ma hataholi sala taak-ka, daan-na, ta hu kande nakodaa nanaho'un-nak-ka daan-na fa. Leomae leondiak boe,

YEREMIA 2:30

Palsuma la'iesak-kana, Au huku emi, nana emi ta nau sipo nanoli-nafa'dak fa. Emi sama leo singa kamulus-sa, de emi taomisa basa emi nabim-mala.

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

YESKIAL 11:6

Emi taomisa hataholi de'u-de'u basa ndia so, nalosa eno-enok manai kota dale-la, henuk no hataholi manamatek-kala popolan-na.

YESKIAL 22:1

Manetualain nafa'da au nae,

YESKIAL 22:3

Manetualain Fo Mademaina, nadenu au fo, anduku-alosak hala heheluk ia, neu Yerusalem nae, “O masala, nanahu o taomisa o laum makadotok so, ma o tao manggenggeo o aoinam-ma, nenik o sene-do'ok neu sosongo-tatangok fo, o tao-kala. Hu ndia de, o fai naketu-nala'dim-ma, ana deka so, fo no lai-laik, mopo o na'dem-ma. Au po'ilotak leoina-kala, ma basa nusak-kala, ala hakinonoli ma ala hika o.