YESKIAL 20:9 - Susula Malalaok Hehelu Palak Ma Hehelu Beuk

⁹ Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

YESKIAL 20:9 Referans Kwoze

YESKIAL 39:7

Tehu neukose, Au afa'da Au na'de malalao-malalafung-nga nai hataholi Israel-la tala'da heon, ma Au na'deng ndia, neukose ta nanatao nanggenggeok so'on. Soona besak-ka leoina-kala, ala bubuluk lae Au nde Amak, Manetualain fo malalao-malalafuk neme Israel mai.”

YESKIAL 20:22

Tehu, Au ta da'di amanasa fa, fo ela leoina fo, lita Au o Israel kalua neme Masir mai-a, ala boso lakamumulu-lakamamaek Au na'deng-nga.

YESKIAL 20:14

Tehu, Au ta da'di amanasa fa, hu kande Au na'de malalao-malalafung-nga, fo ela leoina fo, lita Au o Israel kalua meme Masir mai-a, ala boso lakamumulu-lakamamaek Au na'deng-nga.

KELUARAN 32:12

Metema O tao mamate-mamopos soona, neukose hataholi Masir-rala lafa'da lae O mauli-malanga leoina ndia kalua leme Masir mai, soaneu taomisas lai letelepak-kala ma tao mamate-mamopo makandondook-kasa. Boso tao leondiak, ou Manetualain, dodoo masafali o dalem-ma, fo boso tao soe leoina ndia.

SEMUEL SUSULAK-KA ESAN-NA 12:22

Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so

SEMUEL SUSULAK-KA ESAN-NA 4:8

Soe tete'ek-ka! See kande, bisa soi-tefa-na ita teme lamatua daebafak fo mabe'i-balakaik ndia mai? Ade, lamatua daebafak sila-la ta nde makahulun-na, taolisa hataholi Masir-ra neme moo solokaek-ka hetu?

ULANGAN 9:28

Metema, O tao mamate-mamopo O anam-mala boe, soona neukose hataholi Masir-ra lafa'da, lae O ta moo mabe'i, O leoinam ndia leo nusak fo O helu basa, fen leo sila neu, ma lae O moos leo moo solokaek-ka neu, fo O taomisas, nanahu O mape'da dalek neu leoina ndia.

YOSUA 7:9

Hataholi Kanaan-nala, ma basa hataholi manai nusak ia, neukose lamanene dede'ak ndia. Neukose lakahapi-la ami, fo taolisa ami! Boema, neukose O tao beek, fo O ho'u mahele O na'dem-ma?”

YOSUA 2:10

Ami mamanene basa halak la'eneu, da'di tao leo beek de, Manetualain tao nama'da Tasi Gelagah nai emi matam, lelek emi la'oela Masir. Ami boeo mamanene basa, tao leo beek de, emi taomisa Sihon ma Og, fo leoina Amori mane ka duan sila-la, neme Lee Yarden-na boboan dulu.

KELUARAN 32:11

Musa dokodoe neu Manetualain fo ndia Manetualain-na nae, “Manetualain tao le'e de O muse tao leondiak neu hataholi sila? Ade O ta soi-tefa-malas leme Masir mai, fo nenik koasa ma be'i-balakaik matuaina fa do?

MAZMUR 106:8

Tehu Manetualain soi-tefa-nalas, hu kande na'den-na, fo ela napalanin-na, da'di nananitak.

YESAYA 48:11

Au tao ndia, hu kande Au aoinang-nga mesak-kana, nana Au ta po'ilotak, Au na'deng-nga, nanatao nanggenggeok fa; Au ta aba'e Au ndela-sa'ang, no su'di see boen.”