YESKIAL 21:22 - Susula Malalaok Hehelu Palak Ma Hehelu Beuk

²² Metema, kokouisik-ka tu'da leo lima konan dale neu soona, la'e Yerusalem! Fo ndia sosoa-ndandaan nae manek-ka, muse sapu-na kota Yerusalem-ma, soona ana eki eeki natee-natatik-ka, fo ela solda'dun-nala lakaduduluk taka-besi, soaneu ala hona lakalulutuk Yerusalem lelesuinan-nala, ma ala tao ladodou dae fo ana da'di papala nanadamak manata'da musu, ma ala kali oelolok.

YESKIAL 21:22 Referans Kwoze

YESKIAL 4:2

Boema, dokik-ma musu-a, nakahapi-na kota Yerusalem-ma no oelolok-kala, dae madodouk-kala, solda'du-la uma ofun-nala, ma pe'da taka-besi okofefeo-la papala nanadaman-na.

YESKIAL 26:9

Neukose ala hona lakalulutuk o papala nanadamam-mala nenik taka-besi, ma ala tao latu'u o umam-mala puni mademan-nala, nenik besi kali dae.

YEREMIA 52:4

hu ndia de Nebukadnezar no basa soloda'dun-nala mai sapu-la Yerusalem nai bulak kasanahulu fain sanahulu ma teuk kasio fo manek Zedekia paletan-na. Ala lapadedeik kota musu nai kota deak, lafofo'a papala-nanadamak okofefeo-na.

YEREMIA 51:14

Manetualain Fo Manakoasa ana soo-supa neu ao paan-na nae neukose ana fe hataholi de'u lamak-kala fo leu sapu-la Babel, ma neukose ala eeki sesengik-ka.

YEREMIA 33:4

Manek Yehuda uma manen-na, ma uma manai kota Yerusalem-mala ala ofe henis fo ala tao latea-laheles soaneu musu-a mamain-na. Tehu Au, Manetualain, fo Israel Manetualain, nafa'da nae,

YEREMIA 32:24

Hataholi Babel-la ala tao papala nanadamak musu feo kota soaneu latona-la, de besak ia latee-latati so. Natee-natatik-ka, la'a-ndoes-sa, ma he'di laus matuaina, neukose taon-na kota ia tu'da lo sila neu. O mita matan boe, basa hata fo O mafa'dak-kala ala da'di mata nitak.

AYUB 39:25

Metema pupuuk-ka nanapuuk soona, nasakukuu, ana hae-na natee-natatik-ka boon-na, neme dook-ka mai. Nai lelek malanga solda'du manai lain-nala, ala eki, fo ala fe paleta soona, namanene.

SEMUEL SUSULAK-KA ESAN-NA 17:20

Balahaa fafaianak boema, Dauk fo'a de naheheleaon. Ana fe bi'in-nala leo manafoo esa neu, fo naneas, de basa boema ana ho'in-na, neni bua-lo'as-sala de ala la'o, nandaa no aman paletan-na. Ana losa mamana ofuk-ka, nai lelek hataholi Israel-la leu leo musu dale leu, no ala eki, eeki musu-a.

YOSUA 6:20

Boema, basa imam-mala, puu pupuun-nala. Ma hataholi Israel-la lamanene pupuuk-kala liin-na tu'tik-ka, ala eki lapane'e, de ndefa heni kota Yerikho-a, papala nanadaman-na. Basa solda'du Israel-la lala'en-na kae tutik, de leu leo kota ndia dalek leu, fo langatuu-lan.

YOSUA 6:10

Basa solda'du-la, nanapaleta basak, fo boso eki ma ta bole lahala fa, metema Yosua beita fe ta'du fa.

2RAJA-RAJA 25:1

Basa boema Zedekia la'ban Nebukadnezar, fo manek Babel-la paletan-na. Hu ndia de, Nebukadnezar no basa solda'dun-nala lala'en-na ala mai, de sapu-la Yerusalem, nai hataholi Yahudi-la bula ka 12-na, fain 10, fo nai lelek Zedekia paleta neu teuk-ka 9-na. Ala ofu leme kota deak, de lapadedeik papala nanadamak, okofeo kota Yerusalem-ma,

YEREMIA 4:16

Ala fe nasanene'dak neu leoinak-kala, ma lafa'da laun Yerusalem-mala, lae musu-a ana mai neme nusa dook mai. Neukose ala eki, eeki musu-a soaneu Yehuda kotan-nala,

YESKIAL 26:8

Nai natee-natatik ndia dalek, neukose ala taolisa laun manai kota letelepak-kala lala'en-na. Neukose musu-a kali oelolok fo ala ke'ke lai dalek, ma ladodou dae fo da'di papala nanadamak, ma ala ho'i-la sila babaa fana matuaina-la, fo lakaduduluk-kasa da'di leo kota musu, soaneu ala la'ban o.

AMOS 1:14

Hu ndia de, neukose Au haitua ha'i-a leo kota Raba papala-nanadaman-nala neu, fo na'a heni basa kota musun-nala. Nai lelek ndia, neukose lamanene musu nangguu mai, ma natee-natatik doto-doto sama leo ani-sangu.

YESKIAL 5:12

Metema, ba'e o laum-ma neu baba'ek telu soona, Au taoisa baba'ek esa, nanahu he'di-laus ma la'a-ndoes-sa da'di nai kota dale. Baba'ek esa, nanado'do nisak nai kota deak, ma neukose Au nggenggela-ngganggali baba'ek esa seluk, leo basa daebafak-ka bu'un-nala leu, ma neukose Au usis tataas esa nenik tafaina.

YESKIAL 5:13

Neukose o mame'da mita, Au nasa-melung ma Au fefepa-lili'u matuainang-nga, losa Au daleng-nga tesa-tama. Basa sila-la ala da'di soona, neukose o mamahele mae Au, Manetualain kokolak o o so, nanahu Au amanasa o ta lilineka fa.