YESKIAL 22:13 - Susula Malalaok Hehelu Palak Ma Hehelu Beuk

¹³ Tehu besak ia, neukose Au hotu fe, basa o nakodaam-mala, ma kanisam-mala.

YESKIAL 22:13 Referans Kwoze

YESKIAL 21:17

Neukose, Au totoko Au limang-nga boe, boema neukose Au nasa-melung ana tenak. Au, Manetualain nde manakokolak-ka.”

YESAYA 33:15

Emi hapu makatatakak, metema emi kokolak, ma tao-no'i hata fo ndoos-sa. Boso sanga nanalak nenik lulumu-eese hataholi nuu taa-hata taak-ka, ma boso sipo doi sosolo dalek. Boso tunga mo hataholi fo, ana tutu'u kanisak, do tatao-nono'i mangalauk fe'ek.

YESKIAL 22:27

Manapaletan-nala sama leo busa fuik-ka, ana sisii-lulu'i nana'an-na. Ala lanisa, ka'da soaneu sanga nanalak.

YESKIAL 21:14

Nah, hai hataholi daebafak fo, manasapu-manalalok-konei, mafa'da dede'a nananafa'da elak-ka leona. Totoko o limam-ma leona, fo da'di leo ta'du-tana ba'eneu tafaina ndia, ana mulai do'do-pau hataholi. Tafaina ndia neni bibii-namata'uk nanseli.

1 TESALONIKA 4:6

Nai basa tatao-nono'ik sila la dalek, emi boso ke'dindiu do tao mangalauk neu emi tolanoo ma do tipu dain. Makahulu na ami fe basa emi nasnene'dak mae, neukose Lamatua ka huku hataholi mana tao-no'i tatao-nono'i masalak leo sila kala.

AMOS 3:10

Manetualain nafa'da nae, “Hataholi-la tao lahenu sila uma manen-nala nenik bua-lo'as fo ala hapus neme lumu-esek ma tatao-nono'i susue-lalai taak-ka mai. Lena-lenak ala ta tao tunga ndoon-na makandondook fa.

AMSAL 28:8

See da'di hataholi kamasu'ik, hu kande ana ho'i bunak, ma ana ho'i nanalak makadotok nanseli soona, neukose su'i-beten, tu'da leo hataholi fo, nanuu dale kasian, soaneu hataholi nuu-taa hata-taak-ka, liman dale neu.

BILANGAN 24:10

Balak kukumu liman-na no nasak, de nafa'da Bileam nae, “Au aloo o mai, soaneu supa-soo au musung-ngala, te se'kona, o fes baba'e-papalak losa la'i telu.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

YESKIAL 21:19

“Hai hataholi daebafak fo, manasapu-manalalok-konei, dulak-ma, enok dua, fo biasa manek Babel-la ho'i neni tafainan-na, fo ana la'ok tunga enok ndia. Enok ka duak sila-la, muse leme nusak fo esa mai; enok esa leo Raba, ma kota Amon-na neu; boema esak-ka leo Yerusalem, ma kota musu manai Yehuda neu. Pasak papak matu'du enok neu eno kaba'ek-ka.