YESKIAL 22:10 - Susula Malalaok Hehelu Palak Ma Hehelu Beuk

¹⁰ Hapu nggelok fufu'di-oodok ma ana sungu no ina palan-na, inak fo ana hapu he'di bulak,

YESKIAL 22:10 Referans Kwoze

IMAMAT 18:19

Boso sungu moo inak esa, nai lelek ana hapu bulak, nanahu, inak ndia bei nai manggenggeok dale.

YESKIAL 18:6

Ana ta sene-do'ok neu hataholi Israel-la, sosongo-tatangon fa, do na'a tutunu-hohotuk, fo nanatunu-hotuk nai mamana sene-do'ok neu lamatua daebafak-kala. Ana beita fufu'di-oodok nita, hataholi fe'ek saoinan fa, do ana sungu no inak fo, ana hapu he'di bulak.

IMAMAT 20:11

Touk esa, ana sungu no aman saon esa soona, ana la'olena aman hak-ka. Muse hukunisan no inak ndia. Sila mate, hu kande sila salan-na.

1 KORINTUS 5:1

Tunga ndo na, au sipo basa halak lae, nai emi dalek sosoa-piao ka su'diselin, de nalosa emi nggelok hohonge seluk inapala na. Hataholi fo ta nalelak Lamatua ka fa boeo, ana ta tao leondiak fa!

AMOS 2:7

Ala tuni-ndeni hataholi tapandoes fo be'i-balakain ta, ma ala usiheni hataholi nuu-taa hata-taak-ka. Ama no anan-na sungu loo ata inak esa, de ala tao langgenggeo Au na'de malalao-malalafung-nga.

1 TAWARIKH 5:1

Ruben nde been-na Yakob ana ulun-na. Tehu, hu kande Ruben tao nanggenggeo aman sao makahatun esa na'den-na boema, Yakob ho'i-na ndia haak fo da'di leo ana uluk-ka, de ana fen leo Yusuf neu. Leomae leondiak boeo, mabe'i-balakaik manai Yakob tititi-nonosin dalek-ka, ta nde Yusuf tititi-nonosin fa, te nde leo Yehuda dei. Nakalenak manada'di manek makasososak neu basa hataholi Israel-la nde been-na neme leo Yehuda ndia mai.

ULANGAN 27:23

‘Nanasoo-supak ba'eneu hataholi fo, ana sungu aliinan-na.’ Hataholi Israel-la lataa lae, ‘Tete'ek-ka!’ ‘Amin!’

ULANGAN 27:20

‘Nanasoo-supak ba'eneu hataholi fo, ana nakamumulu-nakamamaek aman, nanahu ana sungu no aman saoian esa.’ Hataholi Israel-la lataa lae, ‘Tete'ek-ka!’ ‘Amin!’

IMAMAT 20:18

Metema touk esa, ana sungu no inak esa, te inak ndia bei hapu bulak soona, ala ta da'di Au anang so'on.

KEJADIAN 49:4

Mu'dak la'iesak-kana, o mako'ba sama leo oe-a, nalosa o ta nde makasososak-ka fa; nana o sungu moo au sao makahatung-nga, o tao manggenggeo o amam pepe'un-na.

KEJADIAN 35:22

Lelek ala bei lai mamanak ndia, Ruben sungu no Bilha, fo ama sao makahatun-na. Yakob namanene dede'ak ndia boema, namanasa nanseli. Yakob ana toun sanahulu dua.

IMAMAT 18:6

Manetualain fe nakanenetek-kala nde ia: Boso sungu moo hataholi esa neme emi tolanoo ka'a-fa'dim mai.